أفيدوووووونى الياريس ولا السيراتو

**amoora111111** · 18-07-2009 02:03 PM

يا جماعة انهى الاحسن السيراتو ولا الياريس

**alisleman** · 18-07-2009 04:42 PM

الصراحة انتا مختار عربيتين جامدين اوى
فلذلك انتا اللى تحدد انتا عاوز ايه مثلا لو سفريات كتير هات السيراتو
ولو تحركاتك فى المدينة يبقى اليارس لان اليارس مش حلوة فى السفر اوى لانها بعد 120 ك مش ثبتا

**Hisham1** · 18-07-2009 05:08 PM

الياريس سيارة ممتازة عن تجربة
وسيبك من موضوع الثبات انا مشيت بيها في الصحراوي 160 والسيارة ممتازة
بس ياريت تشتري ال كاملة اوتوماتيك ممتازة فعلا

**Mohamad_gaber** · 18-07-2009 07:25 PM

السلام عليكم
أنا بشارك أخونا هشام 77 نفس الرأي لأني معايا ياريس كاملة مانيوال وجربتها كتير على الصحراوي في السفر والسيارة زي الفل ده بالاضافة انها ممتازة في استهلاك البنزين واقتصادية ايضا مع التكييف

اللهم اني أسألك الغنيمة من كل بر والسلامة من كل اثم وان اردت فتنة فاقبضنا اليك غير مفتونين.. آمين

**tutankhamoun** · 18-07-2009 07:27 PM

سيراتو لو بتسافر كتير .......... موتور 1600 ..... و ثبات أحسن من الياريس .....

الياريس لو تنقلاتك أكتر داخل المدن و مش محتاج ثبات و مش محتاج موتور كبير ........ الياريس ممتازة في توفير في البنزين .

أنت بتتكلم على السيراتو الشكل القديم صح ؟؟؟؟؟؟

**Yarisawy** · 19-07-2009 09:48 AM

مع انى من ملاك الياريس بس معجب جدا جدا بالسيراتو الجديده شكل فخم توكيل محترم , موتور قوى ,شكل لسه نازل جديد ومش هايتغير غير بعد 4 سنين على الاقل ,سعرها كويس الفرق بينهم مش كبير مع ان سيراتو فئة اعلى من الياريس ,ما يعيب الياريس المغالاه فى سعرها لو كنت من عشاق اليابانى يبقى توكل على الله وجيب الياريس

**john_samy** · 27-07-2009 05:11 PM

انا بردو كنت محتار زيك كدة بين العربيتين دول لان الياريس يبانى وكل الناس بتشكر فيها والنيو سيراتو فيها اوبشنز جامدة وشكلها تحفة.

لكن بعد معرفت المواصفات الى موجودة فى النيو سيراتو مانويل كاملة lx والى هى اقرب سعر من الياريس غيرت رائى على طول وقررت انى هجيب الياريس انشاء الله.

دة الموصفات الموجودة فى كل فئة من النيو سيراتو

**Samir Elshahawy** · 27-07-2009 05:23 PM

أنا مااعرفش السيراتو لكن أعرف الياريس كويس

- في المدن : الياريس السيارة الاولي بلا منازع (أرتفاع عن الارض - أقتصادية في البنزين - مريحة وواسعة من الداخل - مناورة ممتازة في الملفات الضيقة و الركنات)

- علي الطرق السريعة : جيدة جدا لمن لا يحبون السرعات العالية
ثبات معقول بدون عوامل جوية سيئة (جربتها علي سرعة 160 كم/ساعة)
سحب ممتاز حتي مع التكييف
أستهلاك بنزين أقتصادي (530 كم/ التانك)
مريحة من الداخل و رؤية ممتازة

**alisleman** · 28-07-2009 01:24 PM

المشاركة الأصلية كتبت بواسطة hisham77

الياريس سيارة ممتازة عن تجربة
وسيبك من موضوع الثبات انا مشيت بيها في الصحراوي 160 والسيارة ممتازة
بس ياريت تشتري ال كاملة اوتوماتيك ممتازة فعلا

انا معايا يارس كاملة اوتوماتيك بس السيراتو على الطريق احسن فى الثبات
لكن اليارس فى المدن احسن من السيراتو
والبنزين اليارس افضل
بمعنى ان اليارس افضل من السيراتو فى كل حاجة الا فى السفر فقط