عربيتي البونتو مبتسحبش

**eng_ahesham** · 05-08-2009 05:00 PM

السلام علسكم ورحمه الله وبركاته
انا معايا بونتو كلاسيك 2002 عامله 92000
مشكله العربيه انها مخنوقه شويه ولما بكبس علي دواسه البنزين مره وحده وهي العربيه مش واخده غيار بسمع صوت (تفتفه) لامؤخذه يعني او تقطيعه

كنت رحت التوكيل قالولي لازم نفك ضفيره الكهربا بتاعه الانجيكشن ونراجع عليها وده هيخا يومين وهيتلف حوالي 1000
قلت طبعا شكرا
رحت لميكانيكي قالي غير البوجيهات (بوجيهاتي عامله 8000 او اقل) وقالي اوعي تحط سائل تنظيف او تفك الانجيكشن وتنظفه لانه لو مسدود هيعد معاك ثلاثه وسائل التنظيف بيبوظ الرشاشات
انا بجد اتخنقت مش عارف اعمل ايه
الله يكرمك ساعدوني فعلا اتخنقت

**samirayad** · 05-08-2009 08:56 PM

مشكله العربيه انها مخنوقه شويه ولما بكبس علي دواسه البنزين مره وحده وهي العربيه مش واخده غيار بسمع صوت (تفتفه)

أخبار فلتر البنزين والهواء أيه
ماتعمل أسكانر ....لأن ممكن يكون فيه مشكله فى حساس من الحساسات زى ال tps أو حساس قياس كمية الهواء عندك .....ولو عندك أيرماس ......أعتقد ممكن تلاقيه عاوز يتنظف

**aYaBooY** · 06-08-2009 04:00 PM

مش عارف ليه اي توكيل بيحسسك ان الالف جنيه ديه لعب عيال مبلغ عادي خالص كدة
المهم طبعا المعلم رد و مفيش رد يعدي رده بس اه نحاول هه
اولا فلتر الهواء و فلتر البنزين يتغيرم
بعد كدة تشوف البوجيهات و سلوك البوجيهات - تفتح الكبوت في حتة ضلمة و تزود و تنقص و تشوف فيه شرز في الحوض ولا لا لو فيه يبقي سلوك بوجيهات معاك - موضوع منظف الانجكشن يبوز لو بيستخدم بصورة جامدة لكن لو مرة كل فترة طويلة مش هايضر و ده كلام سبعاوي يعني ممكن يستخدم مرة و المرة التانية تكون بعدها بـ 25000 كم مثلا
و تشوف لو العربية عندك فيها تكيهات شاكوش و مسمار تتظبط برده و يفك البوابة و ينظفها و ينظف المنافول مفيش حاجة اسمها لو الرشاش مسدود يعد معاك تلاتة
فيه حاجة اسمها لو مسدود نروح ننظفة بالالترا سونيك و بعدين نشوف و انشاء الله تلاقي الدنيا فرقت بعد كدة