أرجو الافادة من خبراء الورشة

**harphosh** · 06-08-2009 11:03 AM

المشاركة الأصلية كتبت بواسطة mrwho1982

انا اعتقد والله اعلم لن المشكلة دي مشكلة كهرباء لانها حصلت معايا مرة في ال127 وكانت المشكلة في الاخر كهرباء عالية لان العربية كانت بترجرج لما اجي اطفي الكونتاكت

ولو في وساخة في البنزين او البنزين مش نضيف يبقي العربية هاتبطل معاكي وانتي ماشية

والله اعلم

+10000000000000

**muslimah_dentist** · 06-08-2009 06:12 PM

شكرا ليكم جميعا

أنا قلت برده مفيش حد هيفهمنى ايه اللى بيحصل غير الأخوة الأفاضل اللى فى نايل موتورز

باش مهندس سمير أنا فعلا المشكلة ديه بدأت تحصل معايا أما كنت بأمون من البنزينة اللى جنب قصر الثقافة و سبتها خالص و مبقيتش أمون غير من البنزينة اللى فى طرق الكوكولا و هأبقى أحول على بنزينة اللى فى شارع شبين اللى نصحتنى بيها

طيب أنا لو حولت من بنزين 90 الى 92 هيبقى مفيش مشاكل

أصل أنا كنت عايزة أحول ل92 و ناس نصحونى و قالولى ان تغيير البنزين على العربية مش كويس أنا دايما بأملى التانك و بأمون العربية و لسة فيها 9 لتر تقريبا هيبقى فيه مشكلة لو مونت ببنزين 92 على بنزين 90

بالنسبة لموضوع الكهربا العالية أشوفها عند كهربائى و لا ايه بالظبط

بصراحة أنا ماروحتش التوكيل خالص كنت عايزة أروح فى الألف كيلو و حصلت ظروف مرضية لأمى فمنعتنى انى أروح و سمعت كلام مش كويس على توكيل الماروتى و عموما الماروتى عربية سهلة و ممكن لو ميكانيكى كويس يتولى أمرها و هى الحمد لله لغاية دلوقتى أصيلة معايا

و شكرا ليكم يا جماعة على ردودكم و زوفكم

جزاكم الله خيرا

**aYaBooY** · 06-08-2009 06:47 PM

لا ابعدي عن بنزينة التعاون بتاعت طريق الكوكاكولا ديه خالص
الكهرباء يشوفها ميكانيكي
تغير البنزين او تزويد 92 على 90 مش هايسبب اي مشكلة خالص

**mohamedadelemam** · 06-08-2009 06:50 PM

عموما التغيير لبنزين بأوكتان أعلى كويس جدا بس التغيير لأقل هو المضر جداااااااااا....ولازم حضرتك تقدمى الكهربه

**muslimah_dentist** · 06-08-2009 06:51 PM

المشاركة الأصلية كتبت بواسطة ayabooy

لا ابعدي عن بنزينة التعاون بتاعت طريق الكوكاكولا ديه خالص
الكهرباء يشوفها ميكانيكي
تغير البنزين او تزويد 92 على 90 مش هايسبب اي مشكلة خالص

جزاك الله خيرا على سرعة الرد

و انشاء الله هأبقى أتعامل معى البنزينة اللى نصحتونى بيها

و هو كان شافها بالفعل ميكانيكى و قاللى المكنة زى الفل و جديدة و متخليش حد يلعبلك فيها و الموضوع كله وساخة بنزين

ألف شكر على سرعة الرد مرة تانية

و جزاكم الله خيرا جميعا على جميع نصائحكم المفيدة

**samirayad** · 06-08-2009 06:51 PM

طيب أنا لو حولت من بنزين 90 الى 92 هيبقى مفيش مشاكل

بالعكس ....دا الحريق حيتحسن أكتر ....لأن نسبة الأوكتان فى ال92 أكبر من ال90 وبالتالى الجوده الحراريه الناتجه عن أشتعال البنزين حتزيد بلاشك

أصل أنا كنت عايزة أحول ل92 و ناس نصحونى و قالولى ان تغيير البنزين على العربية مش كويس

كلام غير مظبوط علميا

أنا دايما بأملى التانك و بأمون العربية و لسة فيها 9 لتر تقريبا

يعنى حاولى حضرتك تمونى لما التنك يوصل نصفه أفضل
علشان الطلمبه ماتسحبش رواسب بنزين من الموجوده فى التنك ومترسبه
أكيد عملية التعود على التفويل لما مستوى البنزين بيصل الى 9 لتر ....
هى السبب فى اللى بيحصل فى العربيه .....ويجب تغيير فلتر البنزين فعلا ....لأنه أكيد لامم رواسب برضه .....وده يقلل سحب العربيه وتسارعها .......................
على فكره أنا بأتوقع أن ظاهرة التوقف الفجائى أو الخلل المذكور بالموضوع .....حتلاقيها كانت متوائمه مع قبل التموين مباشرة
لأن ممكن تكون الطلمبه بتسحب بنزين ملوث ....دا غير أن فلتر البنزين حتلاقيه مسدود جزئيا ............

هيبقى فيه مشكلة لو مونت ببنزين 92 على بنزين 90

لا توجد مشكله نهائيا .....بالعكس ده أتجاه نحو الأفضل وعن تجربه شخصيه

بالنسبة لموضوع الكهربا العالية أشوفها عند كهربائى و لا ايه بالظبط

ممكن تؤجلى النقطه دى شويه لحين مراقبة الحاله مع وضع التحول لبنزين 92 مع نظافة أو تغيير الفلتر ( التغيير للفلتر أفضل بلاشك )

بصراحة أنا ماروحتش التوكيل خالص كنت عايزة أروح فى الألف كيلو و حصلت ظروف مرضية لأمى فمنعتنى انى أروح

ألف سلامه للست الوالده ....مع توجهنا الى الله بالدعاء.... ....بأن يعطيها الصحه والعافيه والعمر المديد ............

**samirayad** · 06-08-2009 07:00 PM

المشاركة الأصلية كتبت بواسطة ayabooy

عارف بس حضرتك لو بتقارن بالبنزين في القاهرة هاتعرف الفرق
عادتا لما بسافر الاسماعيلية بكون حريص اني امون بالكامل من القاهرة علشان متحوجش لاي بنزينة هناك شل بيكون اقل معدل من التصقيف موبيل بيكون التصقيف اخف صوت مع اصوات مزيكة تانية طالعة من كل حتة غير التنتيش طبعا و محكيلكش على السحب الي بيتحول و عموما ربنا يهديهم و يفضلوا محافظين على مستواهم

عارف..... أنا من الغربيه ....ولكنى مقيم بالأسماعيليه نظرا لظروف عملى
ودايما بأفول التنك من بنزينة شيل اللى فى شبين لما أكون مسافر لزيارة الأهل ....على أساس ما أحتاجش لبنزين فى الطريق
وماشى على كده من زمان .....والصراحه بنزينه محترمه وعليها رقابه جيده
وجزئية الأمانه متاحه هناك فعلا

**muslimah_dentist** · 07-08-2009 12:55 AM

جزاك الله خيرا باش مهندس سمير على كل المعلومات ديه

ربنا يجعلها فى ميزان حسناتك

و سؤال تانى لو تسمح

أنا كنت مستنية أغير فلتر الزيت و أنا بأغير الزيت أما أكمل 4 آلاف كيلو

حضرتك تنصحنى انى أغيره دلوقتى و ماستناش أما أغير الزيت

و شكرا ليكم جميعا على ردوردكم و زوقكم

**samirayad** · 07-08-2009 01:13 AM

جزاك الله خيرا باش مهندس سمير على كل المعلومات ديه

ربنا يجعلها فى ميزان حسناتك

الله يخليكى يافندم ....دا أنا اللى بأشكرك على خدماتك الجليله والنصائح والأرشادات للأعضاء بالمنتدى الأجتماعى
وياريت كل الأطباء زى سعاتك .....

أنا كنت مستنية أغير فلتر الزيت و أنا بأغير الزيت أما أكمل 4 آلاف كيلو

حضرتك تنصحنى انى أغيره دلوقتى و ماستناش أما أغير الزيت

شوفى حضرتك
نظام الزيت وغياره يمشى عادى فى خط سيره الطبيعى اللى أنت متعوده عليه
أما موضوع التحول من بنزين 90 الى 92 فملوش دخل بالجزئيه بتاعة الزيت دى نهائيا .....مع التأكيد مره تانيه على أفضلية تغيير فلتر البنزين لبدأ خطة عمل جديده مع البنزين ال92
لأن دى دايره مخصصه لهدف معين ....ودى دايره تانيه برضه لهدف معين ومفيش علاقه بين الدايرتين هندسيا