Mobil 1 vs. Shell Helix Ultra

**samirayad** · 03-06-2009 04:30 PM

و الله يا باشمهندس سمير انا لالالا يمكن ولا اجرأ اني اخليك زعلان مني ابداً لان حضرتك من الناس الي وقفت جمبي بطريقه غير طبيعيه

بس بصراحة و من غير اي مقدمات انا بصراحة زهقتك مني كل شوية اسئله و مهاترات و حضرتك متأخرتش ابداً عليا فقولت الراجل دا لازم يترحم مني شوية لاني بصراحة زوتها اوي معاك من كتر الاسئله في كل حاجة يعني كان الموضوع مش معقول فعلشان كدا قولت بس اريح حضرتك مني ......... بس انا كنت عاجز عن شكرك و الله صدقني

دا كده من حقى أزعل بأه.................ياراجل مش أحنا أتفقنا أننا اخوات.....وعمرى ما بأتعب من التفكير مع أى زميل فى مشكله .......لأن مع الفكر بتتولد نسب النجاح ( وده أكيد ........وبيستفيد الطرفان المفكران بدون أدنى شك )

يالنسبه للموضوع الي كان في المهاترات دي الموضوع انهي فعلاً من اخر مره كنا اتكلمنا مع بعض و لكن انتهي بعلاج التخشين فاهمني يا باشمهندس

أفهم من كده ......أنك حطيت على كل رجل من أرجل الكتاوت ......حتة شعره سلك تخشينه ( تمام كده ) لأن ممكن يكون حجم البوش كبير .....وملوش حل غير كده .....أو ضم النتايات ....................تمام كده

و يصراحة انا فكرت في تغير العلبه كلها لاقيت تمنها 1300 في التوكيل و حوالي 600 بالخارج فماذا تنصحني و العيب مختفي الان... ابقاء الوضع علي ما هو عليه و لا التغير الافضل ؟؟؟؟

لو أنت عملت زى ما أنا فاهم كده ...............يبقى كبر الليله وليبقى الوضع على ماهو عليه ..............وحاول برضه تجيب شريط شيكرتون مقوى من نوع نظيف ....وألزقه على الكتاوت من فوق مع أثنين جيرانه فى العلبه (علشان ماتسمحلوش بالأهتزاز مره تانيه .....ونكتم عليه .....فى وضع أتصاله الحالى )

انا امبارح غيرت توتال 5000 و الراجل في المحطه قالي سقطه علي 4500 ايه رايك في الكلام دا ؟؟؟
و سؤال اخر عايز اعرف رأيك في الموبيل اذا كان xhp و لا موبيل 1 ؟؟

مفيش مشاكل مع التوتال ................وبالنسبه للموبيل xhp سيبك منه .......والموبيل 1 كويس وحاليا بأستعمله ( بس علشان أنا ما بأستعملش العربيه كتير .....تقريبا حوالى 6000 كم فى السنه ............فناوى أغير المره الجايه لشيل المعدنى أن شاء الله .....على الأقل علشان أغير الزيت مرتين فى السنه )

علشان تعرف ان استحاله انا اكلمك و مقدرش مسألكش في حاجة يا باشمهندس عرفت ليه كنت متأخر عليك

الله يخليك يا مؤمن ...........وأشكرك على زوقك دا كله

و اسف للمره المليون لو كنت افتكرت اني نسيك يا باشمهندس

ياباشا على أيه .....مش أحنا أتفقنا أننا أخوات ..........وأنا مجرد بأضحك معاك والله ......علشان أنت راجل طيب ...............وأنا فعلا حسيت كده وأنا بأكلمك من أول مره أتكلمنا سواء.............وواضح أنك أنسان مرهف الأحساس جدا.........فتحياتى لك يا أخى الفاضل ......وأشكرك مره تانيه على الزوق دا كله

**momenhamdy** · 03-06-2009 05:01 PM

ربنا يخليك ليا و لكل اعضاء المنتدي الكرام يا باشمهندس سمير

بصراحة الواحد هنا في المنتدي بيقابل شخصيات بسم الله ما شاء الله
مفيش بعد كدا ...... و الغريب في الامر ان الناس دي ممكن تكون متعرفش بعض غير عن طريق موقع الكتروني الا انهم بيقدموا خدمات للناس و كأنهم يعرفوهم من ملييييييييييون سنة

انا شاكر ليك جداً جداً

انا كنت متأكد ان رأيك حيكون يبقي الوضع علي ما هو عاليه
و حضرتك الي انت كاتبته هو الي انا عملته مع الكتاوت بالفعل

و تقبل تحياتي

**momenhamdy** · 03-06-2009 05:04 PM

المشاركة الأصلية كتبت بواسطة mohamedfawzyhassan

ياباشا حضرتك اللى كلك زوق والله و ربنا يبارك فيك ...على فكره انا اخويا اسمه مؤمن زيك و انت برضه اخويا و كل اعضاء نايل موتورز اخواتى و زى ما قلت لحضرتك لو مش موجود فى اسكندريه ممكن تظبط معايا ابعتهولك عن طريق السوبرجيت مثلا

وده لينك شركه bp لو حد من الأعضاء عايز يعرف معلومات اكتر عن زيوت visco و خصائصها http://www.bp.com

الف شكر ليك يا استاذ محمد ........
و بصراحة يعني انا مش عارف اقول ايه و لا اكفأك ازاي عن الكرم الي ملوش حدود دا
و صدقني لو احتجت اي حاجة و الله حقول حضرتك و ارسلك علي الخاص

بس انا عرفت انت ليه عايز تخدمني الخدمه دي علشان اخو حضرتك اسمه علي اسمي صح ( مصالح مشتركة ) .......... ( بهزر معاك طبعاً )

وتقبل تحياتي اخي الكريم و الفاضل

**HRH_Sameh** · 04-06-2009 12:52 PM

موضوع جميل ومناقشة مفيدة
طيب ياشباب كام سؤال كده بالمره :

العربية شاهين 2004 : ماشية 45 الف كيلو

من ساعة ماجبتها (زيرو) من 5 سنين وشوية وفي التوكيل قالي تحط زيت إسو اكسترا الجركن الرمادي وتغيره كل 1500 كيلو ، وهو معدني 20w50 sf انا ماشي بيه ومابينقصش

هل الزيت ده كويس (أصلي مش لاقي حد بيتكلم عليه هنا في المنتدى!) مع العلم ان اسو وموبيل شركة واحدة (كله إكسون!) والا تنصحوني بحاجة تانية؟

هل أستمر عليه والا فيه زيت انسب منه للعربيه - مع العلم ان مشاويري حاليا قليله جدا جدا (6 شهور استخدام يومي اجمالي: 1200 كم بس)

وفي نفس الوقت اقصى مدة زمنية للزيت في العربية؟

آخر مرة حطبت زيت موبيل سوبر الأبيض أبو 65 جنيه من باب التغيير بس طلع كمواصفات هو والاسو اكسترا 20w50 sf واحد
المهم سألت الميكانيكي بتاعي عن زيت افضل للعربية قاللي التعاون الأزرق وبعد البحث وجدت انه 20w50 sj يعنى نظريا أفضل وأرخص بحوالي 15 جنيه
ايه رأيكم في الكلام ده وهل حد جربه ؟؟؟

بالمرة عربية لادا 2006 غاز طبيعي :

صاحبي بيحطلها زين كالتكس SAE 40 هل ده كويس والا ينصح بحاجة افضل مع العلم ان العربية دي تاكسي

**samirayad** · 04-06-2009 05:49 PM

آخر مرة حطبت زيت موبيل سوبر الأبيض أبو 65 جنيه من باب التغيير بس طلع كمواصفات هو والاسو اكسترا 20w50 sf واحد
المهم سألت الميكانيكي بتاعي عن زيت افضل للعربية قاللي التعاون الأزرق وبعد البحث وجدت انه 20w50 sj يعنى نظريا أفضل وأرخص بحوالي 15 جنيه

ايه رأيكم في الكلام ده

شوف يادكتور: الزيت موبيل سوبر الأبيض ( زيت زى متعدد الدرجات سوبر ديوتى sf بتاع شركة التعاون

).....وزيه زى الأكسترا بتاع أسو .....وبرضه زى ال هيلكس المتعدد بتاع شيل .....وبرضه زى الكوراتز 3000 بتاع توتال ......وزى ال سوبر 7500 بتاع مصر للبترول ).........بنفس الرينج 20w50 ......وعند المفاضله بين جميع هذه الأنواع يفضل أختيار الشركه جيدة السمعه ( وحضرتك اللى حتقولنا على أفضل السمعات .....بصفة التخصص ) لأن زى ماحضرتك عارف أن عملية تصنيع الزيوت اللى بيحكمها فى الأول والآخر هو نوعية الbase oil .....والأمانه فى خلط نسبة الأضافات ...................وعذرا أننى حولت الأتجاه نحو أستفسار من سعاتك

بالمرة عربية لادا 2006 غاز طبيعي :
صاحبي بيحطلها زين كالتكس sae 40 هل ده كويس والا ينصح بحاجة افضل مع العلم ان العربية دي تاكسي

طبعا ده زيت mono grade ......وأعتقد مفيش منه مشاكل غير مشكلة بدء الدواره ويجب عليه الأنتظار بعد الدواره قليلا ....لأن اللزوجه ثابته مع أحوال المحرك ....أمانا لأجزاء المحرك ....لأن واضح أن هذه النوعيه لاتحتوى على أضافة تحسين معامل اللزوجه viscosity index improver additive

**mentaloss** · 05-06-2009 08:09 PM

مفيش كاسترول castrol فى مصر

**Ghamrawy** · 06-06-2009 01:03 AM

المشاركة الأصلية كتبت بواسطة momenhamdy

الف شكر ليك يا محمد باشا علي مجهودك

بس بصراحة احنا عندنا مشكله في اسكندرية في محطات شيل و كارجاز

يعني توتال موجوده بالعافيه و الله

وتقبل تحياتي

مؤمن باشا فى محطة كارجاس فى سموحة : عارف الشارع اللى على ناصيته ماكدونلدز ؟؟ اللى على سور نادى سموحة ؟؟ ادخل الشارع ده و امشى لاخره و قبل ما تحصل الاخر ب 300 متر حاتلاقى على ايدك الشمال محطة كارجاس و فيها كل انواع زيوت bp و انا جايب منها مرة قبل كده
لو لسه مش عارف توصل ابعتلى تليفونك على الخاص و نتقابل و اروح معاك

**momenhamdy** · 06-06-2009 01:59 AM

المشاركة الأصلية كتبت بواسطة gemino

مؤمن باشا فى محطة كارجاس فى سموحة : عارف الشارع اللى على ناصيته ماكدونلدز ؟؟ اللى على سور نادى سموحة ؟؟ ادخل الشارع ده و امشى لاخره و قبل ما تحصل الاخر ب 300 متر حاتلاقى على ايدك الشمال محطة كارجاس و فيها كل انواع زيوت bp و انا جايب منها مرة قبل كده
لو لسه مش عارف توصل ابعتلى تليفونك على الخاص و نتقابل و اروح معاك

الله ينور عليك يا باشا .......... لالالالالالالا انا عارف الطريق دا كويس
بس عمري ما خت بالي من اسم المحطه و الدليل اني اعرف مكان المحطه دي ان دائماً بلاقي فيها عربيات تاكسي كتير اوي و كمان في مدرسة هناك و عيال رايحه و جايه و اشياء من هذا القبيل و دا الي بيخليني اخد بالي من السواقه اكتر من اني اشوف اسم المحطه ايه !!!!

ربنا يكرمك يا استاذي علي كرمك و ذوقك

وتقبل تحياتي

**didos323** · 06-06-2009 02:23 AM

الشل الالترا

**Mohamed.Fawzy** · 06-06-2009 10:50 PM

المشاركة الأصلية كتبت بواسطة mentaloss

مفيش كاسترول castrol فى مصر

للأسف مفيش بس اقرب واحد ليه فى مصر من وجهه نظرى هوا bp visco

الموضوع: Mobil 1 vs. Shell Helix Ultra

LinkBack

أدوات الموضوع

عرض

-

-

-

-

no -

المواضيع المتشابهه

بعد إستبعاد Mobil , الإختيار يبقي Shell وللا Total ؟؟

shell helix ultra

shell or mobil

زيت شل shell helix

نوع جديد من زيت Shell Helix Ultra

الكلمات الدلالية لهذا الموضوع

المفضلات

المفضلات

ضوابط المشاركة