وحوش اللوجان فقط و البقية يمتنعون

**mostgood** · 07-08-2010 12:04 PM

السلام عليكم جميعا ياشباب وكل عــــــــــــــــــام و انتم بخير
انا طالب مساعدتكم في القرار المصيري المعتاد لأي شاب غير الزواج وهوا اقتناء سيارة
انا سيارتي الحالية فيات بونتو 2004 و عايز اجيب سيارة زيرو و اخري 70000 جنية وفعلا لوجان منتشرة و شاكلها حلو نوعا ما وكا حجم لا مقارنة بالبونتو لكنها كمواصفات مغرية عن الشكل بكتير بس انا خايف بعد ما اجيبها احس اني مش مبسوط عشان من جولتى في المنتدي لاقيت إلى يبقول انها خشنة وإلي بيقول ان الفتيس بيرعش وإلي بيقول ان الباور تقيل او يعد مش باور والي بيقول ان صوت الموتور عالى و الصوت بتاعة غريب او قديم بمعنا تاني و إلي بيقول في حرارة عند دواسة البنزين إلي دايما بترعش .... انا مش بعيب فى السيارة لكن دا إلي انا عرفتة من جولتي في مواضيع المنتدى الجميل والبديل التاني هو بونتو اكشن تاني مرة بس زيرو 2011 ب 65900 جنية صناعة إيطالي.
اسف على الأطالة لكن دة موضوع محتاج مساعدة وحوش

**MoHaMed HaMeD** · 07-08-2010 02:14 PM

مش هقدر اقولك جربها التجربه احس من كثره الاقاويل
ومبروك مقدما

**neemmohamed** · 07-08-2010 02:35 PM

على فكرة الملحوظات اللى انت قولتها ديه غير ملموسة عند الكل .... بس احنا هنا بنوضح تفاصيل دقيقة جدا و قد تكون غير مؤثرة

وعند المقارنة بينها و بين اى عربية تانيى اكيد هاتلاقى فرق .... بس الحكم يرجع ليك انت .... مثلا من حيث الحجم .... الموتور ... سعة الشنطة ... الاعتمادية و التحمل ... الخامات و الجودة .... الوكيل و خدمة ما بعد البيع... كل ده كمان فى مقابل السعر ... يعنى عناصر كتير و انت الحكم على اللى يناسبك

بس راى الشخصى اللوجان تكسب و على فكرة انا برضوا شوفت البونتو كلاسيك قبل كدا بس الموتور اصغر 1300 الشنطة اصغر الحجم الخارجى و الداخلى ... يعنى ... ربنا يوفقك لما فيه خير ليك

**mohamed2001** · 07-08-2010 03:17 PM

بص يا سيدي.اى عربية فى الفئة السعرية دي طبعا هتلاقى فيها عيوب.انا كنت حيران حيرتك دي و برضو قلقت شوية لما تجولت بين موضوعات المنتدى بتاع لوجان.لكن رجعت اطمنت لما تصفحت باقي اقسام المنتدي وعرفت ان بقية العربيات اللى في نفس الفئة السعرية مشاكلها اكتر من اللوجان.ياريت تدخل علي قسم المقارنات في المنتدي هتستفيد منه جدا.وفى الاول والاخر لازم تستخير ربنا.

**ahmedbakr50** · 07-08-2010 04:27 PM

وكمان إنت محتاج شنطة ولا لأ؟؟

**mostgood** · 07-08-2010 07:56 PM

اولا: شكر كبير لكل من رد عليا و اهتم بموضوعي دون استثناء
ثانيا: اكيد اللوجان بالورقة والقلم تكسب وانا لام اجرب لكن عندي سؤال بالتحديد هو اني خايف ا شاكك انها عربية سوقتها قديمة يعني مفيش متعة قيادة هل دة حقيقي؟

**amr.elsayed** · 07-08-2010 09:02 PM

المشاركة الأصلية كتبت بواسطة mostgood

اولا: شكر كبير لكل من رد عليا و اهتم بموضوعي دون استثناء
ثانيا: اكيد اللوجان بالورقة والقلم تكسب وانا لام اجرب لكن عندي سؤال بالتحديد هو اني خايف ا شاكك انها عربية سوقتها قديمة يعني مفيش متعة قيادة هل دة حقيقي؟

العربية سواقتها ممتعة جدا ومريحة وبالذات فى طرق السفر وثباتها بالنسبة للفئة بتاعتها ممتاز
انت كل ما عليك تاخدوضعية القيادة الرياضية وانطلق ... بس بردو لازم فى اول عمر العربية بتكون مخنوقه شوية
وكل حاجة بتلين مع الوقت وعلى حسب الكاتلوج بعد 3000 كيلو و عملى بعد 5000 كيلو و بعد 10000 كيلو ومع اول تغيير زيت حتبدأ تحمد ربنا على توفيقه لك لهذه السيارة باذن الله
على فكرة دركسيون اللوجان تحفة بالذات فى المناورات والغرز على الطرق السريعة وفى نفس الوقت فرامل محترمة جدا جدا ومسعفة وفيها فكر متطبق
وربنا يوفقك لما فيه الخير