عطل فى الية مؤازرة التوجية الكهروميكانيكية وظهور علامة العطل فى اجهزة البيان ماهى الاسباب التى تؤدى الى هذا العطل وهل يستلزم التوجة الى مركز الخدمة
عرض للطباعة
عطل فى الية مؤازرة التوجية الكهروميكانيكية وظهور علامة العطل فى اجهزة البيان ماهى الاسباب التى تؤدى الى هذا العطل وهل يستلزم التوجة الى مركز الخدمة
السلام عليكم
انا معايا فيليشيا 89 غيرت الزيت والفلتر ومن يومين كدة لاقيت لمبة الزبت بتنور بس لما برفع رجلى مع على البنزين بصيت على مستوى الزيت لاقيتة مظبوط النهاردة الاية اتعكست لما بدوس عل البنزين لمبة الزيت بتنور ولما اشيل رجلى تنظفى مع العلم ان فى سرب فى الزيت غالبا من جوان جنب الموتور وسحب العربية قل جدا وصوتها بقى عالى ممكن الرد والحل لو سمحت وارجو ارسال عنوان التوكيل اللى فى اسكندرية او رقم التليفون واخبار الاسعار اية
مهندس يوسف
شكلك نستني
معلش :) العتبة على النظر
بص الفلتر اللى فى التوكيل اصلى وهوا من ناحية الكفاءة 90 % من الاصللى فى رايى
بالنسبة للرعشة خلىبالك كل العربيات ال a5 فيها هزة بسيطة موجودة فى السلانسية دا مش عيب فى عربيتك زى ما قلنا قبل كدا انما دا عيب تصنيع فى سكودا عامة . بالنسبة للصوت فعلاً انا مش قادر اوصل لوصفك ومش قادر احدد حاجة معينة . بس انت متاكد ان الصوت دا ميكانيكا مش قواعد مكنة مثلاً او صوت عفشة .
على العموم حضرتك ممكن تشرفنى فى المركز فى الدلتا ونعد نسمع فيه لحد الصبح ونفصص العربية حتة حتة لو عايز :)
شكرا علي الرد
طب نحاول نفكر في شوية احتمالات :
ايه دلالة ان العلامة الي بتظهر مع مسدس الكهرباء مش قدام العلامة الثابتة -- رايحة للخلف (ناحية الصالون) ده يبقي معناها ان الكهربا مأخرة ولا مقدمة ؟
- انا برضه شاكك ان سير الكتينة يكون راكب سنة غلط من غير ما يدي cam shaft error - هل يوجد وسيلة لمعرفة اذا كان الكهربا والتزامن صح ؟ الي انا شفته من جهاز الفحص انه بيشوف اذا كان في خطا مسجل فقط - لكن ما بيقسش الكهربا
- علي فكرة مونت بنزين 95 -- المتور حاسس انه لعبك اكتر ( ماكانت ماشية كويس قبل مااعمل لها صيانة )
علي فكرة انا شكيت برضه في قواعد المكنة علي اساس ان الميكانيكي لما غير الكتينة رفع المتور ونزله فممكن يكون اثر علي قواعد الموتور -- انا برضه رحتله علشان يفحصهم - بس هو قالي انهم كويسين -- وبعدين شد فرامل اليد ونقل غيار اول وخلفي كذا مره مع ملاحظة اهتزاز الموتور - قالي ان القواعد سليمة - بس انا كنت عايزه يبص عليه
حاجة تانية :
قرات علي أحد المواقع ان طلمبة المياه المفروض تتغير مع الكتينة علشان الطلمبة ممكن تقطع الكتينة
واضح انك لفيت كتير توى وسمعت افتاأاات كتير اوى . طلمبة المية ايه االى تتغير مع سير الكاتينة دى مى قطعة ميكانيكية مينفعش اغيرها الا اذا كان فيها خشانة او فيها مشكلة خاصة بيها مش اغيرها كدل لله وللوطن :) حاجة تانية انا نسيت عربيت حضرتك a4 ولا a5 بس فى الحالتين حضرتك كهربة العربية عندك بتتوزع عن طريق موبينة كهرباء مش اسبراتير وعندك اللى بيحدد معاد وتوقيت الكهرباء الكنترول يونت عن طريق حاجات كتير جدا من اهمها حساس الكرنك. ايه تانى :) قللى واحدةواحدة كدا انت عايز تتكلم فى ايه ةانا افسرهوللك بس بعد اذنك خلى مشاركاتك فى مشاركةواحدة كناحية تنظيمية
معلهش -- انا اساسا غاوي ميكانيا سيارات بحب أعرف كل حاجة شغالة ازاي وايه اسباب اي عطل
واحدة واحدة--
العربية A5 مو 2006 اتوماتيك - أول فئة
حابب أعرف سبب ان بفحص مسدس الكهرباء وجدنا العلامة رايحة للخلف (ناحية الصالون ) بدل ماتكون امام النقطة الثابتة -- ده معنا ه ايه -- هل الكهربا مأخرة ولا مقدمة ؟
ثانيا تكشف ازاي علي الكهربا -- تعرف منين انها مظبوطة ؟ الي شفته من جهاز الكشف انه بيشوف اذا كان في اخطاء مسجلة ولا لأ فقط ---- غير البوكت تيرمنيال بتاعة الأسترا الي ممكن من خلالها تشوف كل الحساسات وهي بتتحرك
ثالثا : لو الكتينة راكبة غلط سنة واحدة هل كمبيوتر الاعطال سوف يعطي cam shaft senseor error ولا لأ
رابعا : لمزيد من وصف العطل :
ألأحساس بالعطل مماثل للأتي
لما تكون ماش بعربية مانيوال علي الرابع وبعدين هديت السرعة خالص وما غيرتش للتاني وكملت - تحس ان العربية فيها وررة (مش التسقيف) تحس بيها في الصالون لغاية لما السرعة توصل للسرعة المطابقة للرابع - مش عارف كده قدرت أوصللك وصف العيب ؟
انا عرف موضوع توزيع الكهرباء وانه مافيش ابلاتين ولا اسبراتير و كلة شغال الكتروني - بس في الأخر في توزيع كهربا علي البوجيهات متطابق مع حركة البساتم والصمامات - بيزيد علي كده التحكم في الرشاشات علشان مايطلعش بنزين للبستم الا لما يكون محتاجه
معلهش شكلي تعبتك - بس مش حستريح الا لما أعرف ايه سبب العيب
برضه كان عندي عيب سخيف في الأسترا --- واكتشفوه الحمد لله في التوكيل بعد 4 سنين وبعد العربة ماخرجت من الضمان وطلع حساس الهواء وبعدها بعت العربية سلية 100 %
انا عندى سكودا فانتازيا وإتخبطت فى الإكصدام الخلفى خبطة جامدة والإكصدام دخل كلة لجوة والشنطة مبتفتحش وفى فرق بين الفوانيس ومش عارف أعملها فين
عايز حد يكون كويس اوى علما بان العربية خليجى.
شكرا جزيلا على ارد بس حضرتك متاكد ا العيب فى طلمبة الزيت وان دة مش عيب وش السليندر انا حقيقى خايف شوية ولو سمحت ممكن ارقام تليفونات التوكيل فى الاسكندرية والعنوان من فضلك وشاكر جدا على الرد
انا عندى سكودا فانتازيا وإتخبطت فى الإكصدام الخلفى خبطة جامدة والإكصدام دخل كلة لجوة والشنطة مبتفتحش وفى فرق بين الفوانيس ومش عارف أعملها فين
عايز حد يكون كويس اوى علما بان العربية خليجى.
وتوكيل عقل هيفتح بكرة وإية نظامة
لو سمحت عايز اعرف مكان التوكيل او التليفونات التوكيل فى اسكندرية اتمنى الرد لو سمحتم
السلام عليكم Eng. Demy,
من كلام م/يوسف حضرتك اكتر واحد ممكن نفدنا فى موضوع العفشة, طيب انا دلوقتى عندى بورا 2000 جايبها مستعمل من 3 شهور و انا عارف انها تقريبا نفس عفشة الالأوكتافيا ال A4, العربية حالة عامة ممتازة معادا العفشة كان عندة شوية مشاكل دبدبة و عدم ثبات و رجرجة على سرعات و كشفت عند كذا واحد و سألت الأخوة الأفاضل و كان الأتى:
- أولا الرجرجة فوق 100 طلع ان الجنوط الراجل حاططها كانت محتاجة رينجات و انتهم المشكلة لانى رحت اشتريت الجنوك السبور الأصلى البتنزل بيهم و كاوتشات بريدجستون تورانزا.
- طيب و بالنسبة للعفشة الأمامى الراجل كان مغير المساعدين و جايب جوز بيلشتاين حالتهم كويسة (رغم ان عارف ان فيه شكاوى عامة انهم ناشفين بزيادة) و بالتالى الكان محتاج تغيير هو جلب المقصات و البطاحات بالبلى بتاعها و بارات الدريكسيون الداخلى (و البارات جبتها استيراد بس بحالة جيدة و الباقى كله جديد) و معظم مشالكى انتهت الحمد لله و نسبة الثبات بقت جيدة جدا الا انى بحس بالطريق زيادة شوية لما بمشى فوق 40 مثلن و المشكلة كل الجرب العربية على حتت مكسرة (يعنى مش بيزود على 20) قلى العفشة كويسة لكن مجرد لما أبتدى اسرع بحس بكل معالم الطريق غير لو خدت أى فرق فى الطريق على سرعة زيادة بلاقى الطارة نطط بسيط فى ايدى زيادة علة نطة العربية نفسها و العفشجى لما كشف (و العربية وقفة تماما و مطفية حرك الطارة لقاها بتطلع معاه بسيط أوى لفوق)قلى فى نسبة بوش و عامود الدريكسيون محتاج يتغير, غير كده مفروض العلبة كويس مفهاش مشكلة.
- طيب قدام يعنى متوقع ان احساس الخشونة جى من العامود + المساعدين الناشفة لكن مشكلتى الحقيقية ورا, من ساعت ما جبت العربية و فى رزع فى العجلة اليمين الخلفية مع أى نقرة أو حفرة, و طبعا كلو كان متوقع انه مساعد فمع تظبيطة العفشة رحت مغير الجوز الخلفى بجوز استيراد على سبيل التجربية, لكن الرزعة مرحتش خالص. و من اسبوعين كده بعد ما جبت الكاوتشات و غيرت الجنوط (و الرزعة بردو لسة موجودة) رحت زبط زوايا و خليتو بص من تحت على الدنجل و فعلن لقى مسمار مهوى و ربطه و جربت و مشيت الرزعة راحت بنسة 50% مثلن بس لسه بحسها, و قبل العيد علطول و انا عند الميكانيكى فى الحرفيين بعمل صيانى (تغيير فلاتر و بوجيهات) سألت عند مونرو لقيتهم جابو المساعدين الخلفى أخيرا رحت جايبهم و مركبهم, و طبعا ده كان ايه تأثير ايجابى على زيادة الثبات لكن بردو الترزيع لسه موجود طب ايه الحل؟؟؟
- الفهمه ان مفروض ان العفشة الخلفى مفهاش غير المساعدين و الدنجل (والفهمو ان البطاحات الخلفى مبتحتجش تتغير)هل المشكلة كده هو الدنجل أنا عارف ان فيه فيبرات فى الدنجل و سمعت انها مبتتغيرش و الحل ساعتها تغيير الدنجل كله ولا ايه بضبط, أنا كتجربة ان شاء الله هحط الدنجل على جهاز الزوايا و أشوفه مضبوط ولا فيه ترحيل مين عارف بس الثبات دلوقتى كويس (و ان كنت أعتقد انه مفروض يبقى أحسن من كده على ما سمعته من الأخوة هنا)و خط غرز على 120 و و قلولى لو فيه ترحيل فى الدنجل هتلاقى العربية مراجيح من ورا عشان كده أنا استبعدت موضوع الترحيل ده, فقلى رايك بردو ايه و هل فيه حاجة لسه مفروض يتكشف عليها
و طبعا السلام للمهندس يوسف و كل سنة و انتا طيب, معلش أنا فى الشغل و كنت متسربع فى الكتابة شوية و شاكرين مجهوداتك مع الأخوة فى سكودا.
السلام عليكم ورحمة الله وبركاته
\ مع احترامى لحضرتك يا استاذ
كلام مضبوط بردو مقدرش أعترض عليه, ممكن سؤال طيب مشاكل الدنجل تظهر ازاى و بتكون ايه, الحاجة الثانية هى انتا متواجد فين, فى الدلتا بردو؟؟
يا جماعة ارجوكم فين توكيل سكودا ف اسكندرية
قاعدة السليكونات دي قاعدة الدينامو دي لما ماتلاقيش الدينامو مش بيطلع شحن يبقي لازم تتغير
السلام عليكم و رحمة الله و بركاته
عندى مشكله ممكن تساعدنى فيها
النهارده جيت اشغل التكييف فى a5 موديل 2007 بس مفيش اى تبريد نهائى المراوح الداخليه هى اللى شغاله - بصيت على الفيوزات بس كاننت سليمه
ممكن تحاول تعرفنى ممكن المشكله تكون من ايه
و شكراً على مداخلاتك الفعاله
السلام عليكم
انا حصلى نفس المشكله مع a4 من كام شهر كنت مشغله زى الفل تانى يوم جيت اجرب بردة المراوح الداخليه بس هى الى شغاله والفريون زى الفل والمراوح الخارجيه والكباس مش شاغالين
ناس قالولى الحساس بتاع الكباس ودة استيراد ب 150 جنيه من الحرفيين جبت واحد وبردة مشتغلش رجعته
طلع فى الاخر المقاومه الى تحت البطاريه جبتها استيراد ب 300 جنيه والحمدلله التكيف اشتغل تمام
كل دة عملته فى الحرفيين فى اقل من 3 ساعات
السلام عليكم و رحمة الله...
الف شكر لك يا باش مهندس على تفاعلاتك المتميزة.
عندى استفسار بخصوص زرار فتح التنك.؟
عربيتى a4 موديل 98 اتوماتيك
لما روحت افول العربية النهارده - الزرار اللى بيفتح التانك كان مش عايز يفتح - بعد عدة محاولات فتح - لكن بعد ما خرجت من البنزينة لقيت لمبة البنزين فى التابلوه بتنور كل شوية كأن مافيش بنزين فى العربية.- كمان مؤشر البنزين عمال يروح يمين و شمال مش ثابت.؟
ارجوا الافادة
الف شكر
وائل
شكرا يا باشمهندس على مجهودك ووقتك
رأى حضرتك ايه في الاوكتافيا ال a4 2010 طبعا هي هتكون مانيوال لانهم وقفوا تصنيع الاوتوماتيك منها زي ما حضرتك عارف
و هل فيها عيوب فى التصنيع أو مشاكل زى كومبرسور ال ايه 5 مثلا
و هل فيها اختلاف عن موديل 2009
و يا تري فعلا سعرها هينزل علي اول السنة عشان هية من السيارات الاوروبي و هينزل اد ايه؟
و جزاكم الله خيرا
[overline]
باشمهندس
تحياتى لك
انا انوى شراء سيارة فابيا مينى الجديدة 1.4 لتر مانيوال. ولكنى متردد بسبب عدم انتشارها و بعض الكلام عن سوء التعامل و الصيانة بالتوكيل.. لذلك ارجو لو تكرمت ان تفيدنى بالتالى وبصدق:
1-هل قطع غيار هذه السيارة متوفرة ومن اى بلد
2-هل من الممكن الأفادة بأسعار قطع الغيار الأساسية و الدورية لهذه السيارة
3-هل التوكيل سمعته طيبة مثل توكيلات بعض السيارات الأخرى كرينو مثلاً
4-فى اى مكان صنعت هذه السيارة (بلد الصنع و التجميع) وهل يوجد فى المانيوال هاتشباك
5-اخيراً ما رأيك فى هذا الأختيار علماً بأن سعر هذه السيارة هو الأكثر ملائمة لى (89000 جنيه) و هى اول سيارة اشتريها واخترتها بعد وقت طويل جداً من البحث فى انواع اخرى
شاكر جداً لمبادرتك الفعالة
ياباش مهندس اديني نصحتك انا محتار انا معايا فلوس اقدر اشتري بيها
سكودا a5 موديل 2007 2008 كسر الزيرو والسعر ده يجبلي حاجه جديده زي السيراتو او الكروز انصحني اشتري ايه
السلام عليكم
انا معايا فيليشيا 98 وعايز اعرف مهمة لمبة الزيت اية هل لما الزيت ينقص تنور؟ ولا لما الزيت ميترفعش تنور؟
ومهمة طرمبة الزيت اية هلى هى رفع الزيت الى السلامية ووش السلندر ؟ ولا اية بالظبط
والفرق بين تروس طرمبة الزيت؟ وصفاية الزيت؟ وهل لو الفلتر فى 4 فتحات بس من الداخل دة يخلى لمبة الزيت تنور
معلش طولت على سيادتك بس حضرتك قولتلى قبل كدة ان فى عطل عندى فى طربمة الزيت وانا سالت قالولى التروس ولا الصفاية؟
اكون جزيل الشكر عن ردك
السلام عليكم
انا معايا فيليشيا 98 وعايز اعرف مهمة لمبة الزيت اية هل لما الزيت ينقص تنور؟ ولا لما الزيت ميترفعش تنور؟
ومهمة طرمبة الزيت اية هل هى رفع الزيت الى السلامية ووش السلندر ؟ ولا اية بالظبط
والفرق بين تروس طرمبة الزيت؟ وصفاية الزيت؟ وهل لو الفلتر فى 4 فتحات بس من الداخل دة يخلى لمبة الزيت تنور
معلش طولت على سيادتك بس حضرتك قولتلى قبل كدة ان فى عطل عندى فى طربمة الزيت وانا سالت قالولى التروس ولا الصفاية؟
اكون جزيل الشكر عن ردك
السلام عليكم
انا معايا فيليشيا 98 وعايز اعرف مهمة لمبة الزيت اية هل لما الزيت ينقص تنور؟ ولا لما الزيت ميترفعش تنور؟
ومهمة طرمبة الزيت اية هلى هى رفع الزيت الى السلامية ووش السلندر ؟ ولا اية بالظبط
والفرق بين تروس طرمبة الزيت؟ وصفاية الزيت؟ وهل لو الفلتر فى 4 فتحات بس من الداخل دة يخلى لمبة الزيت تنور
معلش طولت على سيادتك بس حضرتك قولتلى قبل كدة ان فى عطل عندى فى طربمة الزيت وانا سالت قالولى التروس ولا الصفاية؟
اكون جزيل الشكر عن ردك
السلام عليكم
انا معايا فيليشيا 98 وعايز اعرف مهمة لمبة الزيت اية هل لما الزيت ينقص تنور؟ ولا لما الزيت ميترفعش تنور؟
ومهمة طرمبة الزيت اية هلى هى رفع الزيت الى السلامية ووش السلندر ؟ ولا اية بالظبط
والفرق بين تروس طرمبة الزيت؟ وصفاية الزيت؟ وهل لو الفلتر فى 4 فتحات بس من الداخل دة يخلى لمبة الزيت تنور
معلش طولت على سيادتك بس حضرتك قولتلى قبل كدة ان فى عطل عندى فى طربمة الزيت وانا سالت قالولى التروس ولا الصفاية؟
اكون جزيل الشكر عن ردك
على فكرة انك تكرر سؤالك اكتر من مرة - مش من اللياقة
السلام عليكم \ أنا معايا فانتازيا 2010 و الحمدلله كل حاجة كويسة ما عدا مشكلة مطلعة عيني لمل باجيب مرشدير و أدوس فرامل بسمع طقة روحت مرتين التوكيل يربطوا العفشة تختفي و بعدين ترجع تاني \ ايه الحل
السلام عليكم
قدامي سكودا 2001 اوتوماتيك
سؤالي بخصوص الفتيس الاوتوماتيك عشان كنت سمعت اني فيه مشاكل فيه .. الكلام دا صحيح؟
وياريت اعرف ايه مشاكل الموديلات من 2000 الي 2004 خصوصا وانها هتكون مستعمله ولو تدلني على مكان اكشف فيه مزبوط على العربية والسعر كام هكون شاكر جدا
أنا اسف جدا انا ماخدتش بالى ان السؤال بيتكرر
حد يعرف ميكانيكى كويس فى اسكندرية غير سعيد بتاع ميامى عندى جوان جنب الموتور بيجيب زيت وغيرت كل حاجة فية ولسة بيجيب زيت بردو
على فكرة الموضوع دة عندي بالظبط .. برضة معايا فانتازيا ولما برجع مرشدير واضرب فرامل بتحصل طقة كدة .. بس انا معملتش بصراحة فيها حاجة خالص سيبها ذي ما هيا .. (صوت حاجة صاج او ميتل بتخبط كدة أو بتطقطق) .. هل دي ميش مشكلة ودا عادي يعني؟ .. ولا دا عيب في الفانتازيا وملوش حل وبدليل انهم في التوكيل ميش عارفين يعملولك حاجة؟ .. ولا اية المشكلة بالظبط؟ .. ياريت حد فعلا يفيدنا .. وياريت ميكونش الموضوع دة بياثر على حاجة في العربية