المقابلة الكياوية الاولي...وجودك يهمنا!

**أحمد كمال** · 30-07-2009 10:27 PM

المشاركة الأصلية كتبت بواسطة A.Saad

يا ريت بقى الطريق للرحاب ازاى
انا جاى من الهرم
بس ابعدوا الدائرى عن الوصف

معلش بس هو الدائري ابسط طريقة و اسرع و مش زحمة

بص يا معلم

انت تركب الدائري من المريوطية او المنصورية في اتجاه المعادي

سهلة دي؟

تفضل ماشي طوالي

هتعدي عالمنيب ... طوالي

و بعدين كارفور .... طوالي

شوية هتلاقي On The Run على يمينك و جنبيه فندق JW Marriott

تهدي و تمسك يمين

و تنزل من اول نزلة بتاعة طريق السويس

تمشي شوية هتلاقي مدخل الرحاب على يمينك تخش

يا ريت بقى نتفق هنروح فين بالظبط

عايزين كافيه نضيف بليييييييز

و مين هيبقى نقطة الارتكاز اللي الناس تتصل بيه؟

**Nile_Storm** · 31-07-2009 12:10 AM

فعلا من الدائري افضل
انا بروح منه علي طول

**Ahmed Samy** · 31-07-2009 12:35 AM

طيب اللي يعرف اي حتة في الرحاب كويسة و نظيفة و جنبها او قدامها مكان واسع نجرب فيه العربيات و نتصور و كده

يقول ...

في انتظار نادر نبيل لأنه برضه بيظبط القصة دي

**NaderNabil** · 31-07-2009 01:01 AM

مافيش غير الدائري...هو تقريباً الطريق الوحيد المؤدي للرحاب..غير كده هاتبقي سحلة زي الزفت

هانتقابل إن شاء الله في الفود كورتFood Court
و ده مكان كبير قوي مليان كافيهات و مطاعم قد كده...و فيه 2 أماكن باركينج كبار...

الطريق جوه الرحاب بتوه فيه...لكن إسأل أي فرد أمن من المنتشرين في المدينة هايدلوك علطول

دي الإحداثيات بتاعة المكان من علي جوجل إيرث:

30° 3'33.96"N
31°29'22.80"E
(فقط إعمل كوبي و باست للإحداثيات دي هتلاقي المكان طلع علطول...و ممكن تطبع ورقة فيها الخريطة و تمشي علي أساسها)

المقابلة هاتبدأ إن شاء الله الساعة 2 بعد الظهر...
هانكون موجودين انا و أحمد سامي إن شاء الله أول ناس من قبل كده
ده رقمي: 0101228745

يا جماعة كل الناس مُرحبة انها تحضر...حتي اللي ماعهوش كيا و نفسه يعاينها عن قرب...

**NaderNabil** · 31-07-2009 01:15 AM

دي صورة توضيحية للطريق من خلال جوجل إيرث:

**Ahmed Samy** · 31-07-2009 01:56 AM

تمااام

100 100 يا ندووور

اللي معاه جي بي اس كده وصل

و الل مامعاهوش ....

اعتقد وصل برضه

**M.ABDEEN** · 31-07-2009 06:47 AM

نفسي ابقى معاكوا بجد علشان نتلم ونعمل صحبة حلوة بس انا مقدم اجازة مصيف والسيد مدير المصنع بيشاور عقله فيها ولو وافق يبقى ممكن اسافر الاحد وكده هازعل علشان مش هحضر معاكوا .....ربنا يسهل يا جماعة واقدر الحقكوا وابقى معاكم ....بالنسبة للمكان يفضل عند المول القديم في الرحاب في 2 باركينج واسعيين وفيه كافيه كويس وممكن عند المول الجديد باركينج واسع جدا بس مافيش كافيهات لكن خالي بالكو الفوت كورت الجمعة زحمة والباركينج صغير ...وعلى العموم براحتكوا ...بالنسبة للوصول للرحاب في طرق اسهل تانية ممكن من التجمع الخامس عندنا او من جنب اكاديمية الشرطة عند الربوة في اخر الحي العاشر من طريق السويس بيكون اسهل لاهل مصر الجديدة

**werrty123** · 31-07-2009 10:41 AM

السلام عليكم

اولا احب اشكر مقترح الفكره الهايله دي و بالرغم اني لسه مش معايا الكيا (حاجز سيراتو من التوكيل)
احب اقترح مكان في الرحاب بما اني من سكان التجمع الخامس و كل يوم في الرحاب
في يا جماعه كافيهات جنب بعض في مجمع المطاعم مستواها نضيف جدا و كمان اكتر من 5 او 6 جنب بعض و هي تدخلوها عن طريق بوابه 6 ..

**A.Saad** · 31-07-2009 04:05 PM

المشاركة الأصلية كتبت بواسطة mohammedsamirabdeen

نفسي ابقى معاكوا بجد علشان نتلم ونعمل صحبة حلوة بس انا مقدم اجازة مصيف والسيد مدير المصنع بيشاور عقله فيها ولو وافق يبقى ممكن اسافر الاحد وكده هازعل علشان مش هحضر معاكوا .....ربنا يسهل يا جماعة واقدر الحقكوا وابقى معاكم ....بالنسبة للمكان يفضل عند المول القديم في الرحاب في 2 باركينج واسعيين وفيه كافيه كويس وممكن عند المول الجديد باركينج واسع جدا بس مافيش كافيهات لكن خالي بالكو الفوت كورت الجمعة زحمة والباركينج صغير ...وعلى العموم براحتكوا ...بالنسبة للوصول للرحاب في طرق اسهل تانية ممكن من التجمع الخامس عندنا او من جنب اكاديمية الشرطة عند الربوة في اخر الحي العاشر من طريق السويس بيكون اسهل لاهل مصر الجديدة

ممكن يا باشا الوصف من عند الربوة

مشاهدة نتائج الإستطلاع: افضل موعد ومكان للمقابلة

الموضوع: المقابلة الكياوية الاولي...وجودك يهمنا!

LinkBack

أدوات الموضوع

عرض

-

-

-

-

-

-

المواضيع المتشابهه

تقرير مصور عن المقابلة الاولى لاسود هيونداى ( المقابلة الحلم )

ارجو المساعدة من الكياوية

كل سنة وكل الكياوية بخير

لحفظ خبرة الكياوية

الكلمات الدلالية لهذا الموضوع

المفضلات

المفضلات

ضوابط المشاركة