بجد الناس بقت في ادني مستوياتها حتي لو راكبين عربيات ايه !!!
كنت ماشي في المريوطيه و الطريق واقف و جنبي ملف شمال لقيت اللي ورايا بيزمر جامد و مدي اشاره شمال !! انا واقف زي مانا ما الطريق واقف قدامي عمال يزمر فتحت الشباك و بصيتله لقيته بيقولي اتحرك قلتله اروح فين يعني ما العربيه واقف قدامي اهي قعد يزعق و يشتم !!! المهم الطريق اتحرك سنه بسيطه فتحركت و وسعتله شويه بردو مش جايباه قعد بقي يشتم و يقل ادبه قلت استغفر الله العظيم اللهم اغزيك يا شيطان و سكتت قام اتحرك هوا و حمل علي الاكصدام اللي ورا بتاعي بصيتله كدا و قلت الله يخرب بيت دي بلد و هنزل لقيت الوالده بتقولي معلش في داهيه و بسيطه !! قلت بلاش اعمل حاجه علشان الحجه معايا و سكتت المهم شتمت كدا اللي هوا حركت بوقي عشان امي متسمعش لقيته بعد ما العربيه المفروض تلف عادي جه ورايا و نزل جري من العربيه علي عربيتي و بيحاول يفتح الباب و انا كنت قافله قام خبط بايده علي الباب مرتين كدا جامد قوي هنا بقي سخنت قوي و قلت هيا خلاص طلبت خناقه و نزلت من العربيه و معايا خشبه كدا علي طول جنبي للمواقف دي و نزلت عليه و هوا طبعا بيحاول يمسكني و هنا الناس ادخلت و حاشتنا من بعض بعد ما هوا اتعور مش عارف فين بقي المهم انه كان بيجيب دم و مشينا و هوا ورايا طبعا و مستني الطريق يقف او كدا علشان نبتدي الخناقه من تاني !!! و تزنيق بقي و الكلام دا و في الاخر الطريق فتح و مشافنيش تاني



بجد انا اتخنقت قوي من الناس اللي في البلد دي ناس بجد في منتهي قله الادب و الانحطاط الاخلاقي


الهدف بقي من الموضوع انت معاك ايه اساليب حمايه في العربيه خشبه والا الافيه ولا الكتريك شوك و الا ايه ؟
صحيح انا عايز اشتري الكتريك شوك منين و بكام ؟