الموضوع: فتيس اللانسر البوما 2007 1600

المشاركة الأصلية كتبت بواسطة conquer_3030

ياجماعه هو الاوتوماتيك فى البوما 1600 ليه ذاكره وهل تغيير السواق بيأثر عليه ؟

لإن انا العربيه معايا ماكملتش 20000 وبدأت أحس ان السحب بطئ على ال d وحتى ال ds مش زى الأول

فهل مثلاً تتغير السواق لإن اول ماحسيت الموضوع ده كنت مسافر وريحت فى السكه ووالدى ساق بعد ما بدلنا تانى حسيت ان الأكسيلاتير وطى وبقيت بدوس اكتر من الأول فهل مثلا عشان والدى سواقته خفيفه الكومبيوتر بيستجيب على قده
وهل ممكن اعمل ريست للذاكره بتاعة الفتيس وإزاى؟

وبعدين كلام الميكانيكيه دايما بيقولوا إن مشكله الأوتوماتيك إن تغيير الرجل عليه بيبوظه الكلام ده صح ولا ؟؟؟

والمهندس طارق فى موضوعه بيقول إن مافيش كيك داون فى البوما يبقى لازمة الزرار اللى تحت الأكسيلاتير إيه؟؟؟

معلش طولت عليكم وفى إنتظار الردود

بص يامان ممكن تكون اسباب كتير ونوعيه البنزين ونقاؤه سبب من الاسباب ديه
وممكن بدل ماتوهم نفسك روح التوكيل واعمل كشف واختبار على الفتيس
تغير الرجل على الاوتوماتيك مايبوظهوش الا مثلا لو انت سواقتك هاديه وجه واحد تانى
وحرق بيها جامد او ازيد من اللازم هو ده الى يبوظ الفتيس الاوتوماتيك
وخليك برضه فى انتظار باقى ردود الاعضاء الكرام
تحياتى

المشاركة الأصلية كتبت بواسطة ابو الوليد المصرى

انا كنت بحس بكتمة فى السحب لما كانت معايا العربية وكنت بلاقى الrpmعلى مرة واحدة وده كان بيأثر على السحب عشان كنت بضغط جامد على دواسة البنزين بس انا عرفت السبب فى ايه انا كنت احيانا بحط بنزين 80 لما كنت مابلاقيش 92 او 90 بصورة متكررة وده اثر على البيجوهات رحت مغيرها ولقيت العربية اتعدلت وعلى فكرة العربية كانت خليجى اوتوماتيك و عاملة 24000ك

الف شكر على الرد السريع

المشاركة الأصلية كتبت بواسطة MAX_PIN

بص يامان ممكن تكون اسباب كتير ونوعيه البنزين ونقاؤه سبب من الاسباب ديه
وممكن بدل ماتوهم نفسك روح التوكيل واعمل كشف واختبار على الفتيس
تغير الرجل على الاوتوماتيك مايبوظهوش الا مثلا لو انت سواقتك هاديه وجه واحد تانى
وحرق بيها جامد او ازيد من اللازم هو ده الى يبوظ الفتيس الاوتوماتيك
وخليك برضه فى انتظار باقى ردود الاعضاء الكرام
تحياتى

انا بحط بنزين 92 وماسمعتش ان حد شكى منه قبل كده بالنسبه للبوما بس هو فعلا والدى لما بيسوق بيحسس لكن طبعا انا لما بسوق بيركبنى خمسين عفريت لما الاقى حد لازق فى شنطة العربيه فا بغير لل Ds كتير وبشد كتير فهل ممكن يكون ده السبب
بس برضو لسه ماحدش جاب سيرة الريست لذاكرة الفتيس انا سمعت عن الموضوع ده بس معرفش إزاى ولا إيه فوايده بالظبط