الموضوع: ساعتين فى رينو العبور

المشاركة الأصلية كتبت بواسطة tareksedra

ان شاء الله تعمل الصيانه بخير و سلامه و منتظرين تقرير مفصل

اشكرك على تمنياتك الطيبة
الحمد الله تمت الصيانة
قاموا بكشف كامل على العربية من ناحية السوائل و الكمبيوتر و الحمد اللة الفنى ابلغنى انه لايوجد اى اعطال او اخطاء فى تقرير الكمبيوتر الخاص بالعربية
و كمان كان عندى شكوتين الاولى خاصة بكاوتش حلق الباب الخلفى يمين كان بيقع من المنطقة العلوية (تم تثبيتة) و الثانية بخصوص تفعيل خاصيتين الاولى الخاصة بعمل الاشارة تلقائيا عند الضغط على الفرامل بشكل مفاجئ و قوى (تم تفعيلها) و الثانية خاصة بانذار الحزام للكرسى المجاور للسائق لكن دى للاسف ابلغونى ان الموديل بتاعى غير مجهز بالحساس الخاص بحزام الكرسى المجاور و لكنة موجودة فى اعلى فئة
الصيانة ما خدتش اكتر من ساعة و نص و استلمت العربية من الفنى بعد ما خرج معايا علشان يورينى انة تم تفعيل الخاصية الاولى

المشاركة الأصلية كتبت بواسطة chato_eg

ده من سوء حظى إنى ما أتشرفتش بمقابلتك
أنا رايح بكره إن شاء الله...:-)

يا باشا الله يكرمك و يبارك ليك فى عربيتك انا اللى كنت اتمنى اتعرف على سعادتك ربنا يوفقك بكرة ان شاء الله

المشاركة الأصلية كتبت بواسطة meso76

عقبال صيانة ال 100000
بس سؤال بسيط ، هو توكيل رينو بقى بيشتغل يوم السبت؟؟؟ انا كان معلوماتى انه اجازه جمعة وسيت وده كان احد اسباب تعاملى مع مركز خدمة الميكانيكيون العرب

اشكرك
التوكيل بيشتغل السبت بس للحاجات البسيطة يعنى مثلا كشف على العربية تغيير زيت لكن مافيش سمكرة و لا شغل كهرباء و لا اعمال معقدة لو العربية محتاجة

المشاركة الأصلية كتبت بواسطة heromiro

مبروك و ياريت أعرف حضرتك دفعت كام عاش أنا هرُوح الاسبوع الجاي وعندي نفس الكلام برده
هل تم تظبيط الكمبيوتر على ميعاد الصيانه المقبلة إن شاء الله اقصد الكيلو متر ؟
وشكرا

الله يبارك فيك
انا مادفعتش حاجة علشان دى الصيانة الفردية 5000 كيلو دفع الفلوس و تظبيط الكومبيوتر على الصيانة اللى بعدها بيبقى فى الصيانات الزوجية