بتحب تاكل سمك فى اسكندرية بتاكل عند مين؟؟؟

**أبو صلاح** · 13-08-2009 04:10 PM

انا أكلت عند حودة جوندل وأكلت عند شعبان
شعبان : فيه تشكيلة سمك زي ما تحب يعني بتوزن كيلوا السمك من اي نوع بسعر 40 ج للكيلو وتوزن الجمبري لوحده 90 ج للكبير و 70 للصغير والسبيط لوحده بس مش فاكر السعر المكان منظم جدا وشكله رائع وستايل وبجد تحس بطعم الاكل فيه لكن بسهولة تلاقي نفسك دافع مبلغ وقدره بسبب جودة التشكيلة اللي عنده احنا رحنا 3 أفراد دفعنا تقريبا 200 ج ومجبناش جمبري كمية كبيرة والرز ليه حساب لوحده بره الطلب
حودة جودنل: يعتمد على الكمية المهولة للاكل لدرجة تبقى قايم بتلف معاك نص الاكل وبعد ما تخلص الاكل نلاقي البنوتة اللي هناك بتجيبلك الحاجة الساقعة يعني هتتكتم كتمة منيلة بس يعيبه انه نواع واحد بس من السمك ونصيحة ادي للواد اللي بيجيبلك الطلبات 10 ج وسيب الباقي عليه هيجيبلك المطعم كله قدامك الرز بتاع المطعم ده تعبان والسلطة الخضراء تعبانة جدا مش بيهتموا بيهم خالص الوجبة هناك رخيصة ب 32.5 ج بتمشل نوع واحد من السمك +حوالي 6 جمبري كبير + 3 قطع كلاماري + شوية جندوفلي + كفتة جمبري + 1 كابوريا + رز +سلطة خضراء + طحينة + عيش + كانز (طبعا بعد تظبيطك للواد) انا رحت المطعم ده مرتين اول مرة كانت على يد حبيبي وأخويا الكبير أشرف فتحي
وبالهنا والعافية

**MoToRiZeR** · 13-08-2009 04:13 PM

المشاركة الأصلية كتبت بواسطة أبو صلاح

وبجد تحس بطعم الاكل فيه لكن بسهولة تلاقي نفسك دافع مبلغ وقدره بسبب جودة التشكيلة اللي عنده احنا رحنا 3 أفراد دفعنا تقريبا 200 ج ومجبناش جمبري كمية كبيرة والرز ليه حساب لوحده بره الطلب
ة

يا خبر أبيض .. علي كدة جندوفلي غالي أوي .. متوسط الفردين هناك بتاع 190 جنيه !

**أبو صلاح** · 13-08-2009 04:53 PM

المشاركة الأصلية كتبت بواسطة motorizer

يا خبر أبيض .. علي كدة جندوفلي غالي أوي .. متوسط الفردين هناك بتاع 190 جنيه !

مجربتوش بصراحة
بس هو في مبدأ : الغالي تمنه فيه

**aliabutaleb** · 13-08-2009 05:17 PM

على فكرة فيه زفير اللي في المكس
وفيه زفيريون في أبو قير
الاتنين ملهمش دعوة ببعض :)
بس اللي كل الناس بتتكلم عليه هنا هو زفير المكس
المكان على الخريطة

وده الويب سايت بتاعه

**MoToRiZeR** · 13-08-2009 05:19 PM

لأ انا إتقالي علي زفريون و إفتكرت هو هو .. طب أنهي أحسن ؟

**aliabutaleb** · 13-08-2009 05:22 PM

المشاركة الأصلية كتبت بواسطة MoToRiZeR

لأ انا إتقالي علي زفريون و إفتكرت هو هو .. طب أنهي أحسن ؟

أنا مكلتش في زفيريون

بس زفير فعلاً رائع

حد أكل في الاتنين يقارن :)

وآدي خريطة زفيريون في أبو قير

**elgabry1977** · 13-08-2009 05:49 PM

زفير اللي في المكسو و برضه الناس ناسه ابو اشرف اللي في بحري, دا عليه حتة شوربه جمبري

**hossam_elwani** · 13-08-2009 06:44 PM

ميه ميه على المعلومات الكتيرة ديه ....... طيب عندى سؤال زفير اخبارة ايه فى الاسعار ؟؟؟ والطلبات عنده ازاى بالكيلو ولا بالطلب ؟؟؟

**شريف** · 13-08-2009 08:50 PM

المشاركة الأصلية كتبت بواسطة أبو حمزة

على فكرة فيه زفير اللي في المكس
وفيه زفيريون في أبو قير
الاتنين ملهمش دعوة ببعض :)
بس اللي كل الناس بتتكلم عليه هنا هو زفير المكس
المكان على الخريطة

وده الويب سايت بتاعه

هو منين من القلعة؟
مش عارف اطلعها من الخريطة؟

**SHNORY** · 13-08-2009 09:43 PM

المشاركة الأصلية كتبت بواسطة شريف

هو منين من القلعة؟
مش عارف اطلعها من الخريطة؟

هو بعيد عن القلعه يا باشا
المكس دا علي طريق العجمي
يعتبر في طريقك للساحل بس من وسط البلد
القلعه في الناحيه التانيه من اسكندريه علي الكورنيش
حضرتك حدد انت تقدر توصل فين في اسكندريه واحنا نشرحلك تمشي ازاي
بس لازم ناخد الاول نقطه ارتكاز نشرحلك عليها من جوه اسكندريه
اصل للاسف نادرا ما تلاقي اسكندراني بياكل سمك في مطاعم
كلنا بناكله في البيت علشان نعرف ننام بعده

الموضوع: بتحب تاكل سمك فى اسكندرية بتاكل عند مين؟؟؟

LinkBack

أدوات الموضوع

عرض

-

-

-

-

المواضيع المتشابهه

تاكل وش السلندر

اسباب تاكل الزيت

تاكل وش سليندر....

تاكل الكاوتش

تحب تاكل إيه النهاردة

الكلمات الدلالية لهذا الموضوع

المفضلات

المفضلات

ضوابط المشاركة