الموضوع: تنظيف الرشاشت

المشاركة الأصلية كتبت بواسطة reamoz

رقم الأوكتان سواء 80 او 90 او 92 او 95 مالوش علاقة بالشوائب ولا الرشاشات
الكلام ده اللي بيفرق فيه التانكات بتاعة البنزينة ونظافتها والفلتر اللي بيكون في الطلمبة اللي بتضخ البنزين للمسدس اللي بتمون منه العربية فقط
يعني مفيش حاجة إسمها بنزين 80 هيبوظ الرشاشات
وطالما العربية مزبوطة ومش بتسقف مع البنزين الـ80 يبقى مفيش أي مشكلة من إستخدامة ولو بتسقف ممن تأخر الكهرباء شوية من الإسبراتير علشان التسقيف ده يتمنع لأن هو ده اللي ممكن يضر الموتور على المدي الطويل

اتفق معاك فى الشق الاول من المشاركة الخاص بشوائب البنزين لكن الجزئية التانية لية تعليق عليها
دلوقتى بنزين ال80 مليان رصاص بعكس ال90 وال92 وال95 وكل مانسبة الاوكيتان عليت فى البنزين كل مابقى اريح للماتور لانة بيتحرق صح من غير مجهود وتعب على الماتور عشان كدة بيهدى صوت الماتور وبيخلى السحب افضل بكتير
يبقى لو عربية انجيكشن استعملت بنزين 80 هيفرق كتير عن بنزين 90 او 92 دة غير انة هايطير بسرعة لانة مش كلة بيتحرق يبقى كدة هايحس ان الاستهلاك زاد + وجود شوائب كتير اصلا فى البنزين دة ومليان شوائب محدش يقول غير كدة +هيبوظ الماتور على المدى البعيد حتى لو كربراتير وخصوصا لو غاوى شد وجرى هتلاقى نفسك بتحرت فى المكنة من غير استجابة حقيقة لقوة الماتور
وعن تجربة شخصية كنت سيارتى السيفيك sir دخلت البنزينة عشان امون 95 وعلى بال ماكنت بطلعلة الفلوس بشوف العداد بتاع البنزينة لقيتة بيمون 90 ومون 8 لتر كملت الباقى 95 ولقيت السيارة اختلفت تماما وتنتيش وتقطيع وتبطيل وكل ماتتتخيلة فى العربية كان موجود وقعدت كدة حوالى يومين لحد مالبنزين خلص فى لمح البصر دة لافرق بين انواع البنزين
عشان كدة اللى عايز يحافظ على عربيتة يمون 90 فيما فوق اقل من كدة حرام