شيفرولية لانوس

**ahm_ess** · 31-07-2009 04:59 PM

خلاص ياجماعة نويت اشتري لانوس بس التوكيل بيقولي احجز واستني شهر ونص والموزعيين كلها بتقولي استني اسبوعين بس و ادفع 3000 زيادة عن سعر التوكيل وكلهم بيقولو ان التوكيل عمرو مالتزم بالشهر ونص وهيقعدني اكتر من كدة وكل دا طبعا بسبب مشروع التاكسي
انا محتار احجز مع والتوكيل ولا اجبها من الموزعيين وهل فعلا الوكيل موعيدو وحشة واضمن منيين ان الموزعيين كمان ميتاخروش عليا
اسف علي الاطالة وعايز رأيكو ياجماعة

**محمود نجيب** · 31-07-2009 06:22 PM

مين اللي كلهم ؟؟؟
أنا حجزت و التوكيل قال اني هستلم خلال شهر و نصف و استلمت بعد 4 أسابيع و انت أولي بــ 3 آلاف جنية

طبعا لو انت ناوي علي الكاملة هتحتاج تركب انذار و ووحدتين رفع في التوكيل عشان ضمان الكهرباء ، و لو تحب تركب فرش جلد أمريكي ، و طقم دواسات ، و كفر دركسيون جلد طبيعي ، و غطا خارجي للسيارة ، و الطفاية و رسوم الترخيص و التسجيل في المرور ، و لو اتبقي حاجة ابعتها لي بالبريد و متحيرش نفسك .

**shanodaa** · 31-07-2009 07:11 PM

تمام احجز في التوكيل ووفر فلوسك لشيئ مفيد

**aly_hosny** · 31-07-2009 09:17 PM

المشاركة الأصلية كتبت بواسطة mahmooodnageeeb

طبعا لو انت ناوي علي الكاملة هتحتاج تركب انذار و ووحدتين رفع في التوكيل عشان ضمان الكهرباء ، و لو تحب تركب فرش جلد أمريكي ، و طقم دواسات ، و كفر دركسيون جلد طبيعي ، و غطا خارجي للسيارة ، و الطفاية و رسوم الترخيص و التسجيل في المرور ، و لو اتبقي حاجة ابعتها لي بالبريد و متحيرش نفسك .

هو الانذار بيخرج العربية من الضمان ؟؟؟؟؟
انا سالت وقالولي لا

وانت ركبت الحاجات دي في التوكيل ؟؟؟
كلفتك كام

**محمود نجيب** · 31-07-2009 10:19 PM

المشاركة الأصلية كتبت بواسطة aly_hosny

هو الانذار بيخرج العربية من الضمان ؟؟؟؟؟
انا سالت وقالولي لا

وانت ركبت الحاجات دي في التوكيل ؟؟؟
كلفتك كام

سألت مين ؟ التوكيل ؟
أي شغل في ضفيرة الكهرباء لا بد يكون في التوكيل غير كده لو حصل مشكلة في الكهرباء و رحت التوكيل و اكتشف انك ركبت الانذار بره هيتلكك ويقولك انك خرجت من الضمان

الانذار و وحدات الرفع تركيبهم بــ 130 في التوكيل وتشتريهم من بره طبعا و أرشحلك انذار وولف و وحدات الرفع كمان وولف
توكيل وولف (ش جسر السويس - شركة عبر البلاد - سوق القنال الدولى ت : 262395 - 26234729 )
لأنه من أفضل الأنواع و عرفته من الأخوة في الموقع و عن تجربة ما شاء الله ممتاز