عايز متخصص عشان عايز اسقط متور للعربيه بس مش بتاعها

**alpoka779** · 26-09-2012 07:36 PM

عايز متخصص عشان عايز اسقط متور للعربيه بس مش بتاعها وفيها تغيير قواعد

**egyptiandiver** · 27-09-2012 12:16 AM

إيه هي عربية حضرتك و ناوي تسقط موتور إيه؟ حضرتك مش موضح أي حاجة ...ازاي أي حد يرد عليك و مفيش معلومات موضحة أي حاجة أصلاً؟

**alpoka779** · 27-09-2012 07:48 PM

انا كنت بسال من حيث المبدا عشان في ناس قالت انو مشروع فاشل ما دام فيها تغيير قواعد وعمر العربيه مهتتظبت وكمان قالو عشان المرور مش بيرخص عربيه مغيره قواعد ايه راي حضرتك

**opelawy** · 28-09-2012 03:25 AM

القانون المصري يمنع تركيب موتور عربية علي عربية موديل تاني
هيقوللك امن و متانة

**ehabouf** · 28-09-2012 06:24 AM

1- الموتور لازم يكون ماركة العربية 2- ماتزودش قواعد للموتور 3- ماتسيبش قاعدة موتور ماتستخدمهاش 4- ماتنقلش قاعدة من مكانها المووع الي كان بيتعمل زمان انك تقدم طلب بإنك مش لاقي موتور للعربية فايسمحولك بموتور عربية تانية اتمنع بقاله اكتر من اربع سنين

**alpoka779** · 28-09-2012 07:11 PM

يعني حتي لو مش لاقي موتورها

**ehabouf** · 02-10-2012 05:23 AM

مش لازم يكون نفس موتور العربية
يعني مثلاً لو معاك عربية ميتسوبيشي (اي موديل واي سنة انتاج) تقدر تركبلها اي موتور ميتسوبيشي (بتاع اي عربية غير عربيتك) بشرط يكون يركب على نفس القواعد

**alpoka779** · 02-10-2012 08:09 PM

طيب لو هنغير في القواعد
لاني شفت اسبرانزا راكب عليها ميتسوبيشي وكمان اسبرانزا راكب عليها جولف وده كان مغير في القواعد

**ehabouf** · 05-10-2012 03:04 AM

اسبرانزا وراكب عليها متسوبيشي ممكن لأن موتورها اصلاً كده لكن جولف من رابع المستحيلات تتسجل في الرخصة - في ناس بتغير موتور وتحتفظ بالقديم من غير ماتبغ الموتور ووقت الفحص بيركب القديم يفحص بيه
تغيير القواعد رسمي مش ممكن لكن لو تعرف موظف الفحص وتتفق معاه مسبقا (لأنك ماينفعش تروحله فجأة بمصيبة زي كدة عمره ما حيعديها) ممكن تمشي بس حط في اعتبارك ممكن في اي فحص تالي تتكشف ووقتها ماعرفش قانونأ يالنسبالك حايحصل ايه بس اكيد موظف الفحص الي عداهلك حايتحول للنيابة الإدارية