تظبيط لادا 2107

**sniknchicvnhi** · 22-07-2009 08:12 PM

ياجماعه انا لسه شاري لادا 2107 وديه اول عربيه ليا فكنت عايز اعرف ازاي اظبطها من جوه ومن بره ......ياريت تفيدوني

**zakiali** · 22-07-2009 10:08 PM

الصراحه انا هقولك علي المفيد ... احسن تزبيط للادا عموما انك تبيعها .. يبقي انت كده زبطها قبل ما هي تزبطك !

**M.FOUAD** · 22-07-2009 10:49 PM

المشاركة الأصلية كتبت بواسطة zakiali

الصراحه انا هقولك علي المفيد ... احسن تزبيط للادا عموما انك تبيعها .. يبقي انت كده زبطها قبل ما هي تزبطك !

لية بس كدة دة الراجل لسة جايبها جديد و فرحان بيها بلاش الاحباط دة
بص يا عم انا مليش في تضبيط العربيات اوي لكن اللي بشوفة في الادا كثير هو العتب الامامي و الجوانب و الخلفي شكلة جامد اوي على العربية و لو في امكانية تركيب جنوط او حتى طاسات شكلها نضيف
انت بس انزل زيارة الاسكندرية و هتلاقي سواقين التاكسي هناك عاملين شغل حلو اوي في العربيات

**zakiali** · 23-07-2009 01:23 AM

المشاركة الأصلية كتبت بواسطة nour87

لية بس كدة دة الراجل لسة جايبها جديد و فرحان بيها بلاش الاحباط دة
بص يا عم انا مليش في تضبيط العربيات اوي لكن اللي بشوفة في الادا كثير هو العتب الامامي و الجوانب و الخلفي شكلة جامد اوي على العربية و لو في امكانية تركيب جنوط او حتى طاسات شكلها نضيف
انت بس انزل زيارة الاسكندرية و هتلاقي سواقين التاكسي هناك عاملين شغل حلو اوي في العربيات

أصلها كانت معايا قبل كده وزبطتني الصراحة .. رحت مزبطها التزبيطة الأبدية

**yasoxp** · 23-07-2009 11:52 PM

انا كان معايا لادا 2107 مصرى ولكن للاسف بعتها لظروف السفر وكنت مزبطها على خفيف فى بعض الحاجات اللى بتحسسك بتغيير كبير فى العربيه (على فكره انا من الاسكندرية واكسسوارات اللادا فى الاسكندرية ليس لها اول من اخر )

اولا فبرات الزجاج وهى طقم ابرع قطع بيتسبت على الاربع بيبان وفى منه الاسود والعسلى وانا انصحك بالعسلى جامد جدا

مخدع فى النصف بين الكرسيين الاماميين

ستاره للزجاج الخلفى

طاسات للعجل بس مع اربع بدجات لادا ولزق يمعلم

واحد اسبيلر وفى انواع كتير وده حسب كل واحد وميحب ورشه على لون العربيه عند اى حد مش هيكلفك كتير

لو لادا مصرى حاول تفصل عازل حرارى للماتور علشان تحافظ على الكبوت وفى نفس الوقت تقلل صوت الماتور وممكن تجيبو مستعمل هو بنزل مع الروسى بس

جوز سماعات اصلى مع كوليزر تاتش بس خلى واحد كهربائى كويس يركبهم علشان ميخلهمش عملين زى بتوع التكسى

اربع مكنات زجاج كهرباء ووحده رفع بالاضافه الى عمل مسوجر الشنطه كهرباء اى واحد بتاع ابواب هيزبطك فى الموضوع ده وبيحطلك زرار جوه الصالون مجرد ضغطه تفتح الشنطه

سنتر نوع كويس لان النوع اللى نازل مع العربيه بصراحه زباله وبيعلق كتير

طقم دواسه حجم كبير

بالنسبه لموضوع الفبرات والكساحات بلاش علشان انا كنت هعملهم وواحد صحبى فى المرور حزرنى ان فيهم سحب رخص

ولو عايز اى استفسار اسأل وانا هزبطك

على فكره متسمعش لاى حد مع احترامى للجميع اللادا عربيه من الاخر وهى اللى تناسب شورعنا واللى بيحصل فيها وعلى الاقل مهما حصلك فى السكه فى الاخر التكلفه تكاد تكون صفر بالنسبه الى اى عربيه تانيه واى واحد معدى جنبك هيسعدك فى اى عطل وهيزبطك

انا كنت بحمل فيها والله بالسبع افراد وكانت العربيه عروسه واخد بيهلا اسكندريه بالعرض والطول وكنتش عايز انزل منها وبتلكك علشان اخرج اجيب اى حاجه علشان اركبها

ربنا يباركلك فيها ويكفيك شرها

**eslamrace** · 24-07-2009 12:33 AM

طيب ايه رايك فى العربيه دى انا كان رايي زى ناس كتير انها مينفعش تظبطها لحد مشفت دى

**mxz911** · 24-07-2009 12:39 AM

الصور دى 99% معموله فوتوشوب

**yasoxp** · 24-07-2009 12:51 AM

ياباشا الصور روعه ولو عايز تشوف تزبيط اللادا بحق خش على اللينك ده واتفرج

YouTube - top gear

بس خلينا على ارض الواقع وكل برغوت على قد دمه انا لو معايا اعمل التعديلات دى هروح اجيب تيوتا 2010 وهيفيض معايا فلوس

**eslamrace** · 24-07-2009 01:26 AM

لا والله يا mxz الصور مش فوتو شوب لانى معايا صورها قبل متتعمل واثناء الشغل فيها ولما خلصت
وبيتهيقلى انا شفت الصور دى قبل كده هنا على المنتدى
وبعدين مش شرط يكون معايا الفلوس كلها مره واحده هى بتبقى شويه شويه ياyasoxp

**sniknchicvnhi** · 24-07-2009 11:06 AM

والله ياجماعه العربيه ماشيه معايا زي الفل لدرجه اني سافرت بيها من اسكندريه لاقاربي في البحيره وانا محمل في العربيه 8 وعمرها ما الت لا.... اي نعم ماعدتش ال120 بس شغاله ......وبعدين انا جايبها ب 7000 يعني مش فلوس و يوم ما افكر ابيعها مش ها تجيب اقل من20000