لديك مشكلة ,شكوى فى سيارتك الكيا (خط اتصال مباشر مع التوكيل)

**germansheepard** · 28-09-2009 05:16 PM

انا عندى بيكانتو 2009 و عاملة 5200 كم و من فترة لاحظت ان المارشيدير بيعاكس فى الفيتيس و مؤخرا بقت ملحوظة,يعنى لازم اجيب الأول او اى غيار قبلها عشان تيجى. اعمل ايه و المفروض حل الموضوع دة داخل الضمان لان مافيهوش سبيل لسوء الاستخدام. شكرا

**NaderNabil** · 28-09-2009 05:18 PM

المشاركة الأصلية كتبت بواسطة germansheepard

انا عندى بيكانتو 2009 و عاملة 5200 كم و من فترة لاحظت ان المارشيدير بيعاكس فى الفيتيس و مؤخرا بقت ملحوظة,يعنى لازم اجيب الأول او اى غيار قبلها عشان تيجى. اعمل ايه و المفروض حل الموضوع دة داخل الضمان لان مافيهوش سبيل لسوء الاستخدام. شكرا

عادي جداً يا باشا....في الصيانة القادمة...قولوهم على العيب ده و هما يتكفلوا بيه بسهوله...
انا كان عندي في الغيار الأول و الثاني...و بقت زي الفل حالياً

**أبو_يوسف** · 28-09-2009 06:06 PM

طيب انا دلوقتي عملت صيانة ال 60 ألف في روكسي - عربية سيراتو 2006- وغيرت طقم دبرياج مع الصيانة
ولي بعض الملاحظات اللي ظهرت بعد الصيانة:-
- وجود رعشة في دواستي البنزين والدبرياج كانوا موجودين قبل تغيير طقم الدبرياج ولكن زادوا بعد الصيانة.
- نقلة المارشيدير بتعاكس احيانا مش بتيجي من أول مرة..
- الدركسيون اصبح ثقيل -تم تغيير سير باور في الصيانة -
وبصراحة من خلال متابعتي هنا ملاحظ ان الكلام على فرع روكسي مايطمنش ودا الاحساس اللي جالي هناك برضه.. معرفش ليه..
السؤال دلوقتي لو عايز اراجع على العربية ينفع اروح ابو رواش ولا هايبقى لازم فرع روكسي اللي عملت فيه الصيانة؟
لان المفروض الحاجات دي تتعمل تبع الصيانة القديمة مش شغل جديد ولا ايه؟

**m_o_sakr** · 29-09-2009 11:36 AM

السلام عليكم
يا ترى ايه الفرق بين ال new cerato sx highline من الوكيل و الخليجى من حيث الموتور و العفشه و التكييف و ال دهان و الامان و الكماليات!!! كل حاجه ,,,,,,,
شكراً

**NOWOMANNOLIFE** · 29-09-2009 11:38 PM

ارجو المساعدة في تصليح تابلوة كيا سيفيا 1995 عشان طقطق وخرج من مكانه ؟؟؟ اروح لمين اصلحه ؟؟؟ ارجو الرد

**sadzaglol** · 01-10-2009 05:39 PM

استفسار بخصوص مشكلة تظهر وتختفى وهى ان العربية وهيا ماشية ودايرة احيانا آجى ادوس بنزين متديش اى رد فعل يعنى ابقى دايس دواسة البنزين على الآخر ومش سامع صوت مع تقطيع يعنى كنت لما انقل على التالت او الرابع تكون العربية مخنوقة وكل ما كنت ازود بنزين مكانش بيفرق معاها وبعدين تروح لوحدها المشكلة دى ظهرت مرتين بس واختفت بعد كدة رحت غيرت فلتر البنزين ونظفت فلتر الهوا وغيرت بوجيهات ومشيت العربية زى الفل وبعد فترة ظهرت نفس المشكلة تانى وبعدين اختفت
دلوقتى انا مش عارف هل العيب تانك البنزين عايز تنظيف ولا تنظيف الحساسات والبخاخ ولا طلمبة البنزين باظت ولا اسطوانة دبرياج ولا اية... ارجو من الاخوة الافاضل ارشادى

**m_o_sakr** · 03-10-2009 02:45 PM

ana 3aiz a3rf mmkn el wkil ygeb el 3rbia feha esp (electronic stability program ) wla l2!!, w kman 3aiz a3rf el framl wra disk wla eh !!

**m_o_sakr** · 07-10-2009 08:14 AM

No person reply,,,,
please i want to know if there is a differnt between the brake, paint, A/C and engine cooling between new cerato (Gulf) and new cerato (EIM)
Thank you all,,,,

**NaderNabil** · 07-10-2009 10:09 AM

المشاركة الأصلية كتبت بواسطة m_o_sakr

no person reply,,,,
please i want to know if there is a differnt between the brake, paint, a/c and engine cooling between new cerato (gulf) and new cerato (eim)
thank you all,,,,

حضرتك ممكن تعمل الأسئلة دي في موضوع منفصل...لأان الموضوع ده مخصص للإجابة على الشكاوى ضد صيانة توكيل كيا فقط

**NaderNabil** · 07-10-2009 10:14 AM

المشاركة الأصلية كتبت بواسطة timtim

طيب انا دلوقتي عملت صيانة ال 60 ألف في روكسي - عربية سيراتو 2006- وغيرت طقم دبرياج مع الصيانة
ولي بعض الملاحظات اللي ظهرت بعد الصيانة:-
- وجود رعشة في دواستي البنزين والدبرياج كانوا موجودين قبل تغيير طقم الدبرياج ولكن زادوا بعد الصيانة.
- نقلة المارشيدير بتعاكس احيانا مش بتيجي من أول مرة..
- الدركسيون اصبح ثقيل -تم تغيير سير باور في الصيانة -
وبصراحة من خلال متابعتي هنا ملاحظ ان الكلام على فرع روكسي مايطمنش ودا الاحساس اللي جالي هناك برضه.. معرفش ليه..
السؤال دلوقتي لو عايز اراجع على العربية ينفع اروح ابو رواش ولا هايبقى لازم فرع روكسي اللي عملت فيه الصيانة؟
لان المفروض الحاجات دي تتعمل تبع الصيانة القديمة مش شغل جديد ولا ايه؟

ممكن تروح مركز أبو رواش...و إشرحلهم كل اللي حصل...و خذ معاك أصل فاتورة تغيير الأشياء دي...المفروض فيه ضمان 6 شهور أو 10000 كيلو على القطع المستبدلة...

استفسار بخصوص مشكلة تظهر وتختفى وهى ان العربية وهيا ماشية ودايرة احيانا آجى ادوس بنزين متديش اى رد فعل يعنى ابقى دايس دواسة البنزين على الآخر ومش سامع صوت مع تقطيع يعنى كنت لما انقل على التالت او الرابع تكون العربية مخنوقة وكل ما كنت ازود بنزين مكانش بيفرق معاها وبعدين تروح لوحدها المشكلة دى ظهرت مرتين بس واختفت بعد كدة رحت غيرت فلتر البنزين ونظفت فلتر الهوا وغيرت بوجيهات ومشيت العربية زى الفل وبعد فترة ظهرت نفس المشكلة تانى وبعدين اختفت
دلوقتى انا مش عارف هل العيب تانك البنزين عايز تنظيف ولا تنظيف الحساسات والبخاخ ولا طلمبة البنزين باظت ولا اسطوانة دبرياج ولا اية... ارجو من الاخوة الافاضل ارشادى

كل اللي نقدر نفيدك بيه هو الذهاب إلى التوكيل لفحص السيارة كاملة و كشف العيب...لكن ممكن تعمل الموضوع في قسم الورشة و هتلاقي إجابات إن شاء الله