الموضوع: النيو سيراتو ووهم الاوفر برايس

دى انا بدور على كارينز مانيوال ولما لقيتها عايزين يدوهانى ب106 الف قلت له لا مش عايزها وهفكر فى حاجه غيرها ولا رمضان هيجى ومش هيلاقوا حد يشترى

المشاركة الأصلية كتبت بواسطة ahmedsiyam

السلام عليكم

فى واحد من اصدقائى كان بيشترى عربية و رشحتله النيو سيراتو لما تتمتع به من سمعة طبية و هى عربية بصراحة تستاهل كل جنيه ادفع فيها

و حجزنا العربية من معرض فى المهندسين و من عند محمد زكى احد الموزعين المعتمدين لكيا

المهم الافندى بتاع المهندسين قالى هاتستلم العربية مو 2010 و الاوفر عليها 3 الاف جنيه !!!

قمة الاستهبال طبعا

عربية حاجزها من 4 اسابيع و طبعا صباح المواعيد الفشنك و فى الاخر ادفع اوفر 3 الاف

و بما انى اللى رشحت العربية لصديقى فقولتله سيبك من العالم النصابين دول احنا فى بلد يوم مايحصل اقبال على حاجة الجشع و الطمع يبتدى يبان و تظهر الناس على حقيقتها

تغور الكيا فى داهية من وش توكيلها و من المعارض و امثالهم و نجيبلك عربية تانية متاحة و موجودة و بسعر حلو

يشاء السميع العليم و نلاقى الراجل بتاع محمد زكى بيكلمنا و تعالوا استلموا العربية و نروح فعلا و نستلم برضه مو2010 و لكن بنفس سعر الوكيل المعلن و لا فى اوفر و لا حاجة و ناس شيك جدا و فى منتهى الاحترام و المصداقية

و العربية انا جربتها بقى امبارح و موش عايز اقولكم حاجة بصراحة فى منتهى الجمال و الروعة و الشياكة و صديقى مبسوط بيها على الاخر و فعلا كيا نيو سيراتو عربية تشرف بجد

تحياتى لكل الاخوة الافاضل فى قسم الكيا و ربنا يسترها معاكم ان شاء الله

تمام دى مش اول مرة نسمع فيها عن محمد زكى انه سلم العربية بسعرها.
بس هى كانت ايه ex و لا sx
و كنتم حاجزين لمدة كام اسبوع (او شهر)

من فضلك المعلومات دى مهمة جدا بالنسبة لنا

و كمان لو ان محمد زكى ده بيسلم بسعر التوكيل الرسمى يبقى التوكيل ما بيخدش فلوس زيادة و لا حاجة من الموزعين بس ممكن يكون التوكيل بيدى اولوية للموزعين عن الناس العاديين.

سوال عاجل و ضروري انا ناوي احجز مع محمد زكي فهل هو ملتزم بمواعيد التسليم و لا لا

يعني بيدي الميعاد و يوفي

برجاء الرد سريعا وشكرا

رداً لموضوع الاوفر بريس انا امبارح كنت راجع على طريق السويس و شقت حوالى 20 سيارة نيو سيراتو واقفة على جنب الطريق فى الك 4.5 و كان شكلهم يفرح بجد و ان شاء الله الكل يستلم قريب جداً