السلام عليكم و رحمة الله و بركاته
اضاءة الكشاف الاوسط الزينون لاوكتافيا A5 ضاربه فى الارض مع حدود اضاءة االفوجات ممكن اعرق ازاى تتضبط
و لكم جزيل الشكر على الاهتمام باسئلة المشاركين بالمنتدى :vctry:
عرض للطباعة
السلام عليكم و رحمة الله و بركاته
اضاءة الكشاف الاوسط الزينون لاوكتافيا A5 ضاربه فى الارض مع حدود اضاءة االفوجات ممكن اعرق ازاى تتضبط
و لكم جزيل الشكر على الاهتمام باسئلة المشاركين بالمنتدى :vctry:
هل فعلا فى مشكله اساسيه فى تكيف الاسكواد وكمان الفتيس ولا ده كلام مش مظبوط
وكنت عايز اسئل عن الفانتزيا بشكل عام يعنى الاداء وتوفير البنزين وكمان الثبات والاهم الخامات وهعل هى عربيه عياشه يعنى تستحمل درجات الحراره والتشغيل المتواصل ويريت تاكيد على موضوع التكيف ده وهل هى بالمجمل عربيه كويسه ولا لقه
وطبعا ده لازم التاكد لانه بيبقى قرار مصيرى
تحياتى واسف على الاطاله بس انا عشمان فى كرمك
تحياتى
السلام عليكم استفسار بسيط
هو العداد اللى تحت عداد الكيلوات اللى بيتصفر بتاع اية بالظبط فى الفليشيا 98 ومعلش هى لمبة test اللى فى التابلو بتاعت اية ارجو الرد
ايه يا خونا مفيش حد عايز يجاوبنا ولا ايه
العربيه ايه نظامها
تحياتى
سؤال يا باش مهندس
انا معايا a4 وفجأة لقيت مؤشر الحرارة مقرب من ال red zone ومافيش اى alarm ده بجانب ان المروحة شغاله على طول اعمل ايه؟
مفيش رد خالص بقالنا اسبوعين
انا بطلت اتابع الموضوع دة .. من عدم المتابعة وعدم وجود ردود
طبعا الموضوع تطوعي ومحدش بيدي الناس دي فلوس .. بس برضة اذا كان الناس هي اللي اختارات التطوع يبقي لازم تتابع كويس .. لان اللي بيحط سؤال بخصوص الصيانة ميش هيستنا شهر على الاجابة لما تجيله
برضة ربنا اعلم بظروف الناس .. طب يبقي في حته بديل .. يعني لو الباشمهندس المتطوع بتاع التوكيل ميش فاضي .. حد من الاعضاء المحترمين او حد متطوع اخر من التوكيل.
ونتمنى من الله ان يكون المانع خير
:120146b
لو سمحت يابشمهندس ان بشترى اوكتافيا وحبيت اقارن بينa5مانيول a4 مانيول ايهما افضل وايهما تنصحينى بشرائه
اكيد a5
تحياتى
انا بجد بعتزر لكل الناس على التأخير بس هوا فى خبر حلو الحمد لله
انا كنت بشتغل فى مركز خدمة معتمد فى الدلتا اسمه مركز عقل على طريق المحلة طنطا دلوقتى انا غيرت الشغل والحمدلله
انا حالياً شغال فى مركز الأقصى فى المعادى ودا مركز صيانة وتوكيل معتمد لسكودا (ومش سكودا بس كمان هيونداى وفيات)
انا بعتذر مرة تانية للتأخير بس نقل الشغل مش حاجة سهلة
وان شاء الله جارى الرد على كل الاستفسارات المتأخرة خلال الأسبوع
وشكراً على المتابعة
لو سمحت يابشمهندس ان بشترى اوكتافيا وحبيت اقارن بينa5مانيول a4 مانيول ايهما افضل وايهما تنصحينى بشرائه
الف مبروك على النقله الجديدة و ان شاء الله تكون نقله كويسه
واكيد الاقصى اكبر من عقل المحله
بس اسعارهم اغلى كتير من عقل
عموما ً بارك الله لك:satelite:
السلام عليكم يا هندسه
انا بتكلم عن Octavia A4 2003
الحراره عندي بتعدي عن 90 بتزيد شويه شويه مع المشي لما السرعه بتاعت العربيه تزيد عن 80 لما انزل لسرعه 80 الحراره تنزل للمعدل الطبيعي بتاعها لو فضلت ماشي كتير علي سرعه 80 الحراره تفضل ثابته وبيكون RBM علي 30 مع العلم ان المياه بتكون في منسوبها الطبيعي في القربه لاني بزودها يوميا الصبح المياه بتنقص دايما بتأخد تقريبا لتر إلا ربع مياه يوميا
مع العلم ان العربيه فتيس اتوماتيك
وشكرا لحضرتك
طبعا مبارك علي النقلة الجديدة ده و ربنا يوفقك و يجعلها قدم خير عليك
و الله يا باشمهندس دا خبر بمليون جنيه لان انا كنت حامل هم موضوع الكشف علي العربية و انه ميتكشفش عليها كويس و سبحان الله يمكن ربنا اخرها عشان انت الي تكشف لي عليها بنفسك زي ما وعدتني لان مركز الاقصي دا في زهراء المعادي و انا ساكن في المعادي
و في انتظار رد حضرتك علي سؤالي عن الخليجي و المستعمل ان شاء الله و ربنا يجازيك كل خير
و اذا مفيهاش مضايقة يا ريت لو تقولي مواعيد شغل حضرتك في التوكيل عشان اقدر اجيب العربية الي هاشتريها في المواعيد ده او تديني رقم موبايلك عشان اتاكد ساعتها انك موجود هناك و ان شاء الله مش هازعجك الا لما يكون فيه حاجة و ربنا يكرمك يا رب
السلام على احلى هنسه للاسف معى سيارة اسكوده فليشيا 2000 المفتاح اتكسر والشببايه ضاعت ممكن الفاده وعيز اعم نسخ من المفتاح علشن نسخه الثانيه ضاعت من ابو سامى
الف شكر باشمهندس لموضوعك ده اللى اكيد هيسبب لك تعب وجهد , بس نتوقع منك العطاء والبذل .
ومبغل الجديد وعقبال ما تبقى فى قلب الصيانة الرئيسية
انا عندي مشكلة في العربية قلولي علبة الدركسيو بايظة و ده عيب صناعة و هنغيرها في الضمان
لاكن العلبة مش موجدة و هتيجي في خلال 15 يوم
الكلام ده بقالو شهرين و كل شويه حجة شكل و بجد مش عارف اعمل ايه
السلام عليكم ورحمة الله وبركاته
إن شاء الله ناوى أشترى عربيه مستعمله .. وبفكر فى السكودا - فيليشيا 1300 سى سى وليا كذا إستفسار عنها:
- إن شاء الله ها أسافر بيها حوالى مرتين فى الشهر حوالى مسافه 350 كم ما مدى الثبات على السرعات ..
- الأعطال ..؟
- توافر قطع الغيار ..؟
- إستهلاك البنزين ...؟
- هل فعلا العيب الى سمعتها عن العربيه دى ( بتسخن وبتجيب وش سلندر )..؟
- ما هو متوسط سعر( موديلات 96 إلى 2000) ..؟
منتظر ردك يا باشمهندس .. ومن جميع الإخوه مالكى هذه السياره ....
لو سمحت انا معايا فيليشيا 98عندى مشكلة فى التدوير الصبح مش بتدور على طول والناس قالولى دى شغالة على حاجة اشمها تشوك او السخان تقريا مش بتدور على طول بتدور من ثالث او رابع مرة ولمة بتدور بلاقى دواسة البنزين نزلت لوحدها وصوت العربية عالى انا عايز افهم اية الموضوع دة والحل لو سمحت مع العلم انى جربت ادوس بنزين قبل ما ادور وجربت بردو من غير ما ادوس بنزين بس الكلام دة الصبح بص اما فى وسط النهار بتدور عادى لو كنت دورتها قبل كدة الصبح ارجو الرد لو سمحت
السلام عليكم لو سمحت يابشمهندس تنصحنى بالفانتازيا الاليجانس ولابالجيتا الهاي لاين واحنا خمس افراد بنركبها بس انا عاوز اقل عيوب واكثر اعتماديه عشان بروح بيها مشاوير كتير والاتنين قطع غيارهم زي بعض ولا فيه واحده اغلى من التانيه عشان انا محتار بجد
والاسعار هتنزل بعد معرض الاهرام ولا لا ولو اشتري الفانتازيا اشتريها منين اقرب مكان ليا انا من الشرقيه بس مكان مضمون والف شكر
انا معايا اسكودا فابيا 2003 ولسه شريها من فتره من كام يوم صفرت لوحدها قفلت وشغلت راحت الصفاره عملتها مرتين ممكن اعرف ايه ده مع العلم مفيش اى علامه فى التابلوه
لو سمحت يا هندسة انا معايا فيليشيا 98 جوان الجنب بتاع الموتور معذبنى غيرتة 3 مرات وبرد مفيش فايدة بيجيب زيت بردو وكل مرة اغيرة اجيب الاصلى ومفيش فايدة ومرة الميكانيكى يحط سيليكون ومرة جومالكة ومرة من غير اى حاجة وبردو بيجيب زيت لدرجة انى غيرت الوش نفسة ومفيش فايدة انا صرفت كتير اوى حتى الان ارجو الافادة
ياريت تقللى موديل كام هتم المقارنة دى
بس ببساطة ال a4 تعتبر الفئة الأقل عن ال a5 بس مش معنىكدا انها اوحش ال a4 مشاكلها اقل نسبياً من ال a5 وتعتبر اقوى فى الأداء كمحرك (دا فى حالة المواتير ال a4 القديمة لأن فى المواتير الجديدة اصبحت نفس الموتور) ال a5 طبعاً شكل ورفاهية اعلى بكتير من ال a5 وال options اعلى فيها
رايى الشخصى
a5 ركوبة ورفاهية
a4 اداء رياضى اكتر
انا مش مبيعات فمش هقدر افيدك فى جزئية المبيعات دى اوى
بس انا رايى ال فانتازيا احسن من ال جيتا . هما الاتينين تقريباً واحد فى كل حاجة بس انا رايى الجيتا مش اعتمادية او بتاعة شغل زى الاسكودا عموماً انا عارف ان الرايى دا ممكن يختلف معايا ناس كتير فيه . بس انا لو معايا فلوس اشترى يا فانتازيا او ازود واجيب باسات انما جيتا لأ !!! والمفروض ان فى جيتا شكل جديد نازلة انا معرفش اخبارها ايه او ايه الاختلاف بصراحة
في واحد قالي ان الفابيا ال 1200 بتاعتي ميتعملهاش عمرة
ايه السبب والحل ايه لو حصل للموتور حاجة
و فى حاجة كمان يا باشمهندس غير التزييق اللى جاى من ناحية الباب اللى ورا السواق مع الجرى و الاهتزازات اللى ف الطريق، فى انى بعد ماغيرت تيل الفرامل الامامى و جبت الاصلى من الشهابى باسمع صوت صفارة مع الفرملة فى اخر الفرملة كده، بس هى الفرامل جامدة ، يا ترى يكون صوت ايه يا باشا
معلش نسيت حاجة كمان ، هى ان الشاشة نورها ضعيف جدا و بيضعف بعد فترة من المشى، غير انى ركبت جى ام للكاسيت و اما بعلى و العربية مبطلة الجى ام بيقطع ، الراجل بتاع الكاسيت قاللى ده عيب كهربا، بس العربية بتدور عادى مفيش مشاكل، حضرتك رايك ايه، و ياريت تقوللى هل كهربائى عادى ممكن يظبطها ولا ايه
الأخ العزيز المهندس / يوسف
انا عندى مشكلة بسيطة جدا بعد اذن سيادتك , عندى الخرطوم الى طالع من قربة المياه بتاعت المساحات اتفك من جهة القربه وعمال ادور على المكان بتاعه الى اركبه فيه مش عارف اوصله ياريت تفيدنى فى المعلومة دى لانى لما بحب ارش ميه الخرطوم بيرش جوه على الهواء , وياريت تفيدنى فى موضوع الفرقعه الى بتحصل لما ادوس على البنزين مره واحده وانا مدى غيار
العربية اوكتافيا اوروبي 98 مانيوال
السلام عليكم و رحمة الله و بركاته
اضاءة الكشاف الاوسط الزينون لاوكتافيا a5 ضاربه فى الارض مع حدود اضاءة االفوجات ممكن اعرق ازاى تتضبط
و لكم جزيل الشكر على الاهتمام باسئلة المشاركين بالمنتدى