موضوع راااااااااااااائع
عرض للطباعة
موضوع راااااااااااااائع
لو سمحت يا بشمهندس سمير انا عندى في البيجو 504 السوستة المدورة بتاعت بكرة الاكسراتير فكت منى ومش عارف اركبها كويس
والعربية مبرجلة و بتبطل ، مع انى ما لعبتش نهائى في المسامير
هل وضع السوستة بيفرق زي المسامير ،وازاى اظبط السوستة دى ، وياريت لو عند حضرتك صور عشان افهم الليلة
مفيش شكاقتباس:
هل وضع السوستة بيفرق زي المسامير
هو ده السؤالاقتباس:
،وازاى اظبط السوستة دى
وأيه هى سوستة بكرة الأكسراتير
سوسته عاديه بصلابه معينه ( حسب التصميم )
بتركب من جنب على جزء ثابت زى جسم الكربوراتير
والجانب الآخر للسوسته على الجانب الداخلى للبكره
بحيث تكون السوسته محجوزه بين جانب البكره من الداخل (كجزء متحرك مع أستعمال الدواسه )
وبين جانب الكربوراتير المواجه ليك (كجزء لثبيت الجانب الآخر من السوسته )
المهم
علشان تكون مطمن أن السوسته راكبه صح ومفيش منها قلق
لازم أما تشيل عمة الكربوراتير تلاقى باب الكربوراتير شبه مقفول
يادوب منور على بسيط من الجانب لتعدية هواء التخلخل اللى حيسحب بنزين السلانسيه من غرفة العوامه
وياريت تروح لميكانيكى أفضل يظبطلك وضع السوسته فى خمس دقايق وأنت واقف
أهم شىء مايكونش فيه فى نهايتها كسر أو تلف معين
للأسف معنديش صور فعلا بتبين تركيب سوسته للكربوراتيراقتباس:
وياريت لو عند حضرتك صور عشان افهم الليلة
بس علشان تشوف الوضع صح
أعمل زياره بسيطه للميكانيكى
طالما ده عمل أنت لم تتعرض له من قبل كما أتفقنا سابقا
الف شكر يا بشمهندس ان شاء الله بكرة اجيب الواد بلية يشوف شغله
والموضوع ده جامد جدا جدا واستفدت منه كتير
ربنا يبارك فيك ويزيدك من العلم كمان وكمان
الله يخليك ياهندسه
ومتشكر لزوقك
وربنا يوفقك بإذن الله
الموضوع دة مهم مش قادر اقول اد ايه بصراحة
ومعنديش فكرة هو المهندس سمير موقوف ليه او مختفي فين لكن بتمني اني اوصله بأي شكل
وعموما انا النهارده لقيت مسمار عندي في الكرباتير والمسمار ده فيه خرم تحت راسه بشوية المهم اني فضلت الف فيه تقريبا لغايه مااتقفل
الغريب اني محستش بتأثير اوي في العربيه الا بعد ماركبت لقيت الرجرجة الي فيها راحت تماما الي محتاج اعرفه هو دة مسمار ايه بالظبط لانه اكيد مش مسمار الهوا لان مسمار الهوا مبيبقاش بارز او ظاهر حتي بعد ماتشيل عمة الهوا وتقريبا انا لقيته بس معرفتش اعمله بمفك عشان محتاج مفك معين
موضوع مفيد شكرا يا بشمهندس
موضوع جميل جدا