موضوع مثير فعلا !!!!
هل ممكن انه يجي اليوم اللي يبقى عندنا طاقيه الأخفاء .....؟؟؟؟؟
عرض للطباعة
موضوع مثير فعلا !!!!
هل ممكن انه يجي اليوم اللي يبقى عندنا طاقيه الأخفاء .....؟؟؟؟؟
هي فعلا فيها خدعة كأن معروض عليها اللي في الخلف
والدليل والاتوبيس بيمر هتلاقي في انكسار بين اللي المعروض على العباية والجزء اللي باين من الخلف للاتوبيس
وكذلك الناس اللي بتمر من ورا عند طرف العباية بتبان على العباية وفي نفس الوقت بتبان جنب العباية في الخلف..
وكمان في حاجة بتحصل لما الاتوبيس بيمر وهي ان وجه الراجل بيظهر عليه تأثير كأن لونه بيفتح شوية..
وممكن دا يكون معناه ان الخدعة تمت بعد التصوير اصلا... (مونتاج يعني )
مش مسألة قماش سحري ولا حاجة
استديوهات التصوير بتكون خلفيتها نوع من الستائر المصنوعة من الاقمشة الشبيهة لهذه العباءة بحيث يمكن فصلها بعد ذلك من الصورة بدون حدوث تشوهات على الحدود (حدود الوجه مثلا وبين خصلات الشعر وهكذا)
و كما ذكر sha2e ان التصويرتم عن طريق كاميرتين كأنهم طبقتين فوق بعدهم مع فصل لون العباءة ..
أي أنها خدعة تصويرية فقط ...
ولكن هل لو توصولوا فعلا لاختراع جسم لا يعكس الضوء هل معنى ذلك انه لا يكون له ظل؟؟
ولو فرضا انهم فعلا توصلوا لهذا الجسم المشكلة ستكون في أن أعيننا لا تخترق الاجسام حتى وان امتصت هذه الأجسام الضوء ولم تعكسه ..
ممكن يظهر على انه جسم معتم فقط..
يعنى يا جماعة الموضوع كله معتمد على الخدع البصرية؟؟
ولا فعلا القماش من النوع البنتص الضوء كله ولا ايه
انا بحاول ادور على الخبر مكتوبا عشان اتاكد من الموضوع
انا عاوز واحدة من دى هههههه هاتلاقونى بكرة كاتب فى خانة نوع السيارة (فيرارى gtb 599 ) هههه
نوع القماش ده مش بيمتص خااالص فكرته انه بيعكس الضوء اللى ساقط عليه من البروجيكتور
عارف حضرتك فكرة عمل بروجيكتور السينما ؟؟
جهاز بيبث الصورة على هيئة شعاع (وهوا ده جهاز البروجيكتور)
وبعد كده يتم استقبال الشعاع ده على حائل ( اللى هيا الاسكرين او الشاشة)
وبكدة حضرتك بتشوف الفيلم على الشاشه كما لو كانت الشاشه هيا اللى مضيئه زى التليفزيون
دى نفس فكرة عمل القماش ده انه بيعكس نوع الشعاع اللى ساقط عليه من البروجيكتور المخصص ليه
وطبعا البروجيكتور بيستورد الصوره اللى هيبثها من كاميرا بتكون خلف الحائل ال عليه القماش ده :star1:
معتقدش ان الموضوع امتصاص ضوء وانعكاس ضوء يعني الموضوع منشفوش بعينينا على طول كدا
انما بيبان بعد التصوير بس
يعني مونتاج وهو زي فصل اللون الازرق الكروما زمان..
ياريت تشوفوا الفيديو تاني من عند الدقيقة 1 و5 ثواني..مع التركيز..
...
..
مش الراجل اللي ماسك القماشة دا وعمال يوديها يمين وشمال كان المفروض وشه هو كمان يبان على القماشة!! علشان تبقى الخدعة مظبوط!
مش خدعة ولا حاجة الانكسار اللى بيحصل ده سببه تأخر العرض جزء من الثانية
على ما الكاميره تلقط وبعد كده ترسل للكمبيوتر والكمبيوتر بدوره يوصل للبروجيكتور وبعد كده البروجيكتور يبث الصورة علشان فى الاخر تبان على نوعية القماش دى
كل ده بياخد وقت حوالى جزء من الثانيه وهو ده اللى بيعمل الانكسار اللى حضرتك شفته
حضرتك اللى انت شوفته عند الدقيقة واحد وخمسه ده وهما مش مشغلين البروجيكتور
بيوريك فى الحالة الطبيعية شكل القماش فى حاله الطبيعيه قبل العمل من غير تشغيل البروجيكتور
اظن كده تكون وصلت الفكرة وهيا ان القماش مجرد عاكس او مظهر للشعاع الساقط عليه من البروجيكتور
وعلى فكرة الموضوع مش جديد اوى ولا حاجة ده بقاله فترة وملقاش نجاح كبير لصعوبة تنفيذه مش زى ما هما قايلين فى التقرير