الموضوع: القصة ديه بجد .ولا واحد كان بيتغشلنى؟

المشاركة الأصلية كتبت بواسطة totty

بسم الله و الحمدلله و الصلاة والسلام على رسول الله اما بعد ........يا جماعه الموضوع ده عادى جدا لان العربيه دى تجميع مصرى المشكله ان العربيات المصرى فيها مشكله فى الموضوع ده بالتحديد لان فيها حاجه زى ماتقولوا كده بتهرب و الموضوع دا حصل معايا انا معايا عيون 200 موديل 2002 بس هى عملت معايا حركه تانيه خالص الفتيس ماكنش بينقل اكتر من نقلتين يعنى الاول والتانى واقصى سرعه كنت بامشى بيها كانت 40 كم ولما اتصلت بواحد صاحبى بتاع الصيانه قاللى ما امشيش بيها على سرعه علشان الفتيس مايتحرقش المهم شيلت العربيه و كنت خايف جدا و لما حطيناها على الكومبيوتر لقيناها موقعه سيستم ولما سألت ليه قالى لان المصرى بيهرب سيستم لان التوصيلات مش مظبوطه ......خسارة عربيه رائعه زى دى لكن التوكيل بتاعها مؤرف

بجد ؟
انا كنت حروح اضرب الواد صحبى ده

المشاركة الأصلية كتبت بواسطة كبوس الليل

ولازم لما تحط بنزين تعمله install:b4_592:

بس لو البنزين مش أصلى لازم تعمله كراك و سيريال ...

ولا عزاء فى المرسيدس الله يرحمك يا مرسيدس كنتى بنوتة حلوة وانتى صغيرة ووالدك صاحب النجمة الفضية كان محترم واحنا للاسف يا مصرين بوظنا العربية وسلملى على البامية

المصرين اهما ...
المصري هو المصري .. مهما حصل ... حتي مرسيدس باظت علي ادينا

المشاركة الأصلية كتبت بواسطة Ghost2

ايه يا جدعان انت شديتو على المرسيدس كده ليه ... ما شاء الله يعني العربية ماشية من 1976 وزي الفل محدش اشتكى ... بس التقفيل المصري عيوبه مش زي الصيني يعني .. برده دي مرسيدس ... وعموما ممكن برده متكونش اشتغاله وفي مكتب انقاذ سريع على الطرق ممكن يكون بيغطي طرق معينه .. واطبخي يا جارية كلف يا سيدي .. وايه المانع ... انا ياما اللامبورجيني عطلت مني وكنت علطول بتصل بالنقاذ النهري ... يجي ساعتها الحمار ابو دورين يشدها لحد الزريبه ... اروح اشربها اللبن .. وتبقى كل حاجه زي الفل

جدع
وبتاع الحمار جيه بسرعة ولا اتاخر زى كل مرة ؟
معلش هيا الاللامبورجيني اعطلها كتير انا مجرب وعارف

المشاركة الأصلية كتبت بواسطة totty

بسم الله و الحمدلله و الصلاة والسلام على رسول الله اما بعد ........يا جماعه الموضوع ده عادى جدا لان العربيه دى تجميع مصرى المشكله ان العربيات المصرى فيها مشكله فى الموضوع ده بالتحديد لان فيها حاجه زى ماتقولوا كده بتهرب و الموضوع دا حصل معايا انا معايا عيون 200 موديل 2002 بس هى عملت معايا حركه تانيه خالص الفتيس ماكنش بينقل اكتر من نقلتين يعنى الاول والتانى واقصى سرعه كنت بامشى بيها كانت 40 كم ولما اتصلت بواحد صاحبى بتاع الصيانه قاللى ما امشيش بيها على سرعه علشان الفتيس مايتحرقش المهم شيلت العربيه و كنت خايف جدا و لما حطيناها على الكومبيوتر لقيناها موقعه سيستم ولما سألت ليه قالى لان المصرى بيهرب سيستم لان التوصيلات مش مظبوطه ......خسارة عربيه رائعه زى دى لكن التوكيل بتاعها مؤرف

اللي حضرتك بتقوله ده معناه ان العربيه كانت ماشيه على حاجه زي( emergency mode)و ده معناه ان العربيه حاسه ان فيه حاجه غلط و بتمشي بالطريقه دي مؤقتا لغايه ما العيب يتصلح. مثال تاني على الوضع ده ان العربيه تحس ان فيه حاجه غلط في دايره التبريد فتلاقي المروحه شغاله على طول من غير متفصل حتى تصليح العطل.