الموضوع: حادثة مروعة في الاسكندرية....نأخذ منها درس!

لا حول ولا قوة الا بالله العلى العظيم, لابد من حل وفى رأى الحل يبقى الشريعة الاسلامية, تطبيق احكام الله فمن قتل يُقتل ومن سرق تقطع يده .... الخ لربما يتعظ الناس ويفكرون قبل ان يقتلوا او يسرقوا.

+1
لان فعلا لو اللي بيعمل جريمه عارف انه حيتقطع راسه او لو سرق ايديه حتتقطع حيفكر الف مره قبل ما يعمل حاجه زي كده

ربنا يرحمه ويدخله فسيح جنانه
ويصبر اهله ومحبيه
وانا شايف الحل قسمين
اولا
الردع ودا بتطبيق الشريعة السلامية وزيادة الدوريات الشرطية
ثانيا
شبابنا اللى ملقحين على القهاوى لو كل واحد معاه اكل عيش ما اعتقدش ابدا حيمد ايده
وربنا المعين والحافظ

[quote]
للدرجة دى البلد بقة سايبة ؟؟؟؟
طيب المفروض بقة كل واحد ياخد حقه بأيده ولا نعمل ايه انا مش فاهم, يعنى احط تحت الكرسى سنجة ولا سيف ولا اشيل طبنجة فى العربية وكمان هبقى خايبف لأنى ممكن ملحقش اطلعهم, لا حول ولا قوة الا بالله العلى العظيم, لابد من حل وفى رأى الحل يبقى الشريعة الاسلامية, تطبيق احكام الله فمن قتل يُقتل ومن سرق تقطع يده .... الخ لربما يتعظ الناس ويفكرون قبل ان يقتلوا او يسرقوا.
[quote]
لاحول ولاقوة الا باللة .. انا للة وانا الية راجعون
ياريت تطبق.. دة الجرنان كل يوم جوادث قتل والنهاردة فى جرنان حرامية سرقوا عربية فى عباس العقاد نزل صاحبها يشترى حاجة ومراتة فى العربية سرقوا العربية وزوجتة فيها سبحان اللة على حال البلد

المشاركة الأصلية كتبت بواسطة eng_mkhalaf

يا جماعة عايزين ندخل فى الموضوع تانى بجد -- أية ممكن أحنا نعملة علشان نمنع حاجة زى دية
1- سلف دفنس
2- شومة
3- كرباج سودانى
4- سكينة كبيرة
5- مسدس صوت
6- مطوة
أحنا كلنا معرضين للموقف دة - انا عايز أسأل نفسى أزاى أحنا أستعدنا للموقف دة

الواحد من الصدمة مش عارف يفكر , المشكلة الحقيقية فى المفاجئة اللى بتحصل , يعنى الواحد بيكون فى العربية منتظر مثلا او زجاج مفتوح او نزل يجيب حاجة .
انا اقترح الاجهزة التالية للدفاع عن النفس فى حالة المهاجمة :

- جهاز الصاعق الكهربائي و دة فعلا و سريع جدا
- بخاخ الرزاز اللى بيسبب العمى المؤقت , و دة افضل كمان لان ممكن اطلاقة من مسافة كويسة
- جهاز اصدار صوت مرتفع و هو يستعمل بالضغط مثل الاسبرى و ذلك للانزار او لفت الانتباة

_ فى بقى احطياطات تعملها و انت فى الشارع :
- اولا تقول دعاء الخروج اول ما تخرج من بيتك دة اهم حاجة .
- قدر الامكان متكونش لوحدك فى العربية و يكون معاك على الاقل صديق , صدقية مش حتوكن مفيدة قوى .
-اذا كنت لوحدك يبقى تحرص انك لا تتوقف فى اى مكان مهجور او بعيد عن اعين الناس مهما كانت الاسباب
-طبعا غلق جميع الابواب من الداخل و غلق الزجاج ان امكن فى الاماكن الضيقة او على الطرق الجانبية .
- عدم ايقاف موتور السيارة الا عدما تنوى الخروج النهائى منها .
-اذا كنت متوقف داخل السيارة يجب متابعت المريات باستمرار لرصد اى شى متحرك خلفك من بشر . المهاجم عدة ياتى من الخلف فى النقطة العمياء بالنبسة لك .
- مشاهدة افلام الرعب و افلام الجريمة البشعة , لانة من المفيد عدم التاثر بالمفاجئة مهما كانت قاسية وذلك حتى يكون رد الفعلا مؤثر و ايجابى , و ليس مجرد خوف و هلع .
- التدريب على سرعة استخدام اجهزة الدفاع عن النفس , لان الخصم يكون مدرب ايضا على سرعة المهاجمة فى كثير من الاحيان .
- عدم فتح السيارة الا عندما تكون فى اقرب مكان من الباب , حتى لا تعطى الفرصة لغيرك للوصول اليها قبلك

دى بعض الحاجات اللى فكرت فيها , ممكن كل واحد يزود اقترحاتة و ياريت يكون معانا حد من الامن برضو يفدنا ازى نتصرف فى حالة مؤسفة زى دى.

و طبعا انت ممكن تقول ان كل دة صعب , بس اذا عملت كل دة و لا قدر اللة حصل حاجة يقى طبعا دة قضاء الله , يكفيك انك حولت تدافع عن نفسك و حتكون شهيد اذا لا قدر الله فى شىء و وربنا يحفظنا من شر الطريق

أنا شايف أن أحتفاظ أي شخص بشومه أو سكينه كبيره أو مطواه يجعله مثله مثل اي مجرم أخر ومش هايبقى في فرق بيننا وبينهم
لكن مسدس صوت أو رادع كهربائي متهايقللي يبقى دفاع عن النفس مقبول لأن كده المدافع عن نفسه بهذه الأدوات لن يدخل في دائرة الأجرام

Dr Ahmed كتب :

الراجل مات شهيد لأنه مات دفاعا عن نفسه وماله
كمان ال2 القتلة هيشيلوا عنه كل ذنوبه يوم القيامة

+1000