الموضوع: تامر حسني...أرجوك اختار كلامك بحكمة...

المشاركة الأصلية كتبت بواسطة ashraf229

انا اللي غايظني انه ده يكون (نجم جيلنا) يعني أبائنا كان عبد الحليم بيغنيلهم (كفاية نورك عليا...و بيقولهم هأقول أحبك و أعيش أحبك و جبار ) و غيرها و ده أبو قمصان حرير و شوية شعر هوه نجم جيلنا.......أمال الجيل يبئى منظره ايه لما ده النجم بتاعه!!!! وحتى الأجيال من بعدهم.......فؤاد و منير و عمرو دياب و ايهاب و غيرهم.........عمرهم ما قالوا كلام مستفز كده......

أللي يغيظك كمان لما يعملوا معاه اي لقاء مثلا لما نزل الألبوم و اللقاء في قناة مزيكا او لقاءه مع عمرو الليثي في برنامج واحد من الناس على دريم.......و تسمع كلامه ان اهم حاجة في حياته امه و انه بيخاف عليها اكتر من نفسه و يكنلها كل احترام و تقدير و انها اغلى ما عنده لدرجة انه سبق و جاتله تهديدات بشأنها وانه ماشي برضاها و دعائها......كلام معسول و جميل....

وياترى هيه معجبه بأعماله دي!! و شافت كليب تاعبة كل الناس؟؟ و لا هو اي نصب و خلاص...كلمتين عن الدين و القرأن علشان نرضي المتدينين المحافظين و يقولوا تامر متدين و كويس..و كلمتين عن الأم علشان نرضي الجماعة بتوع المباديء و الأخلاق .... وكلمتين عن غزة علشان جمهورنا العربي الحبيب.....و أغنيتين من هنا و أغنيتين من هناك المهم انه خلاص بيلم ملايين و وصل أجره لخمسة مليون جنيه عن الفيلم الواحد........

أرزاق.....و عفوا لطلاب الجامعات و المعامل و الماجستير و الدكتوراه و العمال اللي بيشتغلوا في الشمس و الكناسين و غيرهم كتير اللي عمرهم ما هيأخدوا الخمسة مليون دول يعني خمستلاف ألف جنيه !!!!!!!!!!!!!!!!

يا تغني يا تلعب كورة ...........تاخد كام مليون كده وش.....................

حاجة تحزن ..................

يا باشا اللي عايشين في البلد دي هما اللي لابسين فوق الركبة ... يعني لعيبة الكورة و الرقاصات و الرقاصين لامؤاخذة