عايز متخصص ضبط كاربراتير في المعادي

**dr_abooody** · 04-08-2009 06:42 AM

معايا 128 مو 85 المهم العربية يشم فيها ريحة بنزين دة غير انها بتقطع زي ما يكون بوجيهات محروقة

المهم فكينا البوجية لقيناه اسود مهبب

الراجل قالي انها كدا عايزة متخصص كاربراتير عشان يشوفة و ممكن تكون محتاجة اكس و باب و عوامة

المهم انا ساكن في المعادي

حد يعرف متخصص في ضبط الكربراتير يكون في المعادي او حلوان

**lada2010** · 05-08-2009 12:21 AM

بص من النهاية الكرباريتر عندك لايتم عملية الجريق عايزاعك القديم الحل شوف اى حد عندوا تاكسى 28 وهيكهين وفى منة كتير اوى وخد منة الكرباريتر واعطاة لة الكرباريتر بتاعك بلاش تروح لحد لانة هيضبطوا ويرجع يرود تانى

**faron525** · 05-08-2009 03:52 PM

نصيحة ومن الاخر مفيش حاجة اسمها الكربرتير يتصلح لان التصليح ده زي المسكنات الافضل جيب واحد استيراد

**aYaBooY** · 05-08-2009 04:39 PM

الكربرايتر بيبوز مع الزمن طبعا موضوع تشوف تاكسي هايتكهن ده فكرة فيها مخاطرة علشان 90 % هايكون التاكسي متبهدل من ساسة لراسة و عموما كربراتيرات الـ 128 مالية الدنيا
انت حلك تجيب واحد استيراد في حدود 120 و ممكن تفاصل شوية او تجيب واحد جديد تركي بـ 270
بس موضوع اكس وباب منصحكش بيه هو هيكلف 80 جنيه بس الاكس و الباب الاصلي بتاع اي كربرايتر بيكون صلب مقوي
و الي بيعملة خراط الكربرايتر بيكون نحاس طري يعني عمرة الافتراضي قصير و بالتالي بيرجع يبوز بعد فترة قليلة