هل هذا التيل أصلي أم لا ؟

**hisho1979** · 23-07-2009 11:15 PM

أنا أشتريت التيل ده ب 425 جنيه النهاردة من المأمون في الأسكندرية ( موزع معتمد)
ياترى أصلي ولا مضروب ؟

**lovelorn** · 24-07-2009 03:39 AM

هو التيل دا أصلى ... بس للأسف حضرتك جبت ال AK ودا عمره طويل جدا جدا جدا ممكن يفضل معاك لحد 40000 كم ...

بس مشكلته انه بياكل الطنابير ....

لو الطنابير عندك سليمة ... أوعى تركبه ...

كنت اسأل قبل ما تشترى

اللى بيتجاب من التوكيل هو sumitomo وده افضل نووووووع ..

**lovelorn** · 24-07-2009 03:56 AM

على فكرة انا لسا حالا شايف صورة عربيتك قبل الخبطة

الأكصدام دا لو مجدى شاهين غيره فا انا بقلك حراااااااااام

والله العظيم دا يتصلح بكل سهوله وبالكتير 50 جنيه وبعد كده يترش ...

يا ريت حضرتك تروح لسمكرى وخليه يفك الأكصدام وشوف لو فيه مكان " لحام " ولا سليم ... عشان تعرف هو كتصلح ولا جديد ..

**hisho1979** · 24-07-2009 10:19 AM

والله أنا قلت أغير الأكصدام عشان كدة كدة في تأمين فقلن بلاش لحام .....
بالنسبة للتيل ليه التوكييل منزله على الرغم انه بيبوظ الطنابير ؟

**lovelorn** · 24-07-2009 11:17 AM

بالنسبة للتيل ليه التوكييل منزله على الرغم انه بيبوظ الطنابير ؟

السؤال دا المهندس طارق يفيدك فيه اكتر منى

**مصراوي جدا** · 24-07-2009 06:10 PM

اولا التيل اللي في الصورة ده اصلي علما بأن فيه نوعين تيل أصلي للبومة

الأول الsumitomo وده اللي بينزل مع العربية وهو طري واداؤه افضل انما بيخلص بسرعة يعني 20 ألف كيلو او اقل حسب الاستخدام وده طبعا بيخللي عملاء كتير يشتكوا انه بيخلص بسرعة وخاصة ان سعره مش قليل

التاني AK اللي اشتريته من المأمون وده الأكثر استخداما ومبيعا في التوكيل لأنه اصلي وبنفس سعر التاني انما انشف شوية وبالتالي بيقعد فترة اطول من 30 الى 40 ألف كيلو حسب الاستخدام

موضوع انه بيبوظ الطنابير غير صحيح لأننا بنركبه زي ما قلت اكتر بكتير من التاني الطري انما ممكن عند تركيبه يتم خرط الطنابير بمعنى مسحها بمخرطة خاصة لازالة اي تعاريج موجودة ده لو فيه شكوى من اهتزاز مع الفرامل وعملية خرط الطنابير دي عملية رسمية محددة من شركة ميتسوبيشي اليابان ومفيش خوف على الطنابير منها لأنها بتاخد سمك قليل جدا جدا

فمفيش اي مشكلة من تركيب التيل ده

**lovelorn** · 25-07-2009 07:47 PM

موضوع انه بيبوظ الطنابير غير صحيح

انا بختلف مع حضرتك ... التيل دا ناشف وبياكل فى الطنابير وانا الطنابير عندى وزنها 9.3 كجم بعد التيل وطبعا وزنها الأصلى 10 كجم

عملية خرط الطنابير دي عملية رسمية محددة من شركة ميتسوبيشي اليابان ومفيش خوف على الطنابير منها لأنها بتاخد سمك قليل جدا جدا

خرط الطنابير دا الحل البديل عشان ميتغيروش مع العلم ان لو الطنابير اتخرطت مرة يبقى خلاص عمرها انتهى + مش مؤكد ان الخرط حيرجعها زى الأول

**salehgharib** · 27-07-2009 11:40 AM

المشاركة الأصلية كتبت بواسطة mohamedway

أنا رأيى فى الموضوع ده معروف لأنى قولته فى مواضيع كتيره و هو انى مش بركب غير الsumitomo و أنا ما زلت مصمم ان الsumitomo هو الأصلى و الak غير أصلى و لكنه معتمد كبديل من شركة متسوبيشى لأنه فعلا تيل قوى و متسوبيشى عارفه انه أقوى من الsumitomo كمان و لكنها أخرجت نفسها من مأزق تحمل مسؤولية تركيبه بنفسها فى العربيات اللى خارجه من مصانعها لأنها عارفه انه أقوى من الطنابير بتاعتها و بعد فتره هتظهر عيوب بسببه و تركت تحمل مسؤولية ظهور هذه العيوب للتوكيلات و أوصت بخرط الطنابير فى كل مره يتم فيها تغيير هذا التيل و بصراحه شركة متسوبيشى و التوكيل عندهم حق يجيبوا الak لأن فعلا فى ناس هتشتكى جامد من سرعة خلصان الsumitomo و فى الحاله ده الak هو الحل و لكن اللى فى رأيى ان التوكيل غلطان فيه هو انه بيعتمد أساسا على الak و رأيى ان المفروض ان الsumitomo يبقه هو الأساس و التوكيل يوفر الخرط عمال على بطال فى الطنابير لعلاج عيوب الak و لو حد اشتكى من سرعة خلصان التيل فالتوكيل يظهر الحل بتركيب الak للعميل مع توضيح الصورة كامله له و بأنه مش هيحافظ على الطنبورة زى الsumitomo و بأن الطنبوره هتحتاج تتخرط كل مره و توضحله طبيعة العيوب اللى هتظهر(الغربله فى الدركسيون مع الفرامل) و بعد كده العميل له مطلق الإختيار يا إما التوكيل يركب الak علطول و يلغى الsumitomo خالص و لكن بشرط انه يعتبر كل العربيات الانسر الموجوده فى البلد معيوبه فى طنابيرها و يجيب طنابير خامتها أعلى من اللى نازله بيها عشان تكون مناسبه للak ويلم الانسر اللى فى البلد كلها و يركب الطنابير ده مجانا فى كل العربيات على حساب شركة متسوببيشى (اللى معتمدة التيل الak و هى عارفه انها مش منزله فى العربيه الطنبورة المناسبه ليه).

بجد الله ينور على التحليل الجيد لموضوع مزمن زى ده وانا بجد مقتنع جدا بكلامك 100/100