-
حمدالله على سلامة العربية
قدر الله وما شاء فعل وان شاء الله تتصلح وترجع احسن من الاول
-
حد يأجر عربيته يا راجل !!
وبعدين انا شايفها لو هي اللي فتوقيعك باين انك مظبطها وصارف عليها.. حرام عليك والله !!
-
معلش هي نصيبها كدا ياريت تصورلنا العربية وممكن نحاول نحددلك التلفيات. وانصحك بالتوكيل أولا واخيرا لانه محدش هيرجعها زي ماكانت غيره!
قدر الله وماشاء فعل واحمد ربنا على كل شيء.
-
الحمد لله و ربنا يعوض عليك و يسترها معنأ جميعا ان شاء الله
-
ربنا يصبرك
بس متزعلش منى انتا الغلطان
-
ربنا يعوض عليك
والحمد لله انها ماجتش فيك انت
-
-
-
اللى حكتبة دلوقتى دة نصيحة لكل الناس مش لصاحب الموضوع بس........
صديق معرفة كان مداوم ع تأجير عربيتة ذى سعادتك كدة
كل ما يتذنق فى قرشين اعلان فى الوسيط و يفك ذنقتة
المهم كان مأجرها فترة اسبوعين و عدوا و العربية جميلة مافيهاش خربوش
بعد يومين لقينا العربية خفيفة ع غير العادة و بترزع فى المطبات
رحنا كشفنا عليها
الميكانيكى تبعنا قال ان ال4 مساعدين متغيريين ب 4 نص عمر وطنابير و.......وخد عندك
الخلاصة
واحد من اللى اجرها و الله اعلم ميين اكيد كان عندوا اختها و عايز يعمل صيانة و حبة قطع غيار ام استلافهم من صاحبى و ادالو بتوعوا !!!!!!!!!!! وما خفى كان اعظم
!!!!!!!!!!!!!!!!!!!!!!!!!!!!
-
بسم الله
اولا ربنا يقوم زميلك بالسلامة ويعوض عليك في اللي حصل...
بالنسبة لموضوع تأجير العربية هو زي ما الزملاء هنا قالوا فيه مخاطرة كبيرة...لكن برضه محدش عارف ظروف الناس ايه...يعني ممكن واحد يكون مزنوق جدا ومش قادر يتصرف وده الحل الوحيد قدامه...ابنه تعبان...مستلف مبلغ وجه وقت السداد...اي حاجة... يضطر ساعتها لتأجير العربية.
تاني حاجة...ما تندمش على معروف عملته...هو صاحبك قصدك في خدمة وانت عملتها وسواء كانت خسارة مادية او معنوية...المهم ان كان في نيتك تخدم صاحبك...ودي اكيد ليها اجر,ومتندمش على كده.
وبعدين بما انك عرضت الموضوع فبالتأكيد انت محتار في الخطوة اللي مفروض تتاخد بعد كده...بمعنى اصح هتتعامل مع صاحبك ازاي...مع ملاحظة ان انت في موقف قوة مش ضعف...معاك شيك ووصل وحاجات من دي.
حاول تتعامل مع الموضوع ببساطة ومتخليش التفكير والهم يتراكم فوق دماغك والجأ لربنا وهتلاقي الدنيا ماشية...مستحيل تقف...وبعد شهر او شهرين من النهارده,هتلاقي الموضوع مجرد ذكرى لحاجة حصلت.
وخلي بالك حط نفسك مكان صاحبك وحاول تلتمس له العذر...واشكر ربنا بدل المرة مليووووووون لأن العربية دي كان مكتوب لها انها تتقلب النهاردة...مين عارف لو ماكنتش اجرتها كان ممكن يجرى ايه!!!!
Content Relevant URLs by
vBSEO 3.6.0 PL2