الف مبروك , ربنا يديكى خيرها و يكفيكى شرها
عرض للطباعة
الف مبروك , ربنا يديكى خيرها و يكفيكى شرها
مبروك
رزقك الله خيرها وخير وا فيها
وأبعد عنك شرها وشر ما فيها
ما شاء الله لا قوة الا بالله
1600 مبروك يا رانيا
ربنا يرزقك خيرهاو خير ما هو لها .. و يعيذك من شرها و شر ما هو لها
خدي بالك منها و حافظي عليها حتلاقيها تحت امرك علي طول
و خدي بالك منها في الشوارع الضيقة علشان العربية ودانها طويلة حبتين اكتر من باقي العربيات ( المرايات يعني )
و الف مبروك
الله يبارك فيك ياحسن
انا بحاول احافظ عليها رغم ان اسلوب سواقتي عنيف شوية :shyy: لكن ربنا يقدرني بقي واحافظ عليه.
انا لاحظت فعلا ان مراياتها كبيرة اوي عاملة زي مرايات النص نقل :C_laugh[1]: وفعلا بلاقي ناس بتخبطلي المرايا ووتعوجها او تقفلهالي وياريتهم بقي يخلوا عندهم دم ويعدلوها تاني :whtauwant:لا بضطر اقف عشان اعدلها تاني :B4_556:
بغد كل الي سمعته منكم بجد اقنعتوني بالقسط وانه حلو بس ممكن اطلب منك حد مجرب يقولي ايه مشكلته
او المشاكل الي ممكن تحصل مع البنك مثلا وهكذا
وقبل كل ده اباركلك يا قمر واقولك الف الف الف ومليون مبروك عالعربيه الجديده وربنا يديكي خيرها ويكفيكي شرها
يارب مش كلام بدعيلك من كل قلبي حاسس موضوع الخربشه الي فاول يوم ده
الله يبارك فيك وميرسي على كلامك واهتمامك :s1[1]:
اما موضوع الخربشة فالحمد لله لسة واخدة خربوش تاني امبارح في الاكصدام برده :stink[1]: (مش عارفة ايه حكاية الاكصدام الخلفي معايا :120146b) بس يالا مش مشكلة ربنا يستر وتيجي على أد كده وميحصلهاش حاجة تاني :ask: لحسن كل خربوش فيها بينكد عليا اليوم كله :120146b .
بالنسبة للمشاكل مع البنك انا لسة دي اول تجربة ليا في موضوع التقسيط ولسة حتى مدفعتش اول قسط والحمد لله مواجهتش مشاكل وإن شاء الله ربنا يسهل واكمل اقساطها من غير مشاكل :ask: عشان كده مش هاقدر افيد حضرتك غير في الاجراءات اللي انا مريت بيها وانا بشتري العربية ودي ذكرتها كلها في ردودي.
ولو في اي استفسار تاني انا تحت امرك و إن شاء الله ربنا يقدرني واقدر افيد أعضاء المنتدي في اي شئ :s1[1]: .
1000 مبروك على العربية
انا كمان اشتريت نيواكسنت مع البنك الوطنى للتنمية بس كنت عاوز اسأل حضرتك سؤالين مهمين جدا
1- حضرتك لما مضيتى الشيكات استلمتى بقية الدفتر بتاع الشيكات؟
2- انا مضيت على نسخة وحدة من العقد واخد منها صورة مش اصل حصل كدة مع حضرتك بردة ؟
اسف على الاطالة بس اجابة حضرتك مهمة جدا جدا بالنسبالى
الف مبروك يا رنا على العربية الجديدة وربنا يكفيكى شرها وربنا يزيح عنك الهم
على فكرة انا زييك كنت بمر بظروف صعبة وكنت فاكر انى لما هاستلم عربيتى الجديدة نيو اكسنت فضى هاتنسينى همى لكن دة للاسف ما حصلش والهم افرج هم المكروبين
كنت عايز اعرف من حضرتك استلمتى اية مع العربية انا استلمت الكتالوج والضمان والكوريك وملف العجل ومسمار الجر
ياترى دة الى استلمتية ولا فى حاجة تانية
ومرة تانية الف مبروك واسف على الازعاج
الف مبروك يا رنا وربنا يبريكليك فيها بجد انا برضوا معايا النيو اكسنت 2010 بس السقا موتورز الي في شارع السبق طلع عين اهلي فيها و في الاخر عملت معاهم مشكله و اخدت فلوس الحجز معملتهم زي الزفت بجد عالم معندهش دم بس اشكري ربنا ان حظك حلو معاهم قعدو يمطلو معايا في التسليم شهر و تالات اسابيع
تقريبا 50 يوم وكل يوم يقولولي هتستلم بكره
بعد كده سحبت منهم المقدم و جبتها من معرض تاني في خلال 3 أيام بالظبط عادي بقي كل تاخيره و فيها خيره
بالنسبه للاخ hemahema انت نسيت اهم حاجه بس اكيد انت نسيت تقولها الاستبن طبعاً وفي حاجه مهمه جده للنيو اكسنت وصله الكاسيتانا متمرمط عليها
وفي برضه الاريال بتاع الراديو لو في حاجه مختهاش فيهم روح المكان الي اشتريت منهم و خدها
و ربنا يبريكلك فيها يا باشا بجد و 1000 مبروك
بالنسبة للمشاكل مع البنك انا لسة دي اول تجربة ليا في موضوع التقسيط ولسة حتى مدفعتش اول قسط والحمد لله مواجهتش مشاكل
هو أول قسط بيتدفع بعد كام شهر من استلام العربية ؟؟؟؟
وهل في امكانية تاجيل أول قسط بعد 3 أو 4 شهور ؟؟؟
الاخ gbeshay شكرا على ملاحظاتك ههههههه طبعا نسيت اقول على الاستبن وبرضة انا ما خدتش وصلة الكاسيت
بس لو عايزها هاتلاقيها فى جراش البستان الى فى باب اللوق اول دور محل اسمة على الامين انا جبتها من عندة ب 25 جنية
والف مبروك على عربيتك وربنا يديك خيرها ويكفيك شرها
الله يبارك فيك يافندم :Ob_mak1[1]:.
1- بالنسبة للسؤال الاول انا استلمت دفترين شيكات مضيت 20 شيك كل شيك بإجمالي 3 اقساط ومضيت فوقيهم 4 شيكات بقيمة التأمين السنوية كل ماقدم وثيقة التأمين بتاع السنة الجاية استلم الشيك بتاعها.
الدفتر الأولاني خلص بس اخدته طبعا وكتبت في كعب كل شيك قيمة كل شيك ومعاد استلامه واخدت الدفتر التاني كامل مستعملناش منه شيكات تقريباً.
2- انا مضيت على نسختين اصل للعقد اخدت انا نسخة والبنك اخد نسخة تانية (لكن الاتنين اصل ومكتوب البيانات فيهم بخط اليد)
والف الف مبروك على عربيتك الجديدة ربنا يباركلك فيها ويديك خيرها ويكفيك شرها يارب.
الله يبارك فيك
وربنا يفرج همنا جميعاً وتخرج من ضيقتك قريب ويباركلك في عربيتك وان شاء الله يكون وشها حلو عليك وتنسيك كل همومك.
بالنسبة ليا انا استلمت مع العربية الاستبن وشنطة فيها الكوريك ومفتاح العجل وشنطة العدة فيها مفك وعروة الجر.
واستلمت كمان الاريال ووصلة الكاسيت (USB) واخدت طبعا الكتالوج والضمان والطفاية بتاعة السجاير (شبة الكوباية كده صغيرة وبغطا ولونها رمادي ) والولاعة كمان (مع ان لا أنا ولا اي حد عندي بيشرب سجاير والحمد لله) بس صممت اخدها برده :3mla:.
انا عن نفسي في الاول كنت حاجزة مع ايتدكوا (الشرقاوي جروب) وشرطوا عليا اني ادفع 3 الاف جنيه تحت الحساب وابقي استردهم بعد كده لكنهم عملوا معايا حركة سخيفة اخروا عني الورق بتاع العربية وكدبوا عليا وقالوا ان الورق بيتعدل في غبور والورق لسة متحركش من عندهم اصلا والمندوب كان بيقول كلام ومديره بيقول كلام مختلف فشكيت فيهم ان العربية تكون 2009 وعايزين يبيعوهالي علي انها 2010 وكنسلت معاهم :H_angry[1]:.
في التوقيت ده العربية كانت متأخرة على كل الموزعين اصلا ومنهم السقا وناس كتير والسبب ان غبور هو اللي كان مأخرها عليهم عشان بيركب الكاسيت والانذار ومرحلة التفنيش النهائي فكان حال السقا زي حال باقي الموزعين وكنت كل ماسأل عند اي موزع يقولي مش موجودة لسة قدامها اسبوع اسبوعين يإما لون غير اللي انا عايزاه وهكذا ولما مبقتش اسأل خالص لاقيت السقا وموزع تاني بيقولولي العربية وصلت وتعالي خديها.
بس الصراحة هما معاملتهم معايا مكنتش سيئة بالعكس مندوبهم كان بيتابعني على طول وكانو عايزين يسلموني قبل ماياخدوا وثيقة التأمين كمان ، واخدوا 70 جنيه عشان شهادة البيانات والاعتمادات (بدل ماروح انا واتبهدل في مرور بين السرايات و6 اكتوبر) رغم ان معارض تانية كانت بتقولي 100 و120 جنيه والشرقاوي كان بيقول 220 جنيه كمان :dzey:(كانوا عايزين يشتغلوني بجد :H_angry[1]:) لكن السقا كانوا محترمين اوي معايا ومدفعتش حجز ولا حاجة وروحت استلمت بسهولة يمكن عشان مدير البنك كان مكلم احمد السقا شخصياً لحجز العربية بتاعتي (جايز) :girlsthink:
بس عموما خير فعلا كل تأخيرة وفيها خيرة فعلا والحمد لله انك استلمت على خير :shine[1]:.
انا فعلا استلمت الاريال والوصلة بتاعة الكاسيت (وطبعا طلبتها بنفسي) عشان في معارض بتطنش عليها بس انا اصريت استلم كل حاجة مع العربية :shine[1]:
اول قسط المفروض لو انت مضيت العقد قبل يوم 10 او 15 في الشهر بيكون اول الشهر اللي بعديه على طول لكن لو مضيت بعد يوم 15 او 20 بيدوك فرصة تدفع القسط اول الشهر اللي بعد بعديه.
يعني مثلا لو العقد كان تاريخه 10/06/2009 بيكون اول قسط 02/07/2009 مثلا يعني.
لو تاريخ العقد كان 22/06/2009 بيكون معاد اول قسط 2/8/2009 مثلا.
كله بيكون حسب تاريخ العقد واستلام العربية.
بس هما بيدوك فرصة 10 او 15 يوم تسدد فيهم القسط يعني مش شرط 2/8/2009 بالظبط معاك لحد 15/08/2009 مثلا.
بالنسبة لإمكانية تأجيل القسط 3 او 4 شهور مسألتش فيها واعتقد انها صعب تكون موجودة في البنك ده.
مبروك يا رنا .. 1000 مبروك
ربنا يخايهالك :) و يكفيكي شرها
خلى بالك و أنت سايقة بقى.
عايزة أقولك اني لسة مستلمتش :(
ادعيلي بقى..
مبرووووووك
مبروووووووووووووك وانا ان شاء الله ناوى اجيب نيو اكسنت بصراحه السايت هنا حببنى فيها اوى العربيه دى . بس عايز اعرف مشاكلها ايه؟؟
عايز اعرف حضرتك متعامله مع انهى بنك بالظبط والضمانات ايه . وياريت لو فى رقم تليفون للبنك والمعرض علشان لو كدة اتعامل معاهم احسن
الله يبارك في حضرتك بالنسبة للعربية انا ملاحظتش فيها مشاكل جوهرية لحد دلوقتي لاني لسة العربية جديدة ومقعدتش معايا الفترة اللي اقدر احكم عليها بمنطقية لكن في ناس بتقول ان من عيوبها انها عفشتها ناشفة موضوع العفشة الناشفة انا يمكن بحسه لما بيكون في تكسر مثلا او عديت علي مطب غبي ومخدتش بالي فبحس بوصت رزع كدة مش عارفة ده هو المقصود بالعفشة الناشفة ولا ايه. وفي ناس بتقول عيبها انها خفيفة ومش ثابتة انا بصراحة مقدرش برده اقول رأي قاطع في الموضوع ده لإن اكتر سرعة جبتها بيها كانت 110 او 120 والعربية كانت عادية وبرده عادية في الملفات فموضوع الثبات محتاج سرعة اعلي من كدة عشان يتحكم علي ثباتها صح واعتقد ان الموضوع محتاج شاب ويكون ساق عربيات تانية غيرها في نفس الفئة عشان يكون الحكم عادل.
ولو فيها مشاكل تاني ممكن حضرتك تعمل بحث في المنتدي وهاتلاقي ناس كتير ذاكرين مميزاتها وعيوبها.
بالنسبة للمعرض انا اتعاملت مع معرض السقا ودي ارقام تليفوناته
26344440 - 26355550 - 26366660
بالنسبة للبنك هو اسمه البنك الوطني للتنمية (أبو ظبي الاسلامي)
عناوين فروعه وارقام تليفوناتهم في اللينك ده
http://www.nbdegypt.com/Cairo%20arab.html
اما شروطه وضماناته فموجودة في الاقتباس ده
[marq="3;right;3;scroll"]الف مليون مبروك[/marq] رنا على العربيه الجديدة انا ناوى اجبها من ابو غالى من اسكندرية وكنت خلاص حجبها بس حصل ظروف عندى فلمى راحت الظروف خلاص نويت اجبها من المصرية للسيارات مانيوال لون فضى ميتالك 2010 فايه رائيك فيها كعربية وبقولك حافظى عليها وخلى بالك منها وممكن لو ظروفك تسمح تجيبى عربية صغيرة 127/128 تروحى بيها المشاوير الصغيرة اللى مثلا فى المناطق المكسرة على اساس تحافظى عليها وعموما ربنا يحفظهالك
ان شاء الله ربنا يكرمك وتجيبها قريب بإذن الله بس بلاش المصرية للسيارات لإن في ناس كتير بتشتكي منهم في المعاملة وانهم معندهمش مصداقية في كلامهم فلو عرفت تشوف موزع تاني موثوق فيه افضل من المصرية يبقي افضل.
بالنسبة للاكسنت هي عربية لطيفة ومش مضايقاني في حاجة لحد دلوقتي والحمد لله ولما اخترتها اخترتها عشان مناسبة ليا كسعر وكماليات وكمان عيوبها مش كتيرة اوي زي عربيات تانية في نفس فئتها.
اما موضوع العربية الصغيرة فده مستحيل طبعا لإني بدعي ربنا يقدرني اني اعرف الاحق علي قسط الاكسنت ومصاريف صيانتها فصعب جدا اني اجيب عربية تانية واصرف عليها خصوصا ان كان معايا قبلها 128 وعارفة غن العربيات القديمة بتصرف كتير :B4_556:.
عموما ادعيلي ان ربنا يحفظهالي ويقدرني اوفي باقي اقساطها.
والف مبروك علي الاكسنت الفضي مقدماً :M_yes[1]:
الف مبروك يا فندم غلى العربية و ربنا يباركلك فيها وهى ان شاء اللة اختيار ممتاز
و على فكرة ما تزعليش لو سمعتى حد بيقول ان فيها عيوب لأن اى عربية هتلاقى فى حد بيقول ان فيها عيوب ودى بتبقا وجهات نظر و مسألة نسبية
بس انا عندى استفسارين بخصوص البنك دة بعد اذنك
اولا هل البنك دة بيسمح ان الواحد يدفع قسط سنوى و قسط شهرى(يعنى مثلا 500 جنية فى الشهر و 6000 اول كل سنة) و على فكرة بنك التمويل المصرى السعودى بيعمل كدة
ثانيا هل هما فعلا مستعدين يسلموا العربية قدام البنك او فى وجود مندوب منهم,و ياريت لو حضرتك جاتلك فرصة تسألي عن الحاجات دى لو عديتى على البنك يبقى كتر خيرك و الف مبروك مرة تانية
مبروك
الف مبروك على السيارة:w6266d
و انا فعلا اقتنعت بيها
و ان شاء اللة اقدر و اجيبها
بس ليا استفسار
اة هيا الحاجات اللى استلمتيها مع السيارة زى الاستبن و اية كمان:B4_388:
الله يبارك فيك متشكرة اوي :satelite:
انا عن نفسي مش بزعل لما حد يقول العربية دي في عيوب كذا وكذا لإن في الأول والاخر دي مجرد حتة حديد واللي صانعها بني ادم يعني احتمال الخطأ وقلة الضمير وارد جدا وفي الأول والأخر كل العربيات حتى اعلي واغلي الموديلات بتنزل وفيها عيوب محدش ابدا اجمع ان في لحد دلوقتي سيارة بلا عيوب ، فعادي بقي طالما العيوب دي مش عاملالي مشكلة رهيبة وازعاج فظيع فخلاص مش مشكلة يعني :majd(2):.
بالنسبة لموضوع القسط السنوي انا بصراحة اول مرة اعرف الموضوع ده.
بس عموما لو عرفت اسأل في النقط اللي حضرتك طلبتها دي هاسأل عنها بإذن الله ولو اني شايفة انه من الأفضل ان حضرتك تتصل بيهم وتكلم مندوبينهم شخصيا ، اولا عشان تقدر تسال عن اي استفسار يخطر علي بالك وقت المكالمة وثانيا عشان تكون اخدت منهم كلمة بحيث لو رجعوا فيها يبقي ليك الحق متكملش اجراءاتك معاهم.
بس عموما اذا انا عرفت اجابات لأسئلتك هابلغ حضرتك بيها ان شاء الله في اقرب فرصة.
الله يبارك فيك ميرسي :satelite:
الله يبارك فيك وان شاء الله تقدر تشتريها قريب وربنا يوفقك بإذن الله :w6266d
بالنسبة للحاجات اللي استلمتها مع العربية موجودة في الاقتباس ده:
استاذة رنا حضرتك انا كلمت المعرض وقالى عايز صورة بطاقه ووصل نور حديث ومطلبش منى مفردات مرتب ليه رغم حضرتك قولتى انهم بيطلبو مفردات مرتب وقالى الاستلام بعد خمسه ايام الكلام دة صح ولا لا؟؟؟؟ و مبروووووووووك يا استاذة
اولا 1000000000000000 مبروك العربية و يا رب تشوفى خيرها دائما
ليا سؤال لخبرة النيو اكسنت قبل ما اروح احجز...
انا بشوف عربيات اكسنت الجريدة الى على الباب لونها اسود و الحتة الى فى الشنطة ورا و عربيات تانية نفس لون العربية
ارجو سرعة الرد و تحياتى للجميع
نسيت اؤول السؤال :(
ايه هو الفرق بينهم
شكرا
لية استفسار اخر:Zb_sor1[1]:
استهلاك البنزين
لية اخبارة
يعنى ال 10 لتر بيعملو قد اية
و شكرا
استاذة رنا انا روحت الشقا كار علشان اتعاقد على عربيه و عندى ليكى خبر هيعجب حضرتك بس ياريت اى حاجة اعرف اكلمك عليها ميل او اى حاجة علشان اقولك لان المعرض اللى قالى ابلغك وانا متردتش وقولت اجى اقولك ياريت ضرورى ضرورى والف مبروك استاذة رنا
اساتاذة رنا بعتيلى مسدج بريفت بس قالى غير قادر على قراءة الرساله مش عارف ليه
استفسار
هو استهلاك البنزين اية اخبارة
يعنى ال 10 لتر تقريبا بتعمل كام كيلو
وشكرا:S_thum1[1]:
ال10 لتر دول يعملولهوم تقريباً 90 من غير تكييف فى وسط البلد بس فى السفر ممكن تقريباً 100 و بالتكييف
تماااااام
ostaza el add is ok
.....
بارك الله لك فيها