الموضوع: رحله البحث عن السعاده(رينو العبور) دايما

رحله البحث عن السعاده(رينو العبور) دايما!>>>>>>>>>>>>>>>>>>>>>>>>>>>>>>>>>>>>>>> >>>>
و ها انا ذا رجعت رجعه المنتصر و ان كان انتصارا مؤقتا لحين الوصول للانتصار الكبير !
بعد انا حكيت عن مأساتى فى موضوع ( رحله البحث عن المتاعب (رينو المقطم) توبه!)
اخيرا احكى لكم عن ذهابى لمركز العبور و لقد تأخرت فى الكتابه اليكم لسبب حبيت اقيم العربيه بعد التصليح فاعطيت نفسى فرصه اكبر للتقييم واخيرا.....
قبل ذهابى الى مركز العبور كنت اتصلت بيهم و عملت شكوى لما حصل معى فى رينو العبور و اننى حاسس ان العربيه معدتش زى الاول و اللخبطه ديه كلها المهم قاللوللى حنبحث هذا الموضوع المهم توكلت على الله و ذهبت لمركز العبور من الصباح الباكر من المنصوره الى مركز الصيانه فى العبور كنت هناك الساعه 8:30 ص و دخلت ثانى عربيه فى المركز المهم قابلنى المهندس هيثم و هوا من الشخصيات المحترمه و ذى و جه بشوش سالنى فى ايه فى العربيه فقلتله( قاعده الموتور العلويه – طنابيرو تيل- سولون فالف للاوتوماتيك)سالنى عرفت منين قلتله انى كنت بعمل صيانه 60 الف من اسبوعين فى المقطم و عشان الحاجه ديه مش متوفره فقالوللى استنى لغايه متيجى و بعدين اتصلت ب16202 و قالوللى انها موجوده الان فجيت عشان اعملهم بس بصراحه انا مقدم شكوى عشان انا اصلا العربيه مكنتش مضيقانى قبل الصيانه و بعدين حسيت ان هيا مش مظبوطه بقيت بسمع صوت خرفشه خفيف و صوت رجه عند النقل فى الفتيس فرد عليا مسرعا و قالى ده سببه فعلا قاعده الموتور العلويه و فعلا السولون فالف قالى مضيقيش نفسك و كله حيبقى تمام قلتله هل تركيب السولون فالف عندكوا مفيش خبره فى تركيبه لان و انا هناك فى المقطم قالوللى ان عندهم احسن وان فيه واحد اسمه محمد كمال هوا اللى بيعرف يعمله فرد عليا و قاللى هنا احسن من المقطم و الشغل هنا كفائه عاليه و حتشوف الكلام ده طبعا انا كنت مضايق اوى بس بصراحه كلامه رايحنى اوى و قالى بس حضرتك حطول معانا النهارده لان شغل الاوتوماتيك بياخد وقت طويل و عملى و قت الساعه 4 امشى قلتله توكل على الله بس انا عايز اراجع على صيانه 60 الف عشان انا مش مرتحله رد و قال ده مينفعش بس اوعدك ان لو فيه حاجه فى العربيه بالكشف عليها حقوللك.
المهم كملت القعده فى المركز و استنى و استنى و شوفت العربيات اللى معروضه زى السيمبول و اللوجان و هاتك يا تصوير مالفاضى يعمل مصوراتى بس بصراحه المركز ده فرق شاسع بينه و بين المقطم نظافه ايه و هدوء ايه انا كنت قاعد براحتى هناك و الشاى و القهوه ورا بعض وكمان عملين اوتوبيسات دلوقتى تودى كارفور العبور و ترجع تانى مش المقطم الى القاعده فيه تجيب صداع من كتر الدق فى المنطقه و كمان تحس انك فى بطن الجبل بصراحه حرام جدا يكون مكان المركز بتاع رينو فى المقطم ياريت يشيلوه من المكان ده حاجه تتعب الاعصاب المهم ده مش موضوعنا دلوقتى انا من كتر القاعده زهقت كلمت المهندس هيثم و سالته اخبار العربيه ايه قاللى كله تمام بس على ميعادنا طبعا انا كان عندى ضيقه انى مش شايف العربيه فقلتله على المشاكل اللى قابلتنى فى المقطم و انى عايز اشوف العربيه و هيا بتتصلح ففى الاخر و افق و دخلت و شفت و هما بيركبوا الطنابير و بيزودوا ميه و كان فيه مسمار بلدى كان بتوع المقطم ركبوه اللى هوا بيمسك بين الاكصدام الامامى و شنب العربيه زى مبيقوله اظاهر كان بوظوه المسمار الفرنسى شكله عامل زى الكلبس لونه اسود فقاموا مغيرينه بمسمار بلدى مستعمل كمان اى كلام لاقيتهم من نفسهم من غير ماقول فى العبور غيروه المسمار ده بمسمار فرنسى زى اللى كان فيها و الله انا كنت مبسوط ان هما بياخده بلهم من حاجات الواحد مقلهمش عليها و كمان محسبونيش عليها فى الاخر هيا حاجات بسيطه اه بس بطمن الواحد اوى ان لسه في ناس عندهم ضمير فى عملهم و فضلت شويه كمان جوه متابع الشغل فى العربيه من غير محد يكلمنى فطلعت بره بعد ماطمانيت على الوضع العام و فعلا ارتحت راحه كبيره و قبلت واحد هناك اسمه احمد صالح كان شارى لوجان لسه ممشيتش غير 900 كيلو و جاى يزعق فى التوكيل عشان العربيه بتاعته التكييف عمال يشتغل و يطفى يشتغل و يطفى و الار بى ام برده بيطلع و ينزل فالراجل كان بيشتكى من ده و العربيه لسه جديده فقبل ميكمل كلامه هما قالوله اهدا ديه مشكله ان التكييف جاى مشحون بزياده و احنا حنحل المشكله ديه فى الضمان من غير ماتدفع ولا مليم و ارتاح و احنا حنعمللك كل حاجه انا اتصحبت على الشخص ده و هوا فعلا من الناس المحترمين جدا و عرفته بنايل موتورز وان من خلال هذا الموقع حيعرف كل حاجه عن عربيته و كمان اى نوعيه عربيات و كمان نصحته بعدم ذهابه الى مركز المقطم عن تجربتى الشخصيه مانا بصراحه بحكى كل الكلام ده عشان اقول ان التجربه اللى شوفتها فى المقطم العكس تماما فى العبور فى نهايه اليوم ندهللى المهندس هيثم و قاللى خلاص العربيه جهزت و كله بقا تمام و كمان حنعملك خصم 7 % فقلتله مينفعش اكتر شويه المهم زوده ل 9% بعد شرح الوضع لمهندس ثانى بس مش عارف اسمه ايه و بصراحه انا انبسطت اوى من هذا اليوم و لا حسيت بتعب و لا حاجه و استلمت العربيه بعد ماتغسلت مش زى المقطم اللى مفيش اى اهتمام بتاتا و لاقيت قطع الغيار القديمه كامله موجوده فى العربيه و كانت الساعه بقت الخامسه و النصف يعنى اكتر من الوقت اللى قاللولى عليه بس بصراحه و لا اتعذبت و لا كانت فرقه معايا هدوء جميل مكان فاضى جدا معامله و اسلوب فوق الممتاز و ده كفيل بمسح اى ذكره سيئه و كنت اتمنى ان تكون الصيانه ال60 الف كامله فى مركز العبور و ربنا يهدى الجميع
عمل هذه الاشياء اتكلف 2300 بعد الخصم ياعنى اتكلفت كله( صيانه ال60 الف +قاعده الموتور العلويه+الطنابير الاماميه+التيل الامامى+السولون فالف فى الاوتوماتيك +مصنعيات عمل هذه الاشياء)=4700 جنيه
وليا ملاحظه على النقطه ديه ان المبلغ المدفوع كتير و فى نفس الوقت اللى بسمعه عن سعر هذه العربيه فى المستعمل ضعيف اوى بالنسبه لامكانياتها و الفئه اللى هيا فيها ده سعرها فى المستعمل مقرب للالاكسنت القديمه و السوزوكى و شوفوا ده من ده حاجه تغيظ
بس اخيرا الحمدالله على كل شئ و انا مقتنع بما عملته فى العربيه و انشاء الله كله يبقى تمام و بعد تجربه العربيه الحمدالله زى الفل و معدتش مزعلانى و كله بقى تمام و رجعت زى الاول و احسن.......................................... ..
الانتصار الكبير عندما احصل على حقى كاملا من رينو المقطم و ما فعلوه بى