الف سلامة عليك مهو الغباء بقى من سيمة البلد
عرض للطباعة
الف سلامة عليك مهو الغباء بقى من سيمة البلد
ربنا يستر طريقنا جميعا
حمد لله على السلامة يا باشا...
بص حضرتك ...اقتباس:
هو مافيش امل ان الناس ديه تفوق من الغيبوبه الى عايشين فيها و يبطلو الغباء المستفحل ده !!!!
مافيش مره الواحد ينزل فيها الشارع الى و يعدى باكتر من موقف كفيل بانه يدمر عربيته او ينهى حياته او حياته الاخرين بسبب ....مش حقول الاهمال ..... ده عدم وعى و غياب لاقل درجات الفهم و العقلانيه ؟؟؟؟
اللي اعرفه
ان بجد المشكلة في الناس و جهلها زي ما حضرتك بتقول
يعنى لما الناس اللي سايقة لسة مش مقتنعة انهم لازم ينوروا نور العربية بالليل .. منتظر اية ؟
مهو دا غباء برضه..
و تلاقي سواق على طريق سريع بينحرف عالحارة بتاعتك من الشمال .. اصله ملبوخ يا عيني .. بيمسح المرايا او الزجاج ...
هقول اية ولا أية و لا أية ....
المشكلة في الجهل !!!!!!!!!!
ادى الدائرى و البلاوى اللى بتحصل عليه دى صورة مصورها امبارح لاتنين بهوات سواقين نقل بيهزروا مع بعض راح واحد محمل رمل اتقلب...... الكلام ده الساعه 1.30 صباحا فى الوصلة اللى بعد منزل ميدان الرماية........ هنقول ايه غير حسبنا الله و ربنا يحفظنا.......
على الكورنيش انا بشوف عربيات عطلانه بتوقف على الشمال وبتسبب حوادث المشكلة انهم بينزلو ويفتحوا الكبوت ويشتغلو فيها
انا بقول لو حصلى الموقف دة هاعمل ايه مش المفروض حتى لو على الشمال اوقف الشارع ثانيه وازق العربيه على جنب علشان مايسببشى حوادث ولا اعمل ايه
والله حادثة حصلت بسبب كدة على الكورنيش وكانت اللى عطلانة عربيه 128 ولما الحادثة حصلت صاحب 128 لا مبالاة وكن مفيش حاجة حصلت وخد عربيته ومشى ببرود تام
المفروض نترقى بقى احنا اغنى من اى دوله عربيه نركب كاميرات فى كل الشوارع والله هنمشى زى الكلاب ومفيش حاجة من دى هتحصل ونسبة الحوادث هتقل جامد
وانا اسف واعذرونى لانى محروق دمى من اللى بيحصل انا بسافر كتير برة ومبشوفشى حاجة من دى الا هنا فى مصر
اولا الف حمد الله على السلامة
ثانيا : دهالمتوقع فى مصر الإستهتار والإهمال فى كل شئ حتر ارواح الناس انا هقول لحضرتك على موقف حصل معايا بس ربنا سترها كنت راجع من مدينة نصر واخدت طريق العباسية من تحت عشان اطلع كوبرى اكتوبر من غمرة بعد ما عديت محطة مترو الدمرداش مرة واحدة لقيت واحد جنبلى بعربية لانوس حدف عليه حدفة منيلة كان هياخد جنب العربية كله ياد دوب ربنا سترها وحدفت يمين فى اخر لحظة وربنا ستر لأن كان فى ميكروباص على يمينى والراجل هو كمان لم نفسه كان هيضيعنا إحنا الإتنين
تعرف سيادتك البيه حدف علينا ليه كان معاه واحدة فى العربية وكان بيبوسها وما كانش دريان باى حاجة بس علمناه الأدب سواق المكروباص طلع قطع عليه الطريق لأنه هو كمان خد باله من الموقف ونزل هو والركاب ادوله علقة موت ومتهيألى من ساعتها الواد ده هيحرم حتى يسلم على بنات
انا برده من حوالى 3ايام عندنا فى مدينة العبور كنت داخل على مطب وعلى شمالى ملاكى وفجأة عربية نص نقل الدبابة جاية من ورا بسرعة راحت فرملت فجأة الرجل بتاع العربية اللى على شمالى اتخض ووخاف لحسن العربية تلبس فيه من ورا ماهى بقت موضة راح رامى عليا رحت انا برده اتخضيت رحت رامى يمين وباقى العربيات اللى ورانا وقفت شوية رحت انا ماشى على مهلى ومخليتش بتاع النقل ده يعدينى خالص.
ايه الرعب ده
ربنا ستر وحمدالله على السلامه يا باشا
انا لما اركب السيارة اقراء دعاء السفر واتشهد واقول ربنا يستر
طب تقولوا ايه في ده.........
ماشييين انا و واحد صاحبي علي كوبري اكتوبر الساعة 3 الفجر و نازلين نازلة شبرا....اذ فجاة كده نلاقي في نص النازلة ميكروباص من الجداد بتاع الشركات الخاصة غالبا اكتشف انه نزل نازلة غلط فقال ارحعها بظهري.........
تخيلوا الاستهتار والغباء واللامبالاة ....والحمدلله كنا واخدين الحارة الشمال وربنا ستر الحمدلله
بس المشكلة باه هو البني ادم من دووووووووول خلاص مافيش فكر يقدر الغباء اللي بيعمله ده!!!!!! بجد ربنا يرحمنا.....