الموضوع: 10 جنيهات رسوما على المستقبلين والمودعين للركاب بمطار رقم (3)

الناس مصممة انها جباية
بالرغم من انه بيخصمها من اى حاجة بتشتريها من جوا
يعنى مش الهدف لم فلوس للحكومة

لكن الهدف نبطل الحالة الجنونية اللى بتحصل على ابواب السفر والوصول داخل المطار

ده المسافرين مبيبقوش عارفين يدخلوا الصالة ولا يخرجوا منها من الزحمة

المشاركة الأصلية كتبت بواسطة eng.osama.afifi

أنا لا أثق في الحكومة ... رغم إني متفق مع القرار مع التحفظ عليه

ما ممكن يعمله حد أقصى للناس إللي بتخش على البوابة ... يعني مثلا ... أقصى عدد لدخول المطار هو 3 أشخاص فقط تابعين لتذكرة واحدة

طيب ما برضه الفلوس ممكن ماتفرقش مع الناس المرتاحة ماديا ويعملوا إللي هما عايزينه ... والغلابة يتحرموا من الموضوع ده !

شوفتوا ليه أنا مش بأثق في الحكومة ولا في نياتها

و مين المسؤول عن تنظيم الموضوع ده و صباح القرف و العطلة لما الناس تقعد تترجاه و النبي يا ابني دخلنا ده ابن اختي و أول مرة يسافر يا كبدي و هكذا و هوه يرد يقول ((ممنوع يا ست)).....طبعا ما ينفعش و هتزحم المداخل أكتر و أكتر.........

و بعدين ياريت الأخوة اللي بيفتوا ان ده حرام و ما ينفعش و كده ظلم و حكومة مش عارف مالها و كده و بيقولوا ان ده ما بيحصلش في العالم كله معرفش بيجيبوا الفتاوي دي منين!!!!!!

أنا شخصيا جربت مطار أبوظبي اللي هما أغنى مننا بكتير جدا و معدهمش زحمة زي عندنا خالص و مطار دبي و مع ذلك انتظار السيارات بالساعة بفلوس عادي جدا و اكتر من الخمسة جنيه اللي بندفعها دي بكتير

و كذلك مطار الملك خالد في الرياض برضه في خدمات كتير بفلوس منها انتظار السيارات لو هتقف لساعات أو لأيام لكن مجرد انزال الحقائب و الوداع بسرعة عند الباب مجاني و الشيالين الهنود في مطار الرياض قمة البجاحة و البلطجة و لما يلاقيك مديله وش يعيش يعني شفت راجل معاه اسرته نزل شنطهم من العربية لجوة عند الميزان و معاه اتنين شالين و أدى لكل واحد 15 ريال و البهوات بكل تناكه بيقولوله زي كده قليل أوي و هما ما عملوش حاجة يعني شوفوا التلاتين ريال دول أصلا خمسة واربعين جنيه شوفوا كام روبية هندي يعني يصرفهم في بلده في أسبوعين هوه و عيلته لكن قلة أدب وخلاص و بجاحة لمجرد انه زقلك عربية لمدة دقيقة عالرخام الناعم و تلاقي أخوه في بلدهم شغال مزارع ولا موظف طول الشهر بيعزق و في الأخر بيأخد زيهم

المهم.................بلاش افتاء لأن أكيد أوروبا و أمريكا فيه رسوم و ضرائب برضه عالمطارات و الله أعلم..........

و السبب هوه فوضى الأمم اللي جايه تستقبل المسافرين و الله لو جاي من الحج ولا العمرة ولا جاي من الخليج من بعد شوقه!!!!!!

البلد كلها تجيله................

و عمار يا مصر