تنظيف الرشاشت

**reamoz** · 03-02-2010 10:41 AM

المشاركة الأصلية كتبت بواسطة semsem kane

اتفق معاك فى الشق الاول من المشاركة الخاص بشوائب البنزين لكن الجزئية التانية لية تعليق عليها
دلوقتى بنزين ال80 مليان رصاص بعكس ال90 وال92 وال95 وكل مانسبة الاوكيتان عليت فى البنزين كل مابقى اريح للماتور لانة بيتحرق صح من غير مجهود وتعب على الماتور عشان كدة بيهدى صوت الماتور وبيخلى السحب افضل بكتير
يبقى لو عربية انجيكشن استعملت بنزين 80 هيفرق كتير عن بنزين 90 او 92 دة غير انة هايطير بسرعة لانة مش كلة بيتحرق يبقى كدة هايحس ان الاستهلاك زاد + وجود شوائب كتير اصلا فى البنزين دة ومليان شوائب محدش يقول غير كدة +هيبوظ الماتور على المدى البعيد حتى لو كربراتير وخصوصا لو غاوى شد وجرى هتلاقى نفسك بتحرت فى المكنة من غير استجابة حقيقة لقوة الماتور
وعن تجربة شخصية كنت سيارتى السيفيك sir دخلت البنزينة عشان امون 95 وعلى بال ماكنت بطلعلة الفلوس بشوف العداد بتاع البنزينة لقيتة بيمون 90 ومون 8 لتر كملت الباقى 95 ولقيت السيارة اختلفت تماما وتنتيش وتقطيع وتبطيل وكل ماتتتخيلة فى العربية كان موجود وقعدت كدة حوالى يومين لحد مالبنزين خلص فى لمح البصر دة لافرق بين انواع البنزين
عشان كدة اللى عايز يحافظ على عربيتة يمون 90 فيما فوق اقل من كدة حرام

مافيش أي نوع بنزين في مصر فيه رصاص من زمان كل البنزين Unleaded
وعلى فكرة الرصاص أصلا مفيد للمواتير مش مضر لأنه بيعمل ترسيبات بتقفل أي خلوص زيادة في الشنابر فبتزود درجة الحبك لكن تم منع إضافة الرصاص للبنزين من سنين طويلة علشان هو مضر للبيئة مش للسيارة وبيسبب بوظان الكاتليزر أو الكاتاليك كونفيرتير اللي في الشكمان
وهرجع تاني وأقول إن الشوائب دي بتكون في تانكات البنزينة مش من مكونات البنزين نفسة يعني لو بنزين 95 ومحطوط في تانك معفن هيبقى كلة شوائب وزي الزفت
وبالنسبة لموضوع الإستهلاك الإستهلاك مش هيكون فيه فرق زي مانت متصور يعني هيفرق كلام فاضي مقارنة بإن البنزين الـ80 بنص تمن الـ92
واللي غاوي جري يدفع ويحط 95 كمان لو عايز محدش بيدفعلة حاجة من جبية!
إنما اللي عايز يوفر يحط بنزين 80 من بنزينة نضيفة ويأخر الكهرباء شوية علشان العربية ماتصقفش منه لأن هو ده الضرر (الوحيد) على الموتور وهو فعلا بتأخير الكهرباء شوية هيكون بيضحي بجزء بسيط من عزم الموتور نظراً لأنه بيأجل إنطلاق الشرارة لحد ما البستم يفتح سنة صغيرة بس طبعا في مقابل التوفير مش هيفرق مع صاحب الموضوع
لكن اللي عايز يستفيد من العزم الكامل لموتور عربيتة بغض النظر عن التوفير يحط البنزين المناسب للعربية.

**SAMEH_FOUAD** · 03-02-2010 02:31 PM

المشاركة الأصلية كتبت بواسطة reamoz

مافيش أي نوع بنزين في مصر فيه رصاص من زمان كل البنزين unleaded
وعلى فكرة الرصاص أصلا مفيد للمواتير مش مضر لأنه بيعمل ترسيبات بتقفل أي خلوص زيادة في الشنابر فبتزود درجة الحبك لكن تم منع إضافة الرصاص للبنزين من سنين طويلة علشان هو مضر للبيئة مش للسيارة وبيسبب بوظان الكاتليزر أو الكاتاليك كونفيرتير اللي في الشكمان
وهرجع تاني وأقول إن الشوائب دي بتكون في تانكات البنزينة مش من مكونات البنزين نفسة يعني لو بنزين 95 ومحطوط في تانك معفن هيبقى كلة شوائب وزي الزفت
وبالنسبة لموضوع الإستهلاك الإستهلاك مش هيكون فيه فرق زي مانت متصور يعني هيفرق كلام فاضي مقارنة بإن البنزين الـ80 بنص تمن الـ92
واللي غاوي جري يدفع ويحط 95 كمان لو عايز محدش بيدفعلة حاجة من جبية!
إنما اللي عايز يوفر يحط بنزين 80 من بنزينة نضيفة ويأخر الكهرباء شوية علشان العربية ماتصقفش منه لأن هو ده الضرر (الوحيد) على الموتور وهو فعلا بتأخير الكهرباء شوية هيكون بيضحي بجزء بسيط من عزم الموتور نظراً لأنه بيأجل إنطلاق الشرارة لحد ما البستم يفتح سنة صغيرة بس طبعا في مقابل التوفير مش هيفرق مع صاحب الموضوع
لكن اللي عايز يستفيد من العزم الكامل لموتور عربيتة بغض النظر عن التوفير يحط البنزين المناسب للعربية.

كل واحد طبعا بيعمل اللى يريحة وعلى قد مشاويرة ونوع عربيتة بس انا شرحت تجربة ليا وحسيت يعنى اية فرق بنزين وعلى فكرة انا بمون من بنزينة واحدة بس يعنى عارف بنزينها عامل ازاى ودرجة الاهتمام اللى فيها فى كل الانواع
دة غير واحد واحد صاحبى معاة 128 بيمون 80 ومظبط الكهرباء علية بس كفاية انة لما بيجى يجرى ريحة البنزين اللى بتطلع كأنك قاعد فى التنك ,والاختلاف الشاسع اللى بيحصل لما بيمون 90 او 92
شكرا لمشاركتك وتقبل منى كل احترام

**aYaBooY** · 03-02-2010 09:43 PM

http://www.nilemotors.net/Nile/16758...engine-cr.html

أرجوا مراجعة الموضوع ده

**mah_almasry** · 04-02-2010 02:59 AM

معايا عربية ميتوسبيشي لانسر موديل 90 خدتها من الشغل ولسه مش حطيت بنزين ولا مرة . وبسال واحد قالي ممكن احط صفيحتين واحدة 80 وواحدة 90 عند كل مرة تموين . هل ده صح اني اخلط نوعين بنزين في نفس المرة علشان ارشد المصاريف .

**aYaBooY** · 04-02-2010 01:35 PM

المشاركة الأصلية كتبت بواسطة mah_almasry

معايا عربية ميتوسبيشي لانسر موديل 90 خدتها من الشغل ولسه مش حطيت بنزين ولا مرة . وبسال واحد قالي ممكن احط صفيحتين واحدة 80 وواحدة 90 عند كل مرة تموين . هل ده صح اني اخلط نوعين بنزين في نفس المرة علشان ارشد المصاريف .

عادي