تعديل الماروتى

**Ahmed Galal** · 24-03-2010 12:35 AM

المشاركة الأصلية كتبت بواسطة powerofhelll

ممكن حضرتك تبيعي العربيه الماروتي و بالفرق الي هتدفعيه في الموتور التاني والتركيب و القرف الي هتشوفيه عند الصناعيه و تشتري العربيه التانيه و ممكن توفري كمان

كلام مظبوط

**sa3dawy** · 24-03-2010 08:54 AM

على فكرة بجد فكرة تسقيط المواتير فكرة مثيرة ومغرية
انا مثلا الياريس بتاعتى 1300 بس شوفت منها بره 1500 وشوفت 1800 كمان والصراحة ال 1800 دا كان مغرى جدا لانه 138 على وزن وخفة الياريس هتبقى طلقة وهو بينزل فيها بره ستوك اساسا وبيدى تسارع 8.1 ثانية يعنى ماشاء الله تسارع عالى جدا ويعتبر زى الجولف 6 التيربو ال 160 حصان الجديدة

بس المشكلة فين الموتور ونوعه ايه
المهم اول حاجة زى ما قال الزملاء الواحد يشوف اذا كان الموتور بينزل فى عربيات موجودة فى مصر عشان تلاقيه اولا بسهولة وعشان يتعمله صيانة وكده

المتور ال 1800 الى كان فى دماغى بينزل فى الكورولا من 2002 الى 2007 يعنى الشكل الى فات ودا فى الخليج كان موجود على طول

لكن فى مصر عشان نظام الجمارك طبعا مش موجوده العربية وبالتالى الموتور اعتقد موصلش مصر اساسا

نزلت بطموحاتى شوية هههههه وقلت 1500 برده هيبقى تطور
و 105 حصان احسن برده من 86 حصان
و 9.5 ثانية كتسارع احسن بكتير من 11.5 ثانية

الموتور دا طلع موجود وسهل الحصول عليه
وموجود كمان اساسا فى التوكيل لانه بينزل فى الافانزا 1500
والياريس الخليجى زى ما انتم عارفين بتيجى 1500

بس لما بحسب المسالة تتكلف كام
وافضل اتخيل ان انا هعمل اللعب دا كله فى العربية
بدات اقلق على العربية وعلى مقاييس الامان وكده
مهما كان الواحد مش ضامن الى هيسقط الموتور
انتوا عارفين لو التوكيل يعمل الخدمة دى وبسعر طبيعى يعنى زى البنى ادمين ههههه يبقى تمااااام جدا

الحل بقى انك بعد ما تسقط الموتور وكده تكشف على عربيتك فى التوكيل
واى خلل هيبان هناك وممكن تصلحه
بس طبعا الى يعمل كه فى عربيته هيكون طلع من الضمان

عموما اساسا بضمان من غير ضمان التكلفة واحدة

حوار الفتيس دا كمان الى رخم
انا معرفش فيها تغيير فتيس والا لا
بس غالبا دايما الموتور بيبقى بالفتيس فى الغالب ومش عارف ايه الحالات الى مش نحتاج نغير فيها الفتيس ؟؟

فى ناس بتقول الفرامل والعفشة وان العربية مش هتستحمل وكلام كبير
ودى انا شايف انها مبالغة

يعنى فى حالتك مثلا من 800 الى 1100 سى سى معقول جدا وعادى
انتى يعنى مش حاطه 1600 والا 2000 عشان نوصل لدرجة ان احنا نغير كل حاجة

واساسا هتلاقى عربيتك بتنزل بره بمواتير اعلى

فى بقى ان الواحد يبيع عربيته
ويشترى العربية الى فيها الموتور الى هو عاوزه
ويدفع الفرق

وغالبا ممكن توفرى اكثر فى الحالة
وهتشترى دماغك كماااان جدا

**M_Nabil** · 24-03-2010 12:27 PM

هيه الناس دلوقتى بقت بتسقط عشان التكييف!!

**atefadel** · 24-03-2010 01:06 PM

انا كتبت رد بخصوص تركيب التكيف
هل المشرف مسحة ولا اة الي حصل

تم نقل المداخلة الى القسم المناسب

مشرف القسم

**M_Nabil** · 24-03-2010 02:35 PM

المشاركة الأصلية كتبت بواسطة atefadel

انا كتبت رد بخصوص تركيب التكيف
هل المشرف مسحة ولا اة الي حصل

والمشرف هايمسحة ليه بس ممكن تكتبوا مرة ثانية

**atefadel** · 24-03-2010 03:26 PM

المشاركة الأصلية كتبت بواسطة m_nabil

والمشرف هايمسحة ليه بس ممكن تكتبوا مرة ثانية

طلع انة نقلة:pointi~2[2]::pointi~2[2]:

**atefadel** · 24-03-2010 03:10 PM

المشاركة الأصلية كتبت بواسطة atefadel

انا كتبت رد بخصوص تركيب التكيف
هل المشرف مسحة ولا اة الي حصل

تم نقل المداخلة الى القسم المناسب

مشرف القسم

معلش يعنى اة القسم المناسب
الي انا كتبتة كان رد علي ان الانسة عاوزة تركب تكيف
و انا قلت تجربتي و راى
و المفروض حضرتك تقولي فين القسم
علشان اتابع الموضوع
و شكرا د.عاطف

تم نقل المشاركات الى الموضوع التالى:

http://www.nilemotors.net/Nile/135768-2008-4-a.html

اللون الاحمر مخصص للادارة, يرجى مراجعة قوانين المنتدى

مشرف القسم