Octavia A4 Combi Vs KIA Cerato SX

**Migo123** · 02-08-2009 12:34 AM

عايز رأي الشباب في المقارنه دي
اوكتافيا طبعا مانيوال 2009ومثبت سرعه وسي دي mp3
فيها اير باج واحده .........
نفس سعر السيراتو الخليجي ستيبترونبك فتحه سقف ....... ولونها ابيض (تحفه)
كماليات وشكل لصالح السيراتو طبعا
بس هل ده يكفي للتضحيه بجوده السكودا
مع اعترافي بجوده كيا (المعقوله) وتفوق توكيل كيا بمراحل
حاجه تحير ............. مش كده ولا ايه ؟!!!!!!!!!!!!!

**Eslam.Elrefaey** · 02-08-2009 12:42 AM

ياأستاذ دى مش مقارنة نيو سيراتو إكتسحت خلاص

**Hosam_Optrawy** · 02-08-2009 03:43 AM

نيو سيراتو

**sasam6** · 02-08-2009 05:47 AM

الa4 شكل من سنة 1998 لكن السيراتو شكل جديد يخطف الانظار

**Migo123** · 02-08-2009 12:46 PM

المشاركة الأصلية كتبت بواسطة sharky

طبعا يا ماجد نيو سيراتو

حتى انت يا شاركي ...........

طب مش اللي يرشح حاجه يقول ليه بيفضلها ؟!!!!!!!!

**Migo123** · 03-08-2009 01:06 AM

مفيش ولا واحد يوحد ربنا بيشجع الاوكتافيا
خلاص بقت كخه
االفورتي كلت دماغ الشعب

الله يرحم .... من كام شهر........... كنت تجيب سيرة الكيا تلاقي 500 واحد بيتفذلكو ويقولك الجمله المحفوظه عربيه قطع غيارها غاليه ومش بياعه

طب انا برضه لسه بقول ان الاوكتافيا عربيه محترمه جدا
وبرستيج اعلى من السيراتو اللي هترطرط في الشارع كمان كام شهر (معلش بقه يا دكتره ........... بس هو ده اللي هيحصل :))
وعمر افتراضي اعلى
و معدل صيانه اقل (الاتنين متساويين اول 5 سنين مثلا)
ثبات اعلى
شنطه عملاقه
...... بس خلاص :)

ولاد الذين بتوع سكودا حاطين كل حاجه في العربيه
واستخسرو في الزبون يحطو مج هولدر واحد
حاجه تفرس

**Ahmed Samy** · 03-08-2009 03:53 PM

استاذ ماجد

المقارنة الحقيقة سهلة و مش سهلة

يعني ناخدها بالعقل ...

كماليات : السيراتو تكتسح طبعا
شكل: السيراتو تكتسح برضه مش في الحلاوة بس ....الشكل الجديد كمان
توكيل : أظن قريت موضوع نادر نبيل و مواضيع كيا
قوة : الأوكتافيا طبعا
ثبات : الأوكتافيا بس الفرق صدقني مش الكبير اللي يضايق أبدا
موتور : السيراتو

نيجي بقى للكلام بتاع القعدة الحلوة

ايه اللي يركبك عربية تابلوهها هو هو تابلوه البورا الكئيب و انت ممكن تركب عربية تابلوهها اشيك و أجدد؟

ليه تركب عربية انتاجها تقريبا دي أخر سنة ليه و قدامك عربية لسه طالعة بتقول ياهادي .

السيراتو ثباتها ممتاز و عفشتها الناشفة (اللي الناس ناصبة القعدة عليها) أنعم من بتاعة الأوكتافيا يعني ماعندكش مشاكل اساسا .

ده غير نقطة مهمة ..التوكيل و ما أدراك ما راحة التوكيل النفسية ؟!

بس نيجي للناحية التانية :

تسيب الأوكتافيا اللي لو دخلت في الحيطة تخرمها و تجيب عربية لعبة علشان شوية شخاليل ؟؟

ياااعمي ..احنا لسة عرفنا عن السيراتو حاجة ...بكرة تستوي و تبان عيوبها

طبعا لو فكرت تقارن من ناحية الصاج ....هاتجيب أوكتافيا

وسع الشنطة أوكتافيا (بس السيراتو مش ضيقة)

السيراتو دي هاترطرط كمان ست اشهر و هاتبقى ولا البومة (حقيقة للأسف)

الخلاصة

انت بتشتري عربيتين

واحدة اتصنع منها قرب المليون عربية (و نجاحها هو اللي شجع الشركة على مد الإنتاج) و شغالة زي الدبابة في كل الدنيا و شيك من بره و ثبات و اعتمادية و عمر طويل طبعا .

بس ما فيهاش اي ترفيه (فعلا يعني تركبها الصبح وانت رايح الشغل مش هاتحس بأي حاجة حلوة)

و عربية تانية ...كل نزلة الصبح هاتبص عليها ووشك يتفرد لما تركبها ....

فكر انت

**Migo123** · 04-08-2009 01:03 AM

كلام سليم جدا يا دكتور

بس موضوع ان السكودا مفيهاش اي ترفيه دي انا مش معاك فيها اوي
هي فيها كل حاجه .... الكومبيوتر بيعرض نفس البيانات الموجوده في السيراتو ويمكن اكتر بس بطريقه قديمه شويه .........وحدات رفع .......... ايرباج وايه بي اس ....... كاسيت سي دي باربع سماعات (النظام الصوتي مش حلو قوي بس شغال)......
ناقصه الجنوط و دي بسيطه
شكل التابلوه قديم فعلا ........بس بالنسبه ليه جديد لاني مركبتهاش قبل كده

انا اللي غايظني فعلا المج هولدر :)))

**Migo123** · 04-08-2009 01:10 AM

كلام سليم جدا يا دكتور

بس موضوع ان السكودا مفيهاش اي ترفيه دي انا مش معاك فيها اوي
هي فيها كل حاجه .... الكومبيوتر بيعرض نفس البيانات الموجوده في السيراتو ويمكن اكتر بس بطريقه قديمه شويه .........وحدات رفع .......... ايرباج وايه بي اس ....... كاسيت سي دي باربع سماعات (النظام الصوتي مش حلو قوي بس شغال)......
ناقصه الجنوط و دي بسيطه
شكل التابلوه قديم فعلا ........بس بالنسبه ليه جديد لاني مركبتهاش قبل كده

انا اللي غايظني فعلا المج هولدر :)))

الموضوع: Octavia A4 Combi Vs KIA Cerato SX

LinkBack

أدوات الموضوع

عرض

Octavia A4 Combi Vs KIA Cerato SX - انشر الموضوع فى :

-

-

-

سهلة و مش سهلة -

-

-

المواضيع المتشابهه

Cerato 2010 vs Octavia A4 (USED) 2006

caddy combi 3

caddy combi 2

caddy combi

Opel Astra Station Or Peugeot 307 SW Or Octavia A5 Combi

الكلمات الدلالية لهذا الموضوع

المفضلات

المفضلات

ضوابط المشاركة