الله يخليك يا أستاذ: شريف
عرض للطباعة
الله يخليك يا أستاذ: شريف
طب هو ظبطة الكاربراتير صح لازم تخلي الشكمان يعرق ميه ولا مش شرط يعني هل ده دليل حصري علي ان الكربراتير مظبوط وبدونه اعرف انه لسه مش مظبوط كويس؟؟
الموضوع عشره علي عشره قريته من اول حرف لاخر حرف
وكمان سوال ليه
4- أدر مسمار الهواء بمقدار 90 درجه للداخل (رباط يعنى)....ليه اعمل الخطوتين دول بالطريقه ديه طب ماختصرهم في خطوه واحده يعني اربطه 90 وارجع افكه 180 طب مكنت فكيته من الاول 90 وخلاص ولا انت شايف ايه؟؟؟
5- فك مسمار الهواء مره تانيه بمقدار نصف لفه (180 درجه )....
كمان سوال هل ظبط الكربراتير صح يخلي البوجيه طالع من الموتور سنه ابيض بيلمع كانه جديد (مش مهبب او مسود)؟؟؟
ههههههههههههههه
أنت عندك حق فعلا .....أنك لاحظت النقطه دى
بس واضح أنك مقريتش دى كويس
اقتباس:
- أحنا بنعمل أيه دلوقتى ....بنربط فى مسمار البنزين على خفيف ....لحد مادوران المكنه يبقى منتظم (المكنه مابترعشى ) وعلى أقل سرعه ممكنه ....أى صوت المكنه يبقى واطى ومعقول ......
- بعد كده حنربط مسمار الهواء أو البنزين 90 درجه للداخل ....علشان نخللى السرعه تانى مضطربه ...المكنه ترعش تانى لأضعاف نسبة الخليط ....- بعد كده حنفك تانى مسمار الهواء نصف لفه (180 درجه )....
فين بأه اللى قريته بتركيز ....لما بتقولاقتباس:
الموضوع عشره علي عشره قريته من اول حرف لاخر حرف
:Oc_sun1[1]:
اقتباس:
كمان سوال هل ظبط الكربراتير صح يخلي البوجيه طالع من الموتور سنه ابيض بيلمع كانه جديد (مش مهبب او مسود)؟؟؟
نعم
شكرا جدا يابشمهندس على الموضوع الفوق الرائع.
وانا كان نفسى انا الى اضبط الكربراتير بتاعى بنفسى،بس عندى مسمار واحد وده انا بقول عليه السلنسيه علشان ده الى بيعلى ويوطى صوت الماتور والى بيعلى او يوطى rbm فده مسمار ايه بالضبط،وانا ضبطه على 9 فى rbm بس مش شايف مسمار تانى خالص.
هل النا عمله صح ولا خطأ وانا بقالى فترة حاسس ان سحب العربيه قل شويه مع انى مركب بوجيهات اريديوم وفلتر k&n اوريجنال مكان الاصلى،بس حاسس فى الشتاء الفات كان السحب افضل مع الرغم ماكنتش معدل كده.
ايه رأى حضرتك،علشان انا مش عاوز ميكانيكى محترم يلعب فى العربيه.
الله يخليكاقتباس:
شكرا جدا يابشمهندس على الموضوع الفوق الرائع.
نصيحه ...لو مليكش فى الأمور الميكانيكيه دى بلاشاقتباس:
وانا كان نفسى انا الى اضبط الكربراتير بتاعى بنفسى
ده مسمار البنزين ....اللى أما بتربطه شويه بتعلى عدد لفات المكنه وده اللى أنت عملته ....وسرعة 900 لفه / ق كويسه برضه ومقبوله فننيااقتباس:
بس عندى مسمار واحد وده انا بقول عليه السلنسيه علشان ده الى بيعلى ويوطى صوت الماتور والى بيعلى او يوطى rbm فده مسمار ايه بالضبط،وانا ضبطه على 9 فى rbm بس مش شايف مسمار تانى خالص.
وأنت عندك مسمار هواء فعلا .....بس حتلاقيه محطوط عليه طبه بلاستيك مثلا
كان الموضوع ده موجود عندى فى كربوراتير أوبل
والمصنع بيغطى المسمار ده بطبه أو غطاء بلاستيك فوقه علشان محدش يلعب فيه (أى مسمار الهواء )
وهو ده المفروض
بس أحنا بنراجع عليه مع قدم عمر المحرك .....لأن مسار هواء السلانسيه بيتأثر من آثار الرمال والأتربه مثلا ( اللى ممكن تعدى من بيك السلانسيه وتمشى فى مسار هواء السلانسيه ) وتأثر على خط هواء السلانسيه ....
علشان كده بنراجع على مسمار الهواء ....لما بنحتاج للقصه دىعادى ...مفيش مشاكل ...وكده المكنه حتبقى شده حيلها شويه على السلانسيهاقتباس:
هل النا عمله صح ولا خطأ
وده كويس مش وحشلا هو موضوع السحب ده حاجه ....والموضوع بتاعنا الحالى ده حاجه تانيهاقتباس:
وانا بقالى فترة حاسس ان سحب العربيه قل شويه مع انى مركب بوجيهات اريديوم وفلتر k&n اوريجنال مكان الاصلى،بس حاسس فى الشتاء الفات كان السحب افضل مع الرغم ماكنتش معدل كده.
لأن فيه فرق بين حمل المكنه على السلانسيه وحملها مع الأحمال المختلفه
أى وقت السحب والتسارع
ههههههههههههاقتباس:
ايه رأى حضرتك،علشان انا مش عاوز ميكانيكى محترم يلعب فى العربيه
رأيى أعمل موضوع منفصل عن مشكلة السحب عندك فى الورشه
وقولنا على كل البيانات بتاعة عربيتك
وكلنا حنفكر معاك ...لأن واضح أن عندك مشكله ما
الف مليون شكر يابشمهندس
بالتوفيق وفى أنتظار موضوعك من أجل المشاركه
وتحليل سبب نقصان السحب
الف شكر يا باشمهندس . رجعتنا لايام الكربراتير الايام البركه .