الاوفر درايف فى النيو صنى

**dr_hassan1eg** · 01-10-2012 10:47 PM

السلام عليكم
موضوع الاوفر درايف ده محير جدااااااااااا
.
.
.
.
.
انا حاولت اقرا عنه عشان افهمه
ولقيت فيه رايين الاول: انه مفيد فى اوضاع معينة فقط (يعنى الاصل هو عدم استخدامه كتير) وده الراى الاكتر
التانى : انه بيريح الموتور والمفروض منفصلوش لانه بيوفر البنزين
.
.
دلوقتى النيو صنى اساسا الديفولت بتاعها انه يكون شغال ( معرفش ده فى عربيات تانية ولا بيكون الديفولت انه مفصول)

سؤوالىى للصقور
اشغل الاوفر درايف ولا افصله ؟ افتح الشباك ولا اقفله؟؟؟
وامته بالضبط؟؟
بصراحة انا لما بقفله العربية بتطير
بس خايف يكون ده غلط

**د.هشام** · 01-10-2012 11:01 PM

خليه مفصول (يعني متخليش اللمبة بتاعته اللي في التابلوه منورة)
طريقة عمله انه بينقل حتى التالت بس, مابيجبش الرابع مهما كانت سرعة العربية (من الاخر مالهوش لازمة وبيحمل جامد على الموتور)

**Bishoy.Girgis** · 01-10-2012 11:30 PM

و تكلمة لكلام د.هشام
الاوفر درايف بيفضل استخدامه فقط لما تكون مثلا علي الطريق السريع و عايز تعدي عربية بسرعة و محتاج عزم اقوي للعربية و خلي بالك ده معناه ان العربية هتكون اخيرها النقلة الثالثة
يعني غلق الاوفر درايف هتستخدمه فقط لما تكون معدي 80 كيلو / الساعة فاكثر

**dodyam** · 02-10-2012 12:03 AM

المشاركة الأصلية كتبت بواسطة د.هشام

خليه مفصول (يعني متخليش اللمبة بتاعته اللي في التابلوه منورة)
طريقة عمله انه بينقل حتى التالت بس, مابيجبش الرابع مهما كانت سرعة العربية (من الاخر مالهوش لازمة وبيحمل جامد على الموتور)

المشاركة الأصلية كتبت بواسطة peaceman

و تكلمة لكلام د.هشام
الاوفر درايف بيفضل استخدامه فقط لما تكون مثلا علي الطريق السريع و عايز تعدي عربية بسرعة و محتاج عزم اقوي للعربية و خلي بالك ده معناه ان العربية هتكون اخيرها النقلة الثالثة
يعني غلق الاوفر درايف هتستخدمه فقط لما تكون معدي 80 كيلو / الساعة فاكثر

بالبلدى يا باشا كبر دماغك خالص منه يعنى زى ما دكتور هشام قال سيبه مفصول يعنى لمبة الأوفر درايف فى التبلوه مطفية

امتى تشغله كمثال لو فى الأيام اللى احنا فيها دى بعد الثورة و طلع وراك بلطجية فى عربية
تقوم تشغل الاوفردرايف (فتنور لمبته فى التابلوه) وتدوس بنزين فتحرق على التالت فالعربية هتجمع و تجرى بسرعة لغاية لما لفات الموتور تعلى معاك قرب الـ 5 مثلا تروح قافله تانى ( فتطفى اللمبة ) وانت أساسا بتحرق بنزين فالأتوماتيك ينقل على الرابع علطول و تلاقى السرعة زادت اكتر علشان تقدر تهرب منهم

الكلام ده عامل زى المانيوال لما تكون بتجرى على الرابع على 70 مثلا و عاوز تعدى من عربية أدامك تقوم تنقل للتالت ( يعنى تشغل الأوفر درايف و تنور اللمبة فى التابلوه ) فالعربية تجمع معاك و لما توصل لأقصى حاجة فى التالت تروح ناقل للرابع ( يعنى تقفل الاوفر درايف و اللمبة بتاعته تطفى)
ليه الكلام ده لان الفتيس الأوتوماتيك زى ما انت عارف 4 نقلات بس ( وانت قافل الأوفر درايف يعنى اللمبة مطفية)
ووظيفة الأوفر درايف لما يشتغل انه يخلى الفتيس 3 نقلات بس و يقفل النقلة الرابعة يعنى أكن مفيش رابع
فلما تشغل الاوفر درايف هيبقى آخرك تالت وهتلاقى الـ rpm بيعلى لانك ضاغط بنزين و مفيش نقلة أعلى ولما توصل لأقصى سرعة بالتالت عند rpm خمسة آلاف لفة مثلا أو أربعة هتقفل الأوفردرايف فانت كده سمحت للفتيس انه يرجع 4 نقلات طبيعى فيلاقيك على التالت و انت بتضغط دواسة البنزين جامد و سرعتك عالية فيفهم انك عاوز تسرع أكتر فينقلك للرابع

**blazer** · 02-10-2012 02:11 AM

ولية وظيفة تانية مهمه هو وباقى النقلات زى 1 و 2
لو انت فى مكان كله مطالع ومنازل او حفر كبيرة ومطبات وعارف انك مش هتعلى عن سرعة معينة
تروح جايب النقله المناسبة وتفضل ماشى عليها عشان ميحصلش اجهاد للفتيس ويفضل ينقل من نقلة عالية لنقلة اقل والعكس فى فتره قليلة

**zangry** · 02-10-2012 02:44 AM

المشاركة الأصلية كتبت بواسطة dr_hassan1eg

السلام عليكم
موضوع الاوفر درايف ده محير جدااااااااااا

.
.
.
.
.
انا حاولت اقرا عنه عشان افهمه
ولقيت فيه رايين الاول: انه مفيد فى اوضاع معينة فقط (يعنى الاصل هو عدم استخدامه كتير) وده الراى الاكتر
التانى : انه بيريح الموتور والمفروض منفصلوش لانه بيوفر البنزين
.
.
دلوقتى النيو صنى اساسا الديفولت بتاعها انه يكون شغال ( معرفش ده فى عربيات تانية ولا بيكون الديفولت انه مفصول)

سؤوالىى للصقور
اشغل الاوفر درايف ولا افصله ؟ افتح الشباك ولا اقفله؟؟؟

وامته بالضبط؟؟
بصراحة انا لما بقفله العربية بتطير
بس خايف يكون ده غلط

مين الذكى اللى قالك انه بيوفر بنزين !! ده بياكل بنزين مش بيوفره :d وطبعا مش بيريح الموتور

**the_air_devil** · 02-10-2012 09:42 AM

اللي قاللك خليه مفتوح دايماً يبقى حاجة من اتنين : يا مش عارف معنى أوفر درايف .. يا عايز يخليك تحرق بنزين وتجهد موتور عالفاضي !!!

توفير بنزين ازاي وهو مخليك عمال تكبس بنزين للموتور وتعلي لفات المحرك؟

**kar!m** · 02-10-2012 10:23 AM

هو الفكرة انك لما تدوس على الزرار .. الأوفر درايف بيتطفي مش بيشتغل .. يعني بيتكتب over drive off .. اللي زي كده التويوتا كورولا برضه.

**dr_hassan1eg** · 02-10-2012 04:00 PM

المشاركة الأصلية كتبت بواسطة dodyam

بالبلدى يا باشا كبر دماغك خالص منه يعنى زى ما دكتور هشام قال سيبه مفصول يعنى لمبة الأوفر درايف فى التبلوه مطفية

امتى تشغله كمثال لو فى الأيام اللى احنا فيها دى بعد الثورة و طلع وراك بلطجية فى عربية
تقوم تشغل الاوفردرايف (فتنور لمبته فى التابلوه) وتدوس بنزين فتحرق على التالت فالعربية هتجمع و تجرى بسرعة لغاية لما لفات الموتور تعلى معاك قرب الـ 5 مثلا تروح قافله تانى ( فتطفى اللمبة ) وانت أساسا بتحرق بنزين فالأتوماتيك ينقل على الرابع علطول و تلاقى السرعة زادت اكتر علشان تقدر تهرب منهم

الكلام ده عامل زى المانيوال لما تكون بتجرى على الرابع على 70 مثلا و عاوز تعدى من عربية أدامك تقوم تنقل للتالت ( يعنى تشغل الأوفر درايف و تنور اللمبة فى التابلوه ) فالعربية تجمع معاك و لما توصل لأقصى حاجة فى التالت تروح ناقل للرابع ( يعنى تقفل الاوفر درايف و اللمبة بتاعته تطفى)
ليه الكلام ده لان الفتيس الأوتوماتيك زى ما انت عارف 4 نقلات بس ( وانت قافل الأوفر درايف يعنى اللمبة مطفية)
ووظيفة الأوفر درايف لما يشتغل انه يخلى الفتيس 3 نقلات بس و يقفل النقلة الرابعة يعنى أكن مفيش رابع
فلما تشغل الاوفر درايف هيبقى آخرك تالت وهتلاقى الـ rpm بيعلى لانك ضاغط بنزين و مفيش نقلة أعلى ولما توصل لأقصى سرعة بالتالت عند rpm خمسة آلاف لفة مثلا أو أربعة هتقفل الأوفردرايف فانت كده سمحت للفتيس انه يرجع 4 نقلات طبيعى فيلاقيك على التالت و انت بتضغط دواسة البنزين جامد و سرعتك عالية فيفهم انك عاوز تسرع أكتر فينقلك للرابع

شكراااااااااااااااااااااا اااااااااااا
تقريبا ده احسن شرح فهمت منه

اللون الاحمر مخصص فقط للمداخلات الادارية والاشرفية

**dr_hassan1eg** · 02-10-2012 04:04 PM

المشاركة الأصلية كتبت بواسطة the_air_devil

اللي قاللك خليه مفتوح دايماً يبقى حاجة من اتنين : يا مش عارف معنى أوفر درايف .. يا عايز يخليك تحرق بنزين وتجهد موتور عالفاضي !!!

توفير بنزين ازاي وهو مخليك عمال تكبس بنزين للموتور وتعلي لفات المحرك؟

خليه مفتوح ده يعنى متدوسش عالزرار بتاعه لانه اساسا لما بتشغل العربية بيكون الوضع الاساساي بتاعه انه مفتوح
انت اللى بتقفله لما بتدوس الزرار

وعشان الناس تفهم النقطة دى فى الصنى
الاوفر درايف عكس لمبة الاوفر درايف اللى فى التابلوه