ايه الا مبالاة دي !! حاجة تنرفز

**M.FOUAD** · 23-07-2009 12:05 AM

المشاركة الأصلية كتبت بواسطة baskota

لا حول ولا قوة الا بالله منتهى الاهمال واللامبالاة وعدم احترام الاخرين
هيقولك دع معها جاجوار مش هيفرق معاه 10000 حقد بعيد عنك

يعني هو لو كان وقف كان هيعمل اية
كان كبيرة هيعتذر لصاحبها و خلاص طبعا مش هيقدر يعوض علية اذا كان الاكصدام ممكن يطلع بثمن عربيتة البولونيز كلها
و معتقدش ان فية حد ممكن يكون قاصد يخبط عربية غالية عشان يقطع قلب صاحبها عليها

**AhMeD EzZ** · 23-07-2009 12:46 AM

المشاركة الأصلية كتبت بواسطة nour87

يعني هو لو كان وقف كان هيعمل اية
كان كبيرة هيعتذر لصاحبها و خلاص طبعا مش هيقدر يعوض علية اذا كان الاكصدام ممكن يطلع بثمن عربيتة البولونيز كلها
و معتقدش ان فية حد ممكن يكون قاصد يخبط عربية غالية عشان يقطع قلب صاحبها عليها

والله ما استبعدش
الراجل رجع رجعة غبية الا لو كان مش بيعرف يسوق او مش عارف ابعاد عربيتة

**MoToRiZeR** · 23-07-2009 12:42 PM

المشاركة الأصلية كتبت بواسطة nour87

و معتقدش ان فية حد ممكن يكون قاصد يخبط عربية غالية عشان يقطع قلب صاحبها عليها

ماهو مفيش حد بيبقي قاصد يعمل أي حاجة بس المشكلة في الإستهتار .
يعني أخونا محمد مصطفي أخته عملت حادث مع سيارة ترحيلات أو أمن مركزي السواق إفتكر فجأة إنه هيلف قام من أقصي اليمين لأقصي الشمال و النتيجة العربية إتدمرت و العياذ بالله و غالباَ هتتهلك و أخته و صديقتها خرجوا منها بأعجوبة .

هل السواق كان قصده يخبطها ؟ أكيد لأ .. بس هو عشان سائق مستهتر و مكلفش نفسه يتعلم سواقة صح و سايق بركاوي كدة .. مكلفش نفسه يبص في مرايا ولا يعمل أي حاجة .. و دي النتيجة !

انا أختي واحد خبطها بالعربية عشان كان بيجري بسرعة جنونية و عمال ياخد غرز و لاقاها قدامه فجأة قام شايلها و كانت هتموت .. و طبعاَ محدش هيبقي قاصد يخبط بني أدم بس دي كانت نتيجة الإستهتار !

يعني اللي بيجري و اللي بيعمل غرز و اللي بيسوق عربية غير صالحة للسواقة و اللي مبيعرفش يسوق و يقولك خليها علي الله .. يا سيدي إحنا مش خايفين عليك تولع بجاز .. الناس في الشارع إيه وضعها في هذه المغامرة الغبية الغير محسوبة !؟ ليه تدخل الناس في الموضوع و تحملهم نتيجة عبطك و إستهتارك .

و في ظل غياب القانون .. يبقي الوضع علي ما هو عليه .
و مرة تانية .. المصريون مبيعرفوش يسوقوا .. المصريين بيعرفوا "يحركوا" العربيات .. و من خلال العناية الإلهية و دعاء الوالدين بطريقة ما بيوصوا الأماكن اللي رايحنها "أحياناَ" .