واضحة زى الشمس ومعظمنا عمره ما خد باله منها

**falcon191** · 11-06-2009 01:04 AM

لولا انك قلت الملحوظة دي دلوقتي ، أنا بتهيألي مكنتش هاعرفها إلا بعد خمسين سنة وده احتمال ضعيف

**Bossy_Fadl** · 11-06-2009 03:57 AM

اه و انا اللي كنت فاكره...

بصراحة مابعرف كنت فاكره ايه

انا اساسا عمري ما فكرت بهالموضوع

ميرسي كتير لحضرتك استاذ سبعاوي

جزاكالله كل خير علي المعلومة

**wahba87** · 11-06-2009 08:09 AM

أول مرة اعرفها بس جامدة

**jisso82** · 11-06-2009 09:26 AM

طبيعى على فكرة إن ماحدش ياخد باله لأن العادى إن احنا لا بنأجر و لا بنستلف و لا بنجيب عربية جديدة كل يوم ده غير إن فيه ناس محظوظة ركبت تلات أو أربع عربيات فتحة التانك بتاعتهم فى نفس الناحية و دول لما بيشوفوا عربية فتحة التانك بتاعتها الناحية التانية بيفتكرو العربية جاية من إنجلترا غلط

**M.Mostafa80** · 11-06-2009 09:37 AM

يبقى أنا كدا قوى الملاحظه لأنى أخدت بالى من الموضوع ده ياهندسه

**zanativich** · 11-06-2009 09:40 AM

المشاركة الأصلية كتبت بواسطة sab3aawy

هقول لكم على معلومة عجيبة جدا، هتبين لنا قد ايه معظمنا قوة ملاحظتة ضعيفة جدا

عادة لما بتحب تعرف مكان تانك البنزين فى العربية بتعرفه منين؟ خصوصا لو مش عربيتك او لسة جايبها جديد او مأجرها

يا إما بتزل تبص على فتحة التنك يا إما يتدخل المحطة كيفما اتفق والعامل المفتكس يعدى لك الخرطوم من فوق الشنطة ويصنفرلك البوية بتاعتها( مفيش حد فى العالم كله بيعمل العملة دى غيرنا)

مع ان صانع السيارة حاطط لك علامة واضحة جدا لمكان فتحة التنك فى تابلوه العربية

بتعرف منين ان عداد البنزين هو بتاع البنزين ومهواش بتاع الحرارة؟ هتقوللى طبعا ان دى مش محتاجة ذكاء لأن عداد البنزين مرسوم عليه ايقونة على شكل الطرمبة بتاعة محطة البنزين

طب ايه رأيك بأه ان الطرمبة دى نفسها بتقوللك فتحة خزان البنزين فى أنهى ناحية من العربية

بص معايا على الصورة المرفقة دى وهتفهم قصدى وهتستغرب ان ازاى بقالك 20 سنة بتسوق وركبت 43 عربية ومخدتش بالك من الموضوع ده

أنا عارفها يا سبع

**El Prince** · 11-06-2009 01:56 PM

لو كن مصنعى السيارات حطوها داخل مانيوال استعمال السياره , كانت بأت سهلة ..
لكن علشان همه معملوش كده , جه الدور الحيوى ( لكتير من الأشياء) و اللى قام بيه منتدى زى منتدانا الجميل و كل من فيه من ناس أجمل ...