الموضوع: محتاج بجد رد ضروري البونتو ولا الجيتز

متشكر جدا علي الاهتمام بس انا عايز اعرف البونتو مقارنتا بالجيتز تعتبر ضعيفه من حيث الاداء؟؟؟ علما بان البونتو 1300 cc و 60 حصان و الجيتز 1600 cc و 108 حصان ؟؟

البونتو إيطالي 100 % وجميع الكماليات مع جنوط سبور وعربيه محترمه جدا بدليل إن إيطاليا لسه بتنتجها عندها من الإقبال عليها وثباتها على الطريق ممتاز وعن تجربة ناس كتير شكروا فيها وقالوا أن التسارع بتاعها هايل لكن أعتقد أن الجيتز موتورها عالي أوي عليها وأعتقد ان ثباتها مش قد كده من خلال أراء مالكيها هنا على الموقع مش ثايته كويس على السرعات العاليه نسبيا او على طرق السفر لذا أرشحلك البونتو ده رأيي وحضرتك طبعا لك حرية الأختيار .... تقبل تحياتي .

جيتز ايه و غبووووووووور ايه ؟؟؟؟؟؟

ابعد يا بنى عن غبوووووووووور و غنيله

بونتو عربية حكاية ........ و كاملة من مجامييعه


يا راجل ده حتى الايرباج فيها و الجنوط و الفوجات

يا راجل دى كلها ايطالى .......

يا راجل دى تتصلح عند اى ميكانيكى .....


يا راجل قطع غيار ارخص بكتييييييير.......


يا راجل شنطنها اوسع .......


يا راجل بونتو طبعا

بونتو يا راجل طبعا

انا افضل الجيتز طبعا وبعدين ما الجيتز فيها جميع الكامليات بردو وبعدين مع احترامى يعنى للايرباج الكلام دا ولا ليه لازمه فى بلد زى بلدنا الحبيبة مش عشان حاجة بس عشان لو قدر الله وفتح صيانته غالية خليك فى اللى قطع غياره متوفرة وفى متناول الجميع احسن ماتتعب بعد كده

و الله بجد الف الف الف شكر لكل من ساهم و تعب نفسه في الرد ... انا ميال اكتر للبونتو صراحه من حيث كل حاجه ( التقفيل حكاية , المواد المستخدمه للتابلوه و الكراسي جامده جدا , أكبر , أشيك , عربيه اوروبي واخده 5 نجوم في اختبارات الامان ) بس خوفي الوحيد هوا التسارع و قطع الغيار و اسمع ان التوكيل برده مش كويس

يا شباب الحقوني و انا بدور علي النت لقيت التعليق دا يا ريت تقراه و نرد عليه :( انا بجد بديت اقلق من ساعه مل قريتوا

العربيه دى مع صاحبى و ركبنها كتير و سوقتها كتير
بص يا معلم واحدة واحده معايا و متزهقش
البونتو اللى حاكلمك عليها موديل 2008 مانيول 1300 سى سى
اولا الموتور
ضعييييييييييييييييييييييي ييييييييييييييييف جدا و لما تشغل التكييف بيضعف اكتر بكتير
يعنى العربيه كانت عامله 2000 كيلو متر وجابت 150كيلو فى الساعه بالخناق بعد ما قفلنا التكييف وكان راكب فيها شخصين فقط
صوت الموتور مش واطى و مش عالى بس لما يزعق بيبقى صوته مش ممتع
يعنى ماتصيعش و تعلى صوت الماتور لانك حاتهرش انه فشنك

ثانيا العفشه
طبعا فيات حاتفضل فيات العفشه مش حلوه يا جماعه ياريت اخوانا فى ايطاليا يفوقوا بقى
هى ثابته اى نعم ماقولناش حاجه بس لو دوست على شعره بنى ادم على الاسفلت حاتسمع صوتها
والعفشه الخلفيه علشان يخلوها ثابته نشفوها بشكل غير منطقى

ثالثا جسم السياره
خفيفه و رشيقه و انسيابيه تمام ؟
بس الصاج ضعيف فعلا والاكصدامات من اقل حاجه تقع منك فى الشارع
لانها متعلقى بطريقه اغبى من الغباء
يعنى الكصدامات متعلقه على حتة فبر لا بزيد سمكها عن 5 مللى متر فى خمسه مللى يعنى لو عطست جنبها جاتتكسر و تقع

رابعا الانتيريور - الصالون يعنى -
هى دى الكارثه الحقيقيه اللى حاتخليك تندم على كل قرش دفعته فى العربيه دى
فرش الباب مايفرقش عن ال 128 فى حاجه خالص
زرار الازاز الكهربا يا مؤمن مش فى الباب نخيل ؟
هما يدوبك اتنين ازاز كهربا يا حرام و الاتنين اللى ورا مانافله
و زراير الازاز الكهربا فى نص التابلوه بشكل غبى
التابلوه كله بلاستك بشكل مخيف و ردىء فى نقس الوقت
فرش الكراسى بقى يا محترم مش حاقولك عنه حاجه خالص اكتر من ان لو عم خليل السروجى اللى ورانا هو اللى مقفله كان حايطلع انضف 100 مره
فرش القوايم بلاستيك برضه بس مسسلى بمعنى انك لو زهقان شوبه ممكن تحاول تظبطه بحيث ييجى على بعضة و بيقى شكله الطف بس ماتيأس لانك مش حاتعرف تظبطه بس ممكن تضغط عليه و تستمتع بموسيقى اوركسترا البلاستيك و تعزف و تورينا المواهب بقى

نيجى بقى للافتكاسه الكبيره
الباور
الباور كهربا يابرنس بس مش بيفصل على السرعه العاليه
شركه فيات مشكوره عملت زرار فى التابلوه لانه اساسا عندك نقص فى الزراير بشك ملحوظ
المهم الزرار اسمه سيتى
وده سعادتك بتدوس عليه علشان تزود الباور او تقلله وهما درجتين بس متخليش خيالك يسرح و يقولك كذا درجه
التكييف كويس بس صوت المروحه حايسليك لو الكاست مش عالى
الكاست بقى مش موجود فابريكه والعربيه كنا شارينها ب 72500

محدش يقولى انتا بتظلم العربيه لان دى الحقيقه فعلا
التوكيل بقى يا معلم شويه ....تييييييت ....
مش حاقولك ان فى صيانه ال 5000 كيلو روحنا التوكيل الساعه 9 و نص
و مشينا الساعه 3 ونص لانهم تعبو بصراحه فى العربيه و اشتغلوا فيها جامد
غيروا الزيت و ربطوا العفشه و بصوا على العربيه و اخدوا 380 جنيه شوفت اشتغلو اد ايه فى العربيه ربنا يعينهم بجد
وللعلم كان فيه اليوم ده 6 عربيات بس فى التوكيل

العربيه تقفيل بلدها ايطاليا الام
امال لو تقفيل الهند زى الباليو كانت تبقى عمله ازاى ؟
كانت تبقى عامله زى الباليو
ناس معندهاش دم
ارجو انى اكون عرفت اجاوبك