موتور وتكييف البوما الخليجى والمصرى

**khaledmekawy2008** · 06-08-2009 12:50 PM

عاوزين نعرف اراء الناس عن الفرق بين موتور البوما الخليجى والمصرى مكتوب فى كتالوج الخليجى انها 122 حصان وكتالوج المصرى 109 حصان هل فعلا موتور الخليجى اقوى
وبرده التكييف هل ابرد من تكييف المصرى وده من اراء ناس كتير اوى ان الخليجى بتبيقى اسقع من المصرى عشان الجو فى الخليج بيبقى حار جدا جدا وبرده الدهان فى الخليجى ببيبقى اتقل ولون الخليجى فى اختلاف عن المصرى

ياريت حد يريحنا من الموضوع ده عشان نبطل كلام عن الفرق بين المصرى والخليجى

**mohamedway** · 06-08-2009 01:56 PM

الموضوع ده قتل بحثا فى مواضيع كثيرة قبل كده و من الأخر مفيش فرق غير فى الموتور ال 1600 فقط (الخليجى أقوى بفرق غير محسوس قوى و يحتاج بنزين 95 للإستفادة من فرق القوة بينهم و للحفاظ على الموتور) و التكييف و الدهان و العفشه هى هى بالضبط

**khaledmekawy2008** · 08-08-2009 06:43 AM

المشاركة الأصلية كتبت بواسطة mohamedway

الموضوع ده قتل بحثا فى مواضيع كثيرة قبل كده و من الأخر مفيش فرق غير فى الموتور ال 1600 فقط (الخليجى أقوى بفرق غير محسوس قوى و يحتاج بنزين 95 للإستفادة من فرق القوة بينهم و للحفاظ على الموتور) و التكييف و الدهان و العفشه هى هى بالضبط

طيب وايه حكاية كتالوج الخليجى انو 122 حصان وان كتالوج المصرى مكتوب فيه 109 حصان وبرده فى فرق محدش خد باله منه ان وزن العربية الخليجى اتقل من المصرى وده برده فى الكتالوج فبكده اثبت من المصرى
وزن الخليجى 1221 كجم
وزن المصرى 1191 كجم

كمان التكييف اسقع من العربيات المصرى وده انا ملاحظة لما بركب اى لانسر مصرى لكن مش بفرق شاسع يعنى لكن احنا عاوزين حد يفصل فى حته ال 122 حصان دوول