السلام عليكم و رحمه الله وبركاته
انا اول مستلمت العربيه بعد اسبوع اخذت بالى ان فى صوت غريب بيظهر عندى مش عارف احدد ايه هو بس ححاول اوصفه
لما اسخن العربيه و ابتدى امشى بيها بتكون مؤشر الحراره بيكون 2 درجه ابتدى اسمع صوت ونه مش عارف جايه من الشكمان ولا ايه بس الغريب ان و العربيه واقفه ادوس بنزين مسمعش الصوت
ولما امشى بالعربيه اسمع الصوت و بيكون rpm على 1.5 لما ازود بيعلى شويه و يختفى بعد rpm 2.5 على الغيار الأول و الثانى فقط لغايه ما درجه الحرارة توصل ل 4 شرط وبيختفى الصوت خالص
يعنى الصوت بيكون قبل ما العربيه تاخد كامل سحونتها انا مش عارف الصوت ده جى منين ومحيرنى اوى و طبعا لما رحت صيانه 1000 ك مظهرش الصوت خالص لأن العربيه بتكون سخنه
مؤخرا ابتديت اسمع الصوت حتى و العربيه سخنه بس منخفض اوى بس موجود و مش عارف ايه هو و عايز اروح التوكيل بس المشوار بيخلى العربيه سخنه و الصوت بيقى ضغيف و مش باين الا لما تركز معاه اوى اوى
ارجو الفاده من خبراء الرينو و اسف على الأطاله
بس الصوت ده حيجننى