هقولكم تجربتى مع الكورولا الجديده موديل 2008 mmt القوه 124 حصان والعزم 157 نيوتن.متر
العربيات اللى تسابقت معها
فيرنا 1600 مانيوال واوبترا 1600 اوتو والنترا 1600 اوتو ولانسر بومه 1600 اوتو cvt وميجان 1600 اوتو وسيفيك 1600 اوتو وجيتا 1600 اوتو واوكتافيا a4 مانيوال واوكتافيا a5 اوتو وماذدا 3 مانيوال وماذدا 3 اوتو وفيات لينيا 1400 تربو 120 حصان مانيوال وبى ام دبليو 116 i اوتو وبى ام دبليو 316 مانيوال وبى ام دبليو 320 i ودى 2000 سى سى 156 حصان وماتريكس مانيوال وتويوتا افينسيس 1600 مانيوال و ستروين c4 اوتو وبيجو 307 اوتو وسيات ليون مانيوال واوبل فيكترا مانيوال وفيكترا ايزى ترونيك واسترا gtc ايزى ترونيك ومرسيدس c200 وتويوتا كورولا موديل 2000 موتور 1600 تربو
الحقيقه كل العربيات دى الكورولا هزمتها ما عدا
1-الينيا طلعت من الكورولا بفرق بسيط لحد 120 بعد 120 الكورولا عزمها اعلى بكثير قوى من اللينا على السرعات العاليه وبتطلع بسهوله
2- البى ام دبليو 320 اوتو الكورولا بتتطلع منها لحد 100 كم وبعدين البى ام دبليو بتبدا تعدى بصعوبه شديده ولكن بتبدا تبعد بعد 160 جامد والتجميع بعد 180 البى ام افضل بكثير وبفرق واضح
3- المرسيدس c200 يا دوووب الكورولا لما تحول على المانيوال وبعد ما الغيار الاول يخلص على 55 كم كدا تلاقى المرسيدس بتتطلع جامد من الكورولا وبصراحه المرسيدس c 200 تجميعها افضل بكثير من البى ام دبليو 320 على الرغم انها 1800 سى سى فقط والبى ام 2000 سى سى
4- ودى المفاجاه تيووتا كورولا(العيون) 1600 تربو موديل 2000 وبتتطلع منى حتى على سرعات فوق ال 200 وصاحبها بيقول بعد التربو قوتها 165 حصان بس انا معتقدش لانها مش بيفرق عنى كثير وعربيتى 124 حصان واثقل بكثير من عربيته
5- دى كانت مره وانا داخل مدخل الرحاب من طريق السويس كانت عربيه رينو كليو مكتوب عليها سبورت وكانت سريعه مووووووت وما عرفتش اعمل اى حاجه معاها خالص
الحقيقه انا مبسوط قوى من اداء الكورولا اللى بيديلى ثقه من ادائها وسحبها الرائع بالنسبه لفئتها
تحياتى