الموضوع: رأيي في موضوع تأخير التسليم

السلام عليكم و رحمه الله
اللي هاكتبه ده لا مهاجمه للتوكيل و لا هو هايبقي دفاع عن حد انما من واقع شغللي في مجال الاستيراد ممكن اتوقع و أحصر سبب تأخير تسليم موديلات السيراتو في نقطتين
الاولي:
ان التوكيل بيدي لنفسه فتره كافيه و مهله انه يخلص من انتاج الشركه اللي عنده من الشكل القديم و يبدو ان المستهدف او المتوقع كان غير سليم فهو مستني الوصول لليميتد معين و بعدين يفتح استيراد النيو سيراتو ..
بدليل ان في ناس كتييره من اللي حاجزين النيو سيراتو او اللي كانو بيفكروا فيها اتجهوا لشراء الشكل القديم منها عشان تسليم فوري و في ناس تانيه اتجهت لموديلات تانيه اصلا ..وده طبعا يعاتب عليه مسئولوا مبيعات الشركه و اللي لازم م\خالد نصير او م\طارق اللي قايمين برئاسه مجلس الاداره مجازاه الناس دي بل و لو قدروا يقيلوهم يقيلوهم
و كلنا شايفين الفرق بين اسلوب مبيعات النيو سيراتو و اسلوب مبيعات اعتبره اكبر منافس ليها الفتره القادمه و هي الشيفروليه كروز ...فتوكيل المنصور اكتفي بكم كبير جدا من الاعلانات مع الحفاظ علي السياره من الموزعين الخليجي فبرغم انها نزلت بالفعل بره انما ماشفنهاش اكتسحت زيها زي السيراتو (ومش هانضحك علي نفسنا و نقول ده لان السيراتو احسن) ممكن بالفعل تبقي افضل و انا عن نفسي احبها اكتر من الكروز نظرا للفروق السعريه و الكماليات اللي سبق و الاخوه احمد سامي و احمد اسماعيل و غيرهم من فطاحل المنتدي اتكلم عنها انما في الاخر برضه يرجع لقبضه منصور و تحكمه بسياراته,,,,بعكس السيراتو لو لاحظنا مالهاش اعلانات تذكر سواء في اخبار السيارات او الاهرام الاسبوعي .
الثاني:
انه طبعا في مصلحه الوكيل نزول اكبر قدر ممكن من النيو سيراتو في السوق بدون ضمان طبعا عشان مبيعات قطع الغيار و الصيانات الدوريه و الكلام ده و ان كنت حاسس بضعف السبب ده لانه اظن ان توكيل الكيا اكبر من كده بس ده ما يمانعش (زياده الخير خيرين)
و مستني ردودكم و مناقشتكم و تحياتي





اللون الاحمر مخصص للمداخلات الادارية فقط
______________

مشرف القسم

المشاركة الأصلية كتبت بواسطة ahmed samy

نقطة مش فاهمها في الموضوع الأصلي




ازاي منصور يقدر يحافظ على العربية من انها تنزل خليجي؟؟؟

و يمنع واحد زي سمير ريان أو جابر عبد الشهيد انه يشتريها من الوكيل في السعودية أو الوكيل في الكويت ؟؟

و تفضيل السيراتو على الكروز (معلش هانضحك على نفسنا شوية) مش من باب انها أحسن و خلاص

أنا شفت لاسيتي (اللي هي هي الكروز ) وكانت نازلة كاملة و شوف رأيي في الموضوع ده

دايو لاسيتي الكاملة .....تمسح السيراتو ...مسح

يعني الكروز مش أوحش من السيراتو علشان هي وحشة وخلاص لأ

منصور ماقدرش يلعب لعبة نصير و ينزل العربية بخيرها و بسعر ممتاز برغم اللي مستكترينه بس هو ممتاز فعلا

ممكن تكون الخليجي ما بتنزلش لأنها مش هاتنزل بالموتور القديم بتاع عربية منصور و هاتنزل بموتور تاني فمش هاتمشي مثلا ؟؟؟

مش عارف بس الفكر اني عايز أفهم يعني منصور حكم قبضته على الخليجي!!!!!!





هي عايزة اعلانات

أنا توكيل عنديعربية بتبيع نفسها بشكل متفوق

و عندي عليها حجوزات لست شهوووووور قدام

و الناس بقت بتشتم و تلعن المبيعات انهم ما بيسلموش

و الانتاج أساسا بيغطي الطلب العالمي بالعافية

و الخليجي على رأيك شغال و بياع على ودنه و كله بيصب في الصيانة (وصيانة الخليجي غليت على فكرة) يعني فعلا بيستفيد من نقطة الانتشار دي

يبقى أصرف مليم واحد على الإعلانات ليه ؟؟؟

اولا كل عام و انت بخير
ثانيا مشكور المرور
بالنسبه لنقطه ( ازاي منصور يقدر يحافظ على العربية من انها تنزل خليجي؟؟؟)
بص يا اخي الفاضل انا راجل شغال في مجال الاستيراد من اكتر من 7 سنين و في طرق كتييره جدا أقدر اتحكم بيها في السوق كوكيل مع الموزعين و المعارض بتاعتي فعلي سبيل المثال لا الحصر
اولا وديا بمعني اتفاق بين منصور و المعارض انها ما تنزلش خليجي مقابل تسهيلات او اولويات في تسليمهم للكروز ..او سياسه شد الودن لانه ممكن يمنع انه ينزل عربيته انها تتعرض في المعرض ده من الاساس و يا ريت كلنا ما ننساش مين هو منصور و كيانه الاقتصادي في اللبلد ..
طبعا كل دي احتمالات من وجهه نظري و مش شايف غيرها حتي الان لعدم نزول هذه السياره خليجي بمصر حتي الان برغم نزولها بره من شهر 6-2009
وعامه السوق كبير و ماحدش يعرف خباياه

بالنسبه لنقطه ان ( يعني الكروز مش أوحش من السيراتو علشان هي وحشة وخلاص لأ) ما حدش قال ن الكروز وحشه اصلا كل الفكره ان السيراتو تتميز في نقطه ان الاوبشن بتاعها اكتر من الكروز اللي في نفس الفئه السعريه ليها ..
و اخيرا تقبل تحياتي