العربية اتخبطتت وانا واقف فى الجراج !!!!!!!

**أحمد كمال** · 30-07-2009 10:23 PM

المشاركة الأصلية كتبت بواسطة medo_sirion

معلش بردة مدام اتاسف يبقى مكنش لازم اخد فلوس محدش بيقبل العوض

باشا ..... مع احترامي ..... كلام حضرتك مالوش أصل في الشرع و لا القانون و لا حتى العرف السليم

من افسد شيئا فعليه إصلاحه

و شرعا انت مسؤول عن أي شئ تتلفه

للأسف في كل حادثة الناس تتلم و تقعد تقول

ازاي تاخد عوض؟

انت تقبل على نفسك عوض؟

تأكل عيالك من عوض !!!!!!!

ده حتى ربنا ما يباركش ليك !!!!!!!!

أيوة !!! أقبل عوض و أأكل عيالي منه و ربنا هيبارك

معلش محدش معاه توكيل إلهي انه يحدد ربنا هيبارك لمين في إيه و مش هيبارك لمين في إيه

ثانيا ده حقي الشرعي ..... هو اللي خرب لي عربيتي ..... يدفع !

و مفيش حاجة اسمها انها حرام ...... يا جماعة تحليل الحرام او تحريم الحلال - بقصد طبعا - مخرج من الملة

بلاش كل واحد يقول حرام و حلال و يودي نفسه و اللي حواليه في داهية

و حتى لو هو دعى عليا ربنا هيبارك لأنه بيدعي بغير وجه حق

**samirayad** · 30-07-2009 10:49 PM

أنت كده عملت الصح فعلا ....وبتساهم بطريقه غير مباشره فى الحفاظ على مال الغير .....لأنه كل ماحيتحط فى مزنق تانى .....حيخلى باله ....علشان حيفتكر المائة جنيه ......مش بيقولك .....ما أدب الا أدب القرش .....ولو أن القروش ...أنتهت .....والمفروض .....نحول المثل ده الى ......ما أدب الا أدب المائة جنيه ......مثلا

**Rsarabia** · 30-07-2009 11:42 PM

تصرف ممتاز جدا و ايجابى و يا ريت كلنا نعمل كدا ولما نشوف حاجة زى كدا ناخد حقنا و منقولش هتقبل العوض و الكلام دا لان من اتلف شئ فعليه اصلاحه

**alisleman** · 02-08-2009 11:49 AM

تصرف ممتاز انا مرة واحد خبطلى عربيتى وهى فى الجراج وسايب الرقم وكلمته طلع ذوق اوى وصلح يا فندم وقلى اتكلفت كام وانا ادهملك والله دفعت تصليح 200 جنيه ولما قلتلة هب فيا وازاى انا قولت كبرها 50 جنيه وطلعت مش عربيته وطلع اوفيس بوى فى شركة ودى عربيه صاحب الشركة روحت اتصلت بصاحب الشركة وقولتله قالى دة مبيعرفشى يسوق وميعرفشى يدورها حتى ومستحيل يعمل كدة
قولتله عندك حق ازاى هو يخبطها وهو مبيعرفشى يسوق او يدورها ماشى انا هنزل اخد حقى من العربيه اللى خبطتنى قالى ازاى يعنى قالتله تعالى اتفرج وانا بكسرلك الفوانيس الاربعه بتاعتها وروحت قافل السكة
زى الكلب راح باقصى سرعة لقيت واحدة بيخبط على باب الشركة وبيقولى استاذ فلان بيقولك متاسفين وبيدينى ال 200 جنيه