الموضوع: جينا عملت حادثه ... اهئ اهئ اهئ عااااااااه

المشاركة الأصلية كتبت بواسطة TefaShoman

قدر الله وماشاء فعل

وفداك العربية
والحمد لله ان انت والراجل بخير

وإن شاء الله ترجع جينا أحسن من الأول

وألف مبروك مقدما على الجواز

شكرا يا استاذ مصطفى وعقبالك او عقبال عندك على حسب الحاله الأجتماعيه

المشاركة الأصلية كتبت بواسطة yossef

والا يهمك احمد اللة ان انت بخير
وانشاء اللة تصلح وترجع احسن من الاول

متشكر لحضرتك يا استاذ يوسف وربنا يبعد عنا وعنكم كل شر

المشاركة الأصلية كتبت بواسطة MohabSaeed

للاسف يا أ اسلام مش موجود فى التوكيل " بالنسبه للواجا " و محدش عارف حيجى امتا كمان , بس تقريبا فى حدود شهر !! و كلمت مصنع جريش فى العاشر من رمضان .. قالى مش موجود و كلمنى على يوم الحد الجاى ! ... كلمت تلات محلات ازاز .... محدش عرف يعنى ايه بروتون واجا اساسا و كأنى بسأل على ازاز مكوك فضائى!!! , و واحد منهم لطيف جدا اسمه الثلاثى فى الحرفين قالى هاتلى العربيه علاشان اعرفها !!!!!!!!!!!!!! فعلا حبة ناس عايشه فى العصور الحجريه ........ اجيبله العربيه من اكتوبر لالحرفين علاشان يعرفها و يقولى مش عندى الازاز !!

الجين 2 الحقيقه مش عارف اذا كان متوافر ولا لا فى التوكيل .....بس انا من اسبوعين كن لقيت حد بيركب ازاز فى جين 2 ف اعتقد ممكن يكون متوافر , و غير كده حتلاقى منه بر ان شاء الله .
و طمنا اول باول عملت ايه فى عربيتك .
.... .. مُهاب مش محب .

بصراحه قلبى معاك يا استاذ مهاب وربنا ييسر ويصدقوا فى كلامهم على ميعاد وصول الأزاز لأن بصراحه الموضوع ده رخم جدا لأن انا اتخدت مخالفه بعد الحادثه بيومين فى لجنه كانت واقفه فى اول 6 اكتوبر علشان الأزاز المكسور وعملت مصالحه فى ساعتها ب 25 جنيه ده كان علشان ضابط حنين شويه والغريبه انى انا اللى كنت رايح للجنه بنفسى علشان اسألهم على مكان مساكن الحديد والصلب (بالمناسبه الاماكن دى فى الأسكندريه)

المشاركة الأصلية كتبت بواسطة mangere90

السلام عليكم ورحمة الله وبركاته

المهم حمدلله علي سلامة حضرتك وفداك اللي يجي في الصاج مقدور عليه

وعليكم السلام ورحمه الله وبركاته ... متشكر لحضرتك جدا وربنا يبعد عنا وعنكم كل شر

المشاركة الأصلية كتبت بواسطة Ayman_52

قدر الله وماشاء فعل

معلش ... الف حمد لله على سلامتك

وان شاء الله -الحينا- هتتصلح وترجع زى الفل ... وربنا يحفظهالك يارب ويكفيك شر الطريق

وابقى طمنا على اخبار جينا اول باول .... وان شاء الله ترجعلك بالف سلامه

تحيــــــــــــــــــــــ ـاتـــــــــى

ايمن باشا ازيك ... ياعم انا بشكر الحادثه اللى خليتنى اكلم دينامو المنتدى والحادثه الجايه لاقدر الله هاجيب جينا عندك فى القاهره علشان تبقى تحت رعايتك

المشاركة الأصلية كتبت بواسطة ابو حسين

معلش يا باشا فداك العربية وتتصلح ان شاء الله

شكرا ياباشا وربنا يبارك لحضرتك فى حسين

المشاركة الأصلية كتبت بواسطة أبومريم

بربريز الجين 2 موجود عند الثلاثية بـ 400ج و اعتقد عندهم الواجا كمان بس اللي رد على حضرتك ممكن يكون مش فاهم

جامد اوى السعر ده .. قالولى فى التوكيل عندهم ازاز استيراد ( مش اصلى طبعا) بحوالى 700 جنيه .. حد يعرف ايه الفرق بين الأصلى والاستيراد ؟

المشاركة الأصلية كتبت بواسطة yse

قدر الله وماشاء فعل

فعلا ... وربنا يقدرلنا الخير دائما باذن الله

المشاركة الأصلية كتبت بواسطة MuhammedSoliman

ياباشا ألف سلامه عليك أولا وبصراحه منظر العربية يقطع القلب بس الحمد لله طالما مأمن عليها وانا تحت أمرك فى اي خدمه لومحتاج
مع خالص تحياتى

متشكر لحضرتك جدا يااستاذ محمد ... وربنا ييسر ونتقابل عن قريب باذن الله

المشاركة الأصلية كتبت بواسطة thegoodhacker

قدر الله و ماشاء فعل
المنطقة اللي قدام الداون تاون دي فعلا خطيرة جدا بالنسبة لقائد السيارة و كمان حتي للي ماشي علي رجليه .... الشارع واسع جدا و طبعا طريق سريع و العربيات كتيرة اوي فالكلام ده بيخلي الناس اللي مش متمكنة في عبور الطريق انه يستعجل في التعدية و بالتالي تحصل الحوادث
لازم بجد يعملوا كوبري للمشاة في الشارع ده لان عبوره خطير جدا جدا

+11111111111111
فعلا والله منطقه خطيره جدا وكمان المناطق اللى مافيهاش انفاق على طريق البحر وبالذات مدخل كوبرى ستانلى ... التعديه فى الأماكن دى فعلا مغامره