الموضوع: حد يعرف حاجة عن المظلات؟؟

المشاركة الأصلية كتبت بواسطة ahmed samy

بالعكس القفز بالمظلة أحد النشطة التي تتطلب قدرا (فائقا) من اللياقة البدنية

لضمان دفع الدم للمخ و الأطراف

و خلاصة اذا تضمنت القفزة ارتفاعا اضافيا للقفز الحر و هو ما يتطلب عضلات صدر و ظهر و بطن في كفائة عالية لأنها تتحكم تماما بحمل الجسم بالهواء بضغط رفع قوي كما انها مسئولة عن التوجيه و التحكم في سرعة السقوط قبل فتح المظلة ..

ده غير لحظة فتح المظلة نفسها و تأثير القصور الذاتي على فقرات الظهر

في غير وجود تدريبات قاسية -و مفترية- قد يتقدم شخص للقفز و هو غير مؤهل و الغلطة ...بموته





أنا في انتظارك

كلامك صحيح طبعاً بالنسبه لموضوع اللياقه

وكمان تدريبات المظلات نفسها مهمه جداً جداً عشان إنت بتنط بمظله مافهاش فرامل وبتلمس الأرض بسرعه كبيره نسبياً ولو إنت ما إستقبلتش الأرض بطريقه صحيحه ممكن لا قدر الله يجيلك كسر مضاعف.

لكن اللي أنا معترض عليه هو المعامله العسكريه والنفسنه اللي مالهاش لزمه

أنا مالي أنا أتعلم خطوه سريعه وخطوه معتاده ليه وعلى اليمين حذاء وعلى الشمال ..... انا راجل مدني

هناك المدربين بيتعاملوا مع المتدربين كأنهم لواءات وكأن المتدربين دول عساكر عاده

تخيل نفسك شاب محترم وبتشتغل في مكان محترم وواخد أجازه من الشغل مخصوص عشان حاجه نفسك تعملها وتلاقي المدرب اللي سنه ما جابش 20 سنه يقولك نضف الأرض من الطوب والدبش ولو إعترضت ينزلك 6 إستعد!!!!! هو ده الي أنا معترض عليه

المشاركة الأصلية كتبت بواسطة marsguy

هناك المدربين بيتعاملوا مع المتدربين كأنهم لواءات وكأن المتدربين دول عساكر عاده

تخيل نفسك شاب محترم وبتشتغل في مكان محترم وواخد أجازه من الشغل مخصوص عشان حاجه نفسك تعملها وتلاقي المدرب اللي سنه ما جابش 20 سنه يقولك نضف الأرض من الطوب والدبش ولو إعترضت ينزلك 6 إستعد!!!!! هو ده الي أنا معترض عليه

حضرتك بتاخد التدريب ده تحت اشراف عسكريين
فالمعامله بالاسلوب ده طبيعيه لان هو ده اسلوب العسكريين
اقدميه وطاعه اوامر وبس بصرف النظر عن اعتبارات السن
والوضع الاجتماعى
واللى عايز العسل يستحمل قرص النحل

المشاركة الأصلية كتبت بواسطة freeefair

حضرتك بتاخد التدريب ده تحت اشراف عسكريين
فالمعامله بالاسلوب ده طبيعيه لان هو ده اسلوب العسكريين
اقدميه وطاعه اوامر وبس بصرف النظر عن اعتبارات السن
والوضع الاجتماعى
واللى عايز العسل يستحمل قرص النحل

طب و ليه التدريب تحت إشراف عسكريين ؟؟؟

ما هو فى إتحاد مصرى للألعاب الهوائية (مظلات + طيران شراعى) .. و ده تابع لوزارة الشباب ...

إيه اللى دخل وزارة الدفاع فى الأمر؟؟

المشاركة الأصلية كتبت بواسطة relentless_mayhem

طب و ليه التدريب تحت إشراف عسكريين ؟؟؟

ما هو فى إتحاد مصرى للألعاب الهوائية (مظلات + طيران شراعى) .. و ده تابع لوزارة الشباب ...

إيه اللى دخل وزارة الدفاع فى الأمر؟؟

ما دام هتطير في الهوا

يبقى العسكريين لازم يتواجدوا

انت في مصر و طبعا عارف حساسية ان مدني (يطير)

احنا ماعندناش طيران اسعاف ولا صحافة ولا شرطة حتى

الطيران = الجيش

دي مسأله أمن قومي

أما الاتحاد المصري للألعاب الهوائية فده تطلع منه كارنيه

ألعاب هوائية فعلا

المشاركة الأصلية كتبت بواسطة أحمد كمال

لا هي مسالة تانية بس بلاش نفتح العلب على رأي ابراهيم نصر

كده هاتقلب أمن دولة

و هاتوحشني

مشيها قومي و خلاص

المشاركة الأصلية كتبت بواسطة ahmed samy

ما دام هتطير في الهوا

يبقى العسكريين لازم يتواجدوا

انت في مصر و طبعا عارف حساسية ان مدني (يطير)

احنا ماعندناش طيران اسعاف ولا صحافة ولا شرطة حتى

الطيران = الجيش

دي مسأله أمن قومي

أما الاتحاد المصري للألعاب الهوائية فده تطلع منه كارنيه

ألعاب هوائية فعلا

منطقى فعلا ...

و خاصة الطائرات عسكرية إللى بتنط منها .. C-130 ...

يللا إن شاء الله لو لينا نصيب نشترك نشترك إن شاء الله ....

أنا عامة هسأل بس مظنش فى دورة فى رمضان .. ولا إيه رأيكم؟

المشاركة الأصلية كتبت بواسطة mada121977

على فكره انت على حد معلوماتى مش هتنط من الهيركوليس c130 انت بتنط من طائره هليوكوبتر غالبا مل مى 28 لتقليل التكلفه طبعا ولان غالبا الطلعات بتطلع من مطار 6 اكتوبر وده غير مؤهل انه يستقبل طائره بحجم ال C 130

فعلا مش ممكن النطة من الغول ده تكون بخمسين بندق



يعني الدبابة دي دافعة خمسين جندي ؟؟؟؟؟

دي النطة من الـC 180 الكومبريسور تعملها 100 جنيه


أكيد هاننط من حتة هليكوبتر 127


__________________________
العضو احمد عبدالرحمن
تحذير لو ما شوفتكش في رمضان
مش هايحصل كويس
لأنك تبقى وحشتني قوي قوي و مش هاينفع كده