اخواني الاعزاء

كنت بتمشى في البلد عندنا في كفر الشيخ ولاحظت وجود سيارة كمودو معروضه في احد المعارض مكدبتش خبر ورحت اتفرجت عليها وقيمتها وهي واقفه مكانها بعد الفرجة عليها
تقيمي للسيارة كالاتي

1- شكل العربية كويس مش وحش وبردة مهواش ملفت للنظر يمكن القول عليه عادي .
2- صاج العربية قوي جدا جدااااااااااااااااااااااا ا بشكل استغربت ليه
3- العربية وقفتها كويسة ومنصوبها كويس على العجل توحيلك بالقوة وكمان المتانة وانها عربية SUV
4- دواخل العربية معقولة ليست سيئة ولكن ليست فخمة بل ممكن تقول عليها انها خامات عربية فيرنا ولكن تقفيل الابواب جيد جدا ومخدوم .
5- المهم بصيت على الماتور ( اول حاجة لاحظتها ان الكبوت تقيل جداااااااااااااا دليل على متانة العربية ويمكنه من تقبل الصدمت القوية بقدرة عالية على التحمل ) لكن الماتور من جوة شكله فقير جدا بسيط لدرجة تحس انه ماتور عربية نص نقل يعني تحس كدة انه ماتور عادي جدا واحتمال يكون من تكنلوجيا قديمة وحوض الماتور تقربيا شبه فاضي لانت الماتور صغير والحوض واسع وكماليات الماتور اللي الواحد بيشفها في العربية اللي من مركة معروفة بيكون غير كدة خالص فبيديك احسا ان الماتور مخدوم ويوحي بالفخامة والقوة .
6- الفرش الداخلي وقاعدة العربية كويسة مش وحشة العربية واسعة جدا من جوة تقفيل الاركان جميل وكويس ممكن يديك احساس بالفخامة

لكن لللاسف مجربتس العربية ومعرفش معلومات عن استخدامها وامكانيات عملها واداء العربية عموما

فاياريت حد يتفضل ويدينا تجربته مع العربية لاني عاوز اشتري عربية بمواصفات السيارة دي بمعنى تكون عربية واسعة وتخدم معايا في الصحرا لان لي مزرعة في وادي النطرون فعايز حاجة تعمل حوالي 10000 كيلو في الشهر

وانا مش عاوز من العربية حاجة كتير اوي عاوز عربية تخدم وتسافر ومتتطلبش صيانة كل شوبة عاوز عربية معمرة وتكون عالية وعافشة جامدة ومحدش يقولي اشتري دبابة او ايسوزو 2 كابينة

ملخص التقييم
السيارة مناسبة في اللي انا شفته فقط لمن يهون السيارات الكبيرة الواسعة وعضمها جامد وفخامة معقولة على سعر السيارة اللي بيبدا من 144000 وع

وعلى فكرة العربية بتجمها الهيئة العربية للتصنيع ودي شركة محترمة لكن فيه ناس كتير قالت العربية مش كويسة ابدا ومرضيوش يستلموها وفيها عيوب صناعة كتير لكن عربية بالموصفات دي بالسعر دة تعتبر معقولة مش وحشة

فرجاء من الاخوة الكرام لو حد عنده العربية دي او يعرف حد عند العربية دي يتكرم ويحط لينا تقييم ليها وراية ايه

وكمان يا ريت يا حبيبي تفيدوني اشتريها ولا لا

ويمكن مراسلتي على الايميل

babaro500@yahoo.com