الموضوع: أستطــلاع وتلقى اقتــراحـــات ... لتصميم اول لوجو موحــد -لنــادى بروتون مصــر-

المشاركة الأصلية كتبت بواسطة medhat_skaik

أنا برضوه مع التصميم الأول للأستاذ محمد سليمان بعد عمل التغييرات المقترحة أكيد حيبقى تحفة

تمـــــــــام جـــــــــــدا

المشاركة الأصلية كتبت بواسطة yossef

التانى احسن

منور ياباشا

المشاركة الأصلية كتبت بواسطة ahmedfathy77

السلام عليكم ورحمة الله وبركاته

طب انا كان عندى اقتراح اضافى اعضاء و فنانين بروتون ممكن يدرسوه ويقولونا ممكن ولا لا. هل ممكن مثلا نعمل استيكر تانى صغير يكون جنب او تحت الشعار اللى بيتصمم بحيث نكتب فيه رقم العضويه يعنى يتكتب كلمة no 99 مثلا بحيث كل واحد يلزق استيكر صغير جنب الاستيكر الاصلى يحط فيه رقم عضويته و طبعا يكون ده اختيارى اللى عاوز يحطه يجيبه لوحده ويلزقه بس المهم يكون معمول حسابه اثناء التصميم عشان لو اتلزق جنب الشعار ما يبقاش نشاز واعتقد ان الموضوع الى حد ما شبه الموضوع اللى كان الدكتور محمد سليمان عامله عن علامه تميز كل عربيه عشان الناس تعرف بعضها فاعتقد ان اضافة الرقم هيخلى الناس عارفه بعضها اكتر بمجرد رؤية الشعار والرقم جنبه وده ممكن يعزز التواصل اكتر بين الاعضاء وبعضها بطريقه محدش هيبقى فاهمها الا البروتوناويه انا مثلا واحد من الناس بشوف بروتون كتير بس اول حاجه ببص عليها اشوف شعار نايل موتورز لو محطوط بحس بسعاده كده وبقول غالبا ده واحد اعرفه من زمايلنا فى المنتدى فما بالك باه لو عرفت من الشعار الجديد والرقم هو مين اكيد مش هتردد انى اكلمه او اتعرف عليه فاكيد الشعار حتى لو لوحده هيزود من انتماء الناس للنادى واكيد هيزود من معرفتهم ببعض واعتقد ان لو اضيف الرقم هيزود التواصل اكتر

سلامى للجميع

وعليكم السلام ورحمة الله وبركاته

ايه اخبار حضرتك ... ان شاء الله كل حاجه تمـــام

بخصوص اقتراح حضرتك ... الفكره جميله جدا

بس فى مشكله ...

اولا هيكون فى زحمه عالازاز بالشكل دا ... لان هيكون فى استيكر المنتدى , استيكر بروتون , استيكر العضويه ...

ولو قلنا هنحط الرقم جوا التصميم الاساسى

هنلاقى مشكله تانيه ...

ان التكلفه هتزيد كتير ... ليــه؟؟؟؟

عشان نحصل على اقل تكلفه لازم يكون التصميم واحد ونطبع كميه .... فلما نيجى بقى لموضوع الارقام هنلاقى ان هنا هيكون كل استيكر عليه رقم مختلف .... وبالتالى التكلفه هتزيد.

--------------

بس بينى وبينك ... انا هعملها اسبيشــال اوردر ليـــا

--------------

ياريت ياباشا نسمع شويه اقتــراحـات كمـــان

تحيــــــــــــــــاتــــ ـــــى

المشاركة الأصلية كتبت بواسطة TheEgyption

انا عاجبني جدا بتاع الفيسبوك جروب

اولا :احب اشكر كل الاخوه البروتوناويه اللى تعبوا نفسهم ورسموا الحاجات الجامده جدا دى ( دكتور محمد سليمان و استاذ مهاب وباشمهندس رافى ) حقيقى تعاون وتفاعل جميل جدا من فنانين بروتون

ثانيا: انا لغاية دلوقتى مازلت عاجبنى تصميم دكتور محمد من التصميمات المقترحه بس لسه ما شفناش لو اتعمل له التعديلات اللى اقترحناها هيبقى شكله ايه مناسب اكتر ولا على الوضع الحالى افضل

ثالثا : تصميمات المهندس رافى جميله جدا بس انا اعتقد انها هتبقى مناسبه للتى شيرت اكتر في منها الوانه جامده والتصميم كبير فهيبقى شكله مناسب اكتر لو اتم عمله على تى شيرت وطبعا ده رايى الخاص

ثالثا :فى حين انا كنت ناسى الشعار اللى موجود فى الاقتباس ده بتاع الجروب على الفيس بوك الصراحه انا بعد ما تمعنت النظر فيه انا لقيت فيه تقريبا كل اللى نفسنا فيه ومش عارف استاذ مهاب منزلوش فى الاول ليه هل مينفعش انه يستعمل كشعار للنادى لسبب او لاخر ولا فيه سبب تانى وان كنت انا شايف انه اكتر واحد مناسب لغاية دلوقتى للاسباب دى

1- شكله جميل جدا جدا بدون اى تعقيدات
2- معبر جدا خاصة ان فيه شعار بروتون الجديد مع اضافات بسيطه له مش مغيره فيه كتير
3- اسم النادى واضح
4- الخلفيه الوانها جميله بتداخلتها
5- سهل جدا لو شفنا رمز بروتون ( النمر الفضى ) من بعيد اكيد هنعرف الشعار ده بتاعنا او اى حد تانى لو شافه اكيد هيلفت نظره برضه ان يعرف الشعار ده بتاع ايه واكيد هيلقط الاسم بسرعه
6- انا ليا ملحوظه واحده بس لو امكن نغير ابعاده شويه بحيث يبقى الطول فى الاتجاه الافقى والعرض فى الاتجاه الراسى بحيث يبقى انحف شويه شبيه بمقاييس شعار نايل موتورز ولو ما امكنش هو كده حلو جدا
7- برضه لو امكن نضيف كلمة no فى الشعار ونخلى رقم العضويه فى استيكر خاص يكمل الشعار يبقى جميل برضه
احب برضه نسمع باقى اراء البروتوناويه فى الملاحظات دى وباقى المشاركات

سلامى للجميع