شكرا يا باشمهندس على المساعدة عند سؤال
رأى حضرتك فى الرومستر ايه و هل جميع قطع الغيار متوفرة ولا فى مشكلة فى الموضوع ده
و هل فيها عيوب فى التصنيع أو مشاكل زى كومبرسور ال ايه 5 مثلان
و رأى مالكى العربية فيها ايه
عرض للطباعة
شكرا يا باشمهندس على المساعدة عند سؤال
رأى حضرتك فى الرومستر ايه و هل جميع قطع الغيار متوفرة ولا فى مشكلة فى الموضوع ده
و هل فيها عيوب فى التصنيع أو مشاكل زى كومبرسور ال ايه 5 مثلان
و رأى مالكى العربية فيها ايه
طب عندى سؤال لو سمحت
انا عربيتى octavia a5 2009
لو ركبت فلتر اسبورت العربيه هتخرج من الضماان و لا ايه
انا استلمت فانتازيا في شهر ابريل
وعاملة دلوقتي 4 الاف كم
معاد اول صيانة امته من فضلك؟
وهل مركز عقل على طريق طنطا المحلة مركز معتمد لسكودا ام لا؟
ولك جزيل الشكر
وكل عام وانت بخير
أسكودا A4 موديل 1999
هل يوجد منها 1800cc ؟؟
حضرتك شغال فى أنهى توكيل ؟؟
قطع غيار أوكتافيا a4 موديل 1999 & 1800cc متوفرة بالتوكيل ؟؟؟
السلام عليكم
ازيك يا بشمهندس كل سنه و حضرتك و الناس كلها بخير باذن الله.
انا ليا سؤالين اولا انا عندي اوكتافيا مصري 2008 ايه 5 و ماشيه 6000 ك في التوكيل قالوولي هاتها اول صيانه عل 10000 . من ساعه ما اخدت العربيه و انا مش مبسوط من قوه التكييف بتاعها . كلمت التوكيل قاللي ابقى خليها في الصيانه نكشفلك عل الفلتر .. انا مش مقتنع بالكلام ده .. يعني امشي 10000 عل ما الصيف يخلص اروح اقولله غير الفلتر و ابق اجرب الصيف الجاي ؟ ايه في رايك الحل و ايه احتمالات الموضوع ده؟
ثانيا كنت عاوز اعرف الطريق المثلى لتغيير الفتيس يعني لما يبق الاربي ام عل كام اغير ؟ في ناس بتقوللي ريح النقله عل 2.5 لحد 3 و ناس بتقوللي لا اقرص و عدي الاربعه ؟ ايه رايك ايه الانسب للعربيه و اللي يحافظ عل الموتور و يطول عمره ؟
يطولنا في عمرك و رمضان كريم
ازيك يا بشمهندس انا قريب من مركز الي علي طريق طنطا المحله مواعيد العمل ايه في رمضان وانتو بتقبلوا الخليجي ولا لا واخبا الاسعار ايه يا عني اععمل حسابي علي اد ايه كده مع العلم مش حاسس بيها في مشاكل بس عاوز اكشف عليها
انا ضبطت عافشة العربية بتاعتي ال a4 المهم غيرت بارات الدركسيون بالبيض بتاعهم و غيرت جلب المقصات وغيرت البطاحات بعد كل ده لقيت حاجة غريبة وهي انه الدركسيون بتاعي بقة فيه بوش خفيف كدة بحس بيه لما باخد مطب او ادوس على زلط او طوب انه الدركسيون عايم مني وبيلف غصب عني لما بدوي على زلط او طوب ..ايه حل الموضوع ده يا باشمهندس؟
هل ممكن نعرف اسعار قطع غيار الفابيا مينى الجديدة
مثل المساعدين (امامى و خلفى) - السوست (امامى و خلفى) - الفرامل (امامى و خلفى)(تيل و طنابير) - فلتر الزيت -فلتر الهواء - فلتر البنزين - فوانيس (امامى و خلفى) - المرايات الخارجية - اكصدام امامى و خلفى - طلمبة الميه - طقم الكاتينة - سير الدينمو - سير التكيف - البوجيهات
انا عارف انى بسأل على حاجات كتير بس العربية فى دماغى و بفكر اشترى و كنت عاوز اعرف اسعار قطع غيارها و شكرا لتعبك
بعد ازنك يا باشمهندس يووسف انا معلش تاعبك معايا انا خلاص عملت المشكله اللى كانت فى العربيه لما حطيت 8 كيلو زيت غيرت طلمبه زيت وظبطت الرشاشات وكله تمام وخد الميكانيكى 750 جنيه وهو اللى جاب كل حاجه المهم حصلتلى مشكله تانيه بس مش لاقى ليها حل لحد النهارده بقالى اسبوعين اهو ونا ماشى العربيه وقفت منى مره واحد مش عايزه تمشى اديها الغيار الاول مش عايزه حاولت كذا مره مش عايزه لحد ما اديتها الغيار ورا مشيت وبعد كدا اديتها غيار االاول لقيتها مشيت المهم روحت للميكانيكى بعد الفحص قالى ده الفتيس فيه مشكله وفعلا فكينا الفتيس لقيناه فعلاً فيه زى خبطه كدا فى الحله بتاعته وبيعض لما بتيجى تحركه بأيدك بيلف حلو ويجى عند حته معينه وتلاقى مش عايز يتحرك قعدت ادور فى حرفيين السلام مش لاقى فتيس زييه مع العلم انها اوكتافيا a4 موديل 2000 لو تعرف حد اروح اشوفه عنده ويكون بكام وهل لو فى التوكيل يكون الفتيس بكام معلش طولت عليك انا زهقت من العربيه ديه خلاص
انا عندى سكودا ايه فور عاملة 1500 كيلو بحس بدبة خفيفة فى العربية من الخلف لما باخد مطبات هوا
سلام عليكم,
لي استفسار عن المحرك ال 1200 سي سي htp سواء ال 6v أو ال 12v.
المحرك دة بينزل في الفابيا.
هل يوجد أي مشاكل شائعة عنه ؟ هل صيانته سهلة ؟ هل قطع غياره متوفرة؟
شكرا
salamo alikom
i need octavia A4 in range 60.000
anyone can help ?
preferred to be from Tanta
thnx
يا عم المهندس يوسف شكله نسينا ولا بيتكبر علينا مدام هو مش فاضى للموضوع ده المفروض الاداره تلغى الموضوع ده مش اسمه كلام ده والله الواحد عشان يعرف حاجه يفضل قاعد باالاسبوع عشان يعرفها ويمكن اكتر كمان
الاول ربنا يباركللك فى العربية . ميعاد اول صيانة المتعارف عليه 10000 كيلو. وكل 10000 كيلو ان شاء الله يعنى 20000 30000 وهكذا.
بالنسبة لموضوع التكييف . هوا الحق يتقال تكييف العربية شويا ضعيف بس مش ضعيف اوى يعنى بس ضعيف بالنسبة لعربيات كتير اولهم ال a4 .لو هوا ضعيف بشكل مستفز يعنة يبقى ممكن الكمبروسور فيه حاجةوروح التوكيل عادى وقلهم عايز اكشف على التكييف مش لازم تستنا لما الصيف يخلص يعنى.
موضوع النقلات بقى يا سيدى . الكلام بتاع انقل على 2.5 3 دا بيريح الفتيس جداً بس انا من النوع اللى بيقوول انت راكب عربيا مش علشان تمشى حمب الحيط الحقيقة :) انا بحب الجرى والقرص وعن تجربة مفيش مشاكل شوفتها كتير من a5 مانويل . يعنى طير يا معلم وربنا يكفينا شر الطريق .
(أولا) شكرا للمهندس يوسف على مبادرته التطوعية .. جزاك الله خيرا
(ثانيا) أرجو اننا لا نأخذ الموضوع بحساسية عند تأخر أحد الأعضاء في الرد لأن كلنا هنا بنقوم بعمل اختياري غير مفروض علينا و لا نتقاضي عليه أجر الا من الله (حسب النية) و مشاغل الحياة كثيرة قد تمنع من التواصل لفترة تطول و تقصر.
و أنا طبعا مقدر انتظار واحد عربيته بايظه و دي طبعا عطله و لبخه جامده بس .. الصبر جميل
(ثالثا) لدي استفسارين بخصوص ال بلو تووث
1. طرحته للمشاركة في موضوع بعنوان "البلوتوث في أوكتافيا الجديده"
http://www.nilemotors.net/Nile/93320-a.html
2. طرحته للمشاركة في موضوع بعنوان "New Octavia: Bluetooth Audio "
http://www.nilemotors.net/Nile/93330...oth-audio.html
انا عندى سكودا ايه فور عاملة 1500 كيلو بحس بدبة خفيفة فى العربية من الخلف لما باخد مطبات هوا
يا باشمهندس، عندي مشكلة، إمبارح مؤشر الحرارة نور بعد لما إتحركت بدقائق مع إن مفيش ماية ناقصة ولا حاجة وبعدين طفت. وبعدها بحوالي نصف ساعة (كنت شغلت التكييف علي 1) نورة مرة ثانية. وبعد ما مشيت شوية قررت أجرب يمكن المشكلة بتظهر لما التكييف يكون شغال (شغلته علي 2) بس مفيش حاجة ظهرت. العربية a4 موديل 99 (أوروبي). ممكن تكون إيه المشكلة.
ألف شكر علي مجهوداتك معانا وكل سنة وإنت طيب.
انا غيرت بطاحات وجلب مقصات وبارات دركسيون بالبيض بتاعهم ..المشكلة اللي عندي هيه انه العربية وهيه واقفة في في الدركسيون بوش ولما بامشي بيها بلاقي في رعشة في الدركسيون والدركسيون بيعوم مني في المطبات وكمان لما باخد مطب بلاقي العربية بتترزع كلها جامد ..فهل برضه المساعدين عاوزين تظبيط مع انهم من ماركة مونرو
لو سمحت ياباشمهندس الفابيا مينى 1400 كام كامه وهل هى 12 صمام فعلا وبالنسبه للأوبشنز وسائل الأمان فيها كامله وايه الفرق بينها وبين الرومستر غير الشكل شكرا ياباشا بس يلريت الرد بسرعه لأنى انشاء الله ناوى اختار بينها وبين عربيه تانيه و الأجابه هاتفرق فى حاجه كمان قطع غيارها متوفره
أنا عايز أعرف لو سمحت أسعار قطع الغيار للفابيا مينى 2009
شكرا على الإفادة
ازيك ياباشمهندس انا معايا اوكتافيا 2009 وانا مقيم بالسعوديه العربيه فل اوبشن عندى مشكله فى المطبات بسمع صوت ترزيع سألتهم قالى عشان الكفرات الى عندك الرياضايه الى بتكون رفيعه والجنط 17 ممكن هو ده السبب
وايه الزيت الى احطه للماكينه لان الجماعه هنا بتوع الصيانه شغلهم تعبان جدا جدا جدا جدا
اسكودا فليشيا
العربية الفترة اللى فاتت بتسخن على طول و مؤشر الحرارة بيعلى عن النص
صوت العربية عالى شوية
وساعات بالقى نقص فى المياة
ارحو الرد والمساعدة
افيدونا
خلى الميكانيكى يكشف على طرمبة المياة
يا ريت يا جماعة لو حد يرد علي الموضوع ده لأني بصراحة أنا محتاج المساعدة جدا
http://www.nilemotors.net/Nile/94491-a.html
انا عندى سكودا فليشيا 95 لسه مغير اسطوانه وديسك وبليه ب450ج ومصنعيه 80ج
وفرحت والسحب بقى تمام بس:11:
عندى مشكله كل ما بنقل لو خطفت فى النقله بسمع دبه كدة الميكانيكى قالى دى قواعد ماتور قلت ماشى خليها
تانى حاجة فى صوت كدة مش بيريحنى فى الفتيس زى حكه او دبه فى النقل وخصوصا على فى النقله على التانى
الباقى عادى بيبقى سلس وحلو
ارو من خبراء الفليشيا هنا حد يساعدنى ويقلى دة طبيعى ولا ايه المشكله بالظبط ارجوكم
وجزاكم الله كل خير
انا ملاحظ ان صاحب الموضوع بطل يرد !!!
يا جماعة, فى سيارة حمايا اوكتافيا a4 نورت لمبة حمراء شبه الفنار تقريبا, عاوزين نعرف ديه خاصة ب ايه
لو سمحت ياباشمهندس انا لسه جايب عربية اوكتافيا ايه 4 زيرو عملت بيها 400 كيلو وقالوا لى فى المعرض ومركز الاقصى اللى فى المعادى ان العربية لاداعى لتليينها لانها نازله متلينه وانى امشى براحتى وعلى اى سرعة المهم مشيت بيها على 170 كلم وبعدين قريت فى الكتالوج انى المفروض فى ال1500 كيلو الاولى مامشيش اكتر من 3/4 السرعة القصوى اللى هيا تقريبا 187 كلم فهل ده يأثر على الموتور