هو يمكن في الفترة الأخيرة كان المنتدى بشكل عام بيتعمل له تطوير في حاجات كتير وبيتنقل من سيرفر في امريكا لسيرفر في ألمانيا وده سبب توقفه عده مرات وحدوث بعض المشاكل الفنية اللي خلت الناس تقلل في مشاركاتها او احيانا لما تدخل تلاقي المنتدى واقف فميحاولش يدخل تاني خلال اليوم
المهم ان دلوقتي الحمد لله كل المشاكل الفنية دي انتهت والمنتدى اصبح مستقر وسريع وبناء عليه ندعو جميع اللانسراوية الى المشاركة الفعالة تاني
وانا اساسا بهذا الخصوص كان ليا عتاب برضه على اللانسراوية وهو ان في الفترة الأخيرة معظم المواضيع ان لم تكن كلها اصبحت اسئلة وعرض مشاكل ومطلوب حلها
امال فين المواضيع الجديدة التي تثري المنتدى زي مثلا :
- معلومات عن العربية الميتسوبيشي سواء البومة او الشارك او اي موديل تاني باجيرو - كولت - جالنت - غيرها
- كذلك تجارب الأعضاء مع العربية (حتى وان كان فيه زيها قبل كده) ،
- ممكن حد من الأعضاء يعمل تبويب وتقسيم وتجميع لأهم المواضيع في منتدى ميتسوبيشي لتسهيل الوصول للمعلومة من خلال تجميع كل المواضيع اللي بتتكلم عنها في مكان واحد
ومننساش ان ادارة المنتدى بتختار كل شهر أفضل موضوع ليتم تثبيته لمدة شهر والاشادة بكاتبه
فشدوا حيلكم يا لانسراوية ومنتظرين المواضيع الجديدة
المفضلات