المشاركة الأصلية كتبت بواسطة uhlphp
الاستاذ ميدو بخصوص رسالتك لى على الخاص بخصوص طريقة تنظيف الكربيراتير .
اسمحلى انا هارد على حضرتك من خلال الموضوع لربما يكون فية استفادة لباقى الاعضاء .
انا فى البداية بحب انى اشتغل فى اى حاجة اقدر اعملها بحيث ان لو حصل مشكلة احاول اصرف نفسى فانا عرفت نوع الكربيراتير اللى عندى وحاولت اجمع معلومات عنه وبعض الصور لقطع الكربيراتير وده ساعدنى فى البداية على فكه وتنظيفة ومن خلال مشاهدتى لعدة انواع من الكربيراتير لاحظت انهم فى الاساس بيتكونو من ثلاث اجزاء ما يهمنا هو الجزاء الاعلى لان بعد فكهة ستلاحظ عدة مسامير نحاس وقطرهم حاولى 4 او 5 مم ومنهم الطويل ومنهم القصير وكلهم يوجد فى منتصف الراس خرم صغير جداً ( والمسامير ديه اللى بيسموها البيكات ) بسلكهم باى سلك رفيع جداً وايضاً ستلاحظ بعض التفريعات الصغيرة حاول تسلكها او تنفخ فيها هواء شديد وتغسلة كويس ببنزين واهم حاجة وانت بتفك كل مسمار تحفظ مكانة عشان ترجع كل حاجة مكانها .
ارجو انى اكون اقدرت افيدك على اقد مقدر وان شاء الله المهندس سمير يشرحلك افضل منى .